Gilsbúð 5 - Fyrirspurn til tækni- og umhverfissviðs

Lögð fram umsókn um byggingarleyfi að lokinni grenndarkynningu. Tillagan gerir ráð fyrir stækkun byggingarreits á baklóð vegna viðbyggingar. Nýtingarhlutfall hækkar úr 0.45 í 0.55.
Engar athugasemdir bárust og gerir skipulagsstjóri því ekki athugasemd við veitingu byggingarleyfis fyrir stækkun sem er í samræmi við grenndarkynnt gögn.
Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram byggingarleyfisumsókn sem gerir ráð fyrir viðbyggingu sem kallar á stækkun byggingarreits á mæliblað. Stækkun byggingarreits er á baklóð 12,6 x 14 metrar(176 m2).
Nýtingarhlutfall lóðarinnar hækkar því upp í 0,55 en það er 0,4 samkvæmt deiliskipulagi Bæjargils sem var til grundvallar uppbyggingar atvinnulóða við Gilsbúð. Krafa um eitt bílastæði á lóð á hverja 50 m2 er uppfyllt.
Deiliskipulag Bæjargils telst ekki í gildi á svæðinu þar sem það var samþykkt í bæjarstjórn áður en að fyrsta aðalskipulag Garðabæjar tók gildi.
Viðbygging verður rúma 5 metra frá lóðarmörkum að vestanverðu og er þar með tekið tilliti til kvaðar um holræsi sem þar liggur.
Skipulagsstjóri vísar byggingarleyfisumsókninni til grenndarkynningar í samræmi við 44.gr.Skipulagslaga nr.123/2010. Grenndarkynna skal eigendum Gilsbúðar nr.7 og 3 sem og Smiðsbúðar nr. 4,6 og 8 og Bæjargils 46,48 og 50,Bæjargils 62,64,66 og 68 og Bæjargils 84,86,88 og 90.
Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram fyrirspurn um það hvort heimilað verði að stækka byggingarreit atvinnuhúsnæðis að lóðarmörkum að norðan og vestanverðu og að auka nýtingarhlutfall sem stækkuninni nemur.
Skipulagsnefnd bendir á að 5 metra breið kvöð um holræsi er á lóð meðfram vesturmörkum og því verður ekki unnt að láta byggingarreit ná yfir svæðið sem kvöðin nær til.
Athafnalóðir við Gilsbúð eru innan skipulags Bæjargils sem samþykkt var í bæjarstjórn árið 1984. Þar sem að á þeim tíma hafði Aðalskipulag Garðabæjar ekki verið staðfest telst deiliskipulag Bæjargils ekki vera í gildi sbr.úrskurð um deiliskipulag Arnarness nr.23/2010.
Skipulagsnefnd gerir ekki athugsemd við að skipulagsstjóri vísi byggingarleyfisumsókn fyrir viðbyggingu á baklóð sem taki tillit til kvaðar um holræsi til grenndarkynningar í samræmi við 44.gr.Skipulagslaga.