Kirkjulundur 17 - Umsókn um byggingarleyfi - Deiliskipulagsbreyting

Lögð fram tillaga að óverulegri breytingu á deiliskipulagi Miðbæjar - Þjónustuhverfi sem nær til lóðarinnar Kirkjulundur 17 í samræmi við 2.mgr.43.gr.skipulagslaga nr.123/2010 að lokinni grenndarkynningu í samræmi við 44.gr. sömu laga. Tillagan gerir ráð fyrir stækkun byggingarreits að lóðarmörkum fyrir og kalda geymslu.
Tillagan skoðast því samþykkt sem óveruleg breyting deiliskipulags Miðbæjar-Þjónustuhverfi.
Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Bæjarstjórn samþykkir tillögu skipulagsnefndar um að grenndarkynna óverulega breytingu á deiliskipulagi Miðbæjar - efra svæði samkvæmt 2. mgr. 43. gr. skipulagslaga nr. 123/2010, vegna lóðarinnar við Kirkjulund 17. Í tillögunni felst að leyfa viðbyggingu fyrir kalda geymslu. (Mál nr. 2108104)

Bæjarráð samþykkir að leggja til við bæjarstjórn að samþykkja tillögu skipulagsnefndar um að grenndarkynna óverulega breytingu á deiliskipulagi Miðbæjar - efra svæði samkvæmt 2. mgr. 43. gr. skipulagslaga nr. 123/2010, vegna lóðarinnar við Kirkjulund 17. Í tillögunni felst að leyfa viðbyggingu fyrir kalda geymslu.

Á fundi skipulagsnefndar þann 27.05.2021 var lögð fram umsókn um byggingarleyfi sem gerði ráð fyrir viðbyggingu við verslunar- og þjónustuhúsnæði sem hýsa geymslur sem tengjast starfseminni. Skipulagsnefnd gerði ekki athugasemd við að skipulagsstjóri vísi þeirri tillögu í grenndarkynningu. Nú er lögð fram beiðni um breytingu á deiliskipulagi Miðbæjar - Þjónustuhverfi fyrir Kirkjulund 17 fyrir skorstein og kalda geymslu. Skipulagsnefnd gerir ekki athugasemd við að skipulagsstjóri vísi umsókninni í grenndarkynningu. Grenndarkynningin skal ná til Kirkjulundar 11, 13, 15 og 19.