1. fundur

Lögð fram skipulagslýsing fyrir tillögu að aðalskipulagsbreytingu og deiliskipulag Arnarlands ásamt umsögnum sem borist hafa í kynningu hennar.

Jóhanna Helgadóttir skipulagsráðgjafi gerði grein fyrir þeirri vinnu sem hefur farið fram við mótun tillögunnar síðan að lýsing var kynnt. Lilja Karlsdóttir samgönguverkfræðingur fór yfir forsendur samgangna og þau verkefni sem staðið er frammi fyrir.

Skipulagsnefnd vísar tillögunni til áframhaldandi mótunar og leggur áherslu á gott samráð og samvinnu við Kópavogsbæ.

Lögð fram skipulagslýsing fyrir tillögu að aðalskipulagsbreytingu og deiliskipulag Arnarlands ásamt umsögnum sem borist hafa í kynningu hennar.

Jóhanna Helgadóttir skipulagsráðgjafi gerði grein fyrir þeirri vinnu sem hefur farið fram við mótun tillögunnar síðan að lýsing var kynnt. Lilja Karlsdóttir samgönguverkfræðingur fór yfir forsendur samgangna og þau verkefni sem staðið er frammi fyrir.

Skipulagsnefnd vísar tillögunni til áframhaldandi mótunar og leggur áherslu á gott samráð og samvinnu við Kópavogsbæ.

Lögð fram tillaga að skilmálum fólkvangsins í Urriðakotshrauni ásamt uppdrætti sem sýnir afmörkun fólkvangsins. Skipulagsnefnd samþykkir fyrir sitt leyti að tillagan verði auglýst á vegum Umhverfisstofnunar í samræmi við lög um náttúruvernd og samhliða tillögum að deiliskipulagi Útivistarsvæðis í Urriðavatnsdölum og fólkvangs í Vífilsstaðahrauni og Maríuhellum ásamt tillögum að breytingum á deiliskipulagi Heiðmerkur og Sandahlíðar og Urriðaholts austurhluta. Vinna við undirbúning friðlýsingar hófst áður en að ákvæði í núgildandi náttúruverndarlögum um lengd auglýsinga var breytt og því skal auglýsingartími friðlýsingar vera 3 mánuðir en ekki 6 vikur. Þær skipulagsáætlanir sem búið er að samþykkja að verði auglýstar samhliða áformum um friðlýsingu Urriðakotshrauns sem fólkvangs hafa sama auglýsingartíma.

Lögð fram umsókn um deiliskipulagsbreytingu fyrir viðbyggingu með léttu yfirbragði sem er lægri en íbúðarhúsið.

Skipulagsnefnd metur tillöguna sem óverulega breytingu deiliskipulags Miðskóga í samræmi við 2.mgr.43.gr.Skipulagslaga nr.123/2010 og vísar henni til grenndarkynningar. Grenndarkynna skal íbúum og eigendum við Miðskóga nr.9,11,15 og 19.

Lögð fram fyrirspurn um hvort veitt verði rekstrarleyfi fyrir útleigu húsnæðisins til gistingar ferðarmanna á ársgrundvelli.

Svar: Skipulagsnefnd tekur neikvætt í fyrirspurnina þar sem engar forsendur eru til staðar í skipulagi, hvorki deiliskipulagi né aðalskipulagi, til þess að heimila rekstrarleyfi fyrir gistingu ferðamanna á ársgrundvelli á svæðum sem eru skilgreind sem íbúðarbyggð.

Lögð fram tillaga að breytingu deiliskipulags Vífilsstaðavegar sem gerir ráð fyrir útisvæðum fyrir veitingastaði við húsvegg lóðanna Garðatorg 4 og 6 meðfram Vífilsstaðavegi ásamt athugasemd sem barst í grenndarkynningu.

Skipulagsnefnd leggur til að eftirfarandi ákvæði verði bætt við tillöguna:

"Opnunartími útisvæða verslana og veitingastaða við Garðatorg 4 og 6 verði ekki lengri en til kl. 21 á kvöldin og allri starfsemi og frágangi á útisvæði verði lokið eigi síðar en kl. 22 á kvöldin. Gerð verði krafa um að verslanir og veitingastaðir sem nýta sér útisvæði, sjái um að þrífa viðkomandi svæði eftir notkun hverju sinni og halda því snyrtilegu.

Skipulagsnefnd samþykkir tillöguna með ofangreindri breytingu sem óverulega breytingu deiliskipulags Vífilsstaðavegar og Bæjarbrautar í samræmi við 41.grein Skipulagslaga nr.123/2010.

Lögð fram umsókn um byggingarleyfi sem gerir ráð fyrir því að lóðarmörk Súluness 26 færist til norðaustur um 10 metra út á óbyggt svæði milli götunnar Súluness og Hafnarfjarðarvegar. Lóð myndi því stækka sem því nemur.

Svæðið hefur haft stöðu sem óbyggt svæði allt frá því að svæðið var deiliskipulagt fyrir meira en hálfri öld. Þar var m.a. tekið tillit til fornminja sem eru greinilegar á svæðinu, svokölluð Þorgarðsdys og gömul þjóðbraut sem mótar fyrir á svæðinu.

Skipulagsnefnd mælir ekki með því að gengið verði á þetta opna svæði.

Lögð fram fyrirspurn um stækkun og breytingar á einbýlishúsinu að Blikanesi 27 og hvort þær kalli á deiliskipulagsbreytingar.

Tillögu vísað til umsagnar deiliskipulagsráðgjafa við endurskoðun deiliskipulags Arnarness.

Lögð fram fyrirspurn um viðbyggingu við þann enda hússins að Miðhrauni 18 sem snýr að götunni og kallar á stækkun byggingarreits.

Fyrirspurn vísað til skoðunar hjá umhverfissviði.

Lögð fram fyrirspurn lóðarhafa fjölbýlishúsalóðarinnar Þorraholt 1 ásamt umbeðinni umsögn deiliskipulagshöfundar, Batterísins ehf.

Í kafla 4.2.5 í skilmálum samþykkts skipulags fyrir Hnoðraholt norður er krafa um að a.m.k. eitt bílastæði á íbúð sé í bílakjallara. Fyrirspurn þessi snýst um hvort bregða megi út af þessari kröfu fyrir 2. herbergja íbúðir sem eru að hámarki 9 talsins. Þessi stæði yrðu leyst út í götu innan lóðar hússins. Við götu er nú þegar reiknað með ca. 25-30 stæðum.

Hugmyndir þróunaraðila er að bjóða uppá fjölbreyttar íbúðagerðir, allt frá minni 2 herbergja íbúðum hugsaðar fyrir ungt fólk upp í stærri íbúðir fyrir fjölskyldur og eldra fólk.

Umsögn deiliskipulagshöfundar er jákvæð hvað þetta atriði varðar.

Skipulagsnefnd samþykkir tillöguna sem óverulega breytingu deiliskipulags Hnoðraholts Norður í samræmi við 2.mgr.43.gr.Skipulagslaga nr.123/2010. Í samræmi við 3.mgr.44.gr.sömu laga er grenndarkynning felld niður þar sem að umsóknin varðar ekki hagsmuni annarra en lóðarhafa og sveitarfélagsins.

Lögð fram umsókn umhverfissviðs um framkvæmdaleyfi fyrir gatnagerð við Þorraholt.

Skipulagsnefnd samþykkir framkvæmdaleyfi fyrir gatnagerðinni í samræmi við framlögð gögn sbr.13.gr.Skipulagslaga nr.123/2010.

Lagt fram minnisblað deiliskipulagshöfundar um mögulegar breytingar á ákvæðum deiliskipulagsins.

Vísað til frekari skoðunar hjá Umhverfissviði.

Lögð fram tillaga að breytingu deiliskipulags Vetrarmýrar.

Tillagan gerir ráð fyrir:

-að byggingarreitur kjallara að Vetrarbraut 2-4 er stækkaður um 3,5 m til austurs og að hámarks byggingarmagn í kjallara stækki út 3.363 m2 í 3.490 m2 eða sem nemur breikkun.

-að krafa um inndregna byggingarreiti breytist til aðlögunar á landhalla.

-að hluti efstu hæðar fjölbýlishúsa í Vetrarmýri geti náð út að úthlið byggingar á nokkrum stöðum þó svo að hún sé inndregin.

-að svalir í fjölbýlishúsum í Vetrarmýri geti náð 1 m út fyrir byggingarreit í stað 0,6 m.

-að uppgefnir fermetrar í stærðartöflum fjölbýlishúsa í Vetrarmýri eigi eingöngu við A-rými skv skráningartöflu.

-að áréttað verði í greinargerð deiliskipulags Vetrarmýrar að ákvæði í kafla 2.6.4. um bílastæði sé miðað við birta stærð íbúðar ofanjarðar eins og hún er skráð í skráningartöflu.

Skipulagsnefnd vísar tillögunni til auglýsingar í samræmi við 41.gr.Skipulagslaga nr.1123/2010.

Lögð fram fyrirspurn ásamt umsögn deiliskipulagshöfundar. Skipulagsnefnd tekur undir umsögnina.

Lögð fram fyrirspurn lóðarhafa um byggingarreit bílakjallara ásamt umsögn deiliskipulagshöfundar.

Skipulagsnefnd gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. Skipulagslaga nr.123/2010 sbr. 3.mgr.sömu greinar hvað útfærslu byggingarreits bílakjallara varðar eins og fram kemur í fyrirspurn.

Lögð fram umsókn um byggingarleyfi sem gerir ráð fyrir þaki og risi sem er hærra en deiliskipulag heimilar.

Tillögu er vísað til umsagnar deiliskipulagshöfundar ásamt þeirri hugmynd hvort hugsanlegt væri að breyta deiliskipulagi hesthúsahverfisins hvað þetta varðar.

Erindi vísað til frekari skoðunar hjá Umhverfissviði.

Skipulagsnefnd gerir ekki athugsemd við tillöguna en áskilur sér rétt til að gera athugasemd á síðari stigum skipulagsferlis.