29. fundur

Greint var frá fyrstu dagskrárhugmyndum Jazzhátíðar Garðabæjar sem verður haldin dagana 19.-21. apríl nk. Hátíðin er nú haldin í 13. skipti og Sigurður Flosason hefur verið listrænn stjórnandi hátíðarinnar frá upphafi. Jazzhátíðin verður kynnt með dreifibréfi, fréttum á vef og í gegnum fésbókarsíðu hátíðarinnar.

Farið var yfir reglur vegna hvatningarsjóðs ungra listamanna og drög að auglýsingu sem verður sett á vef Garðabæjar og birt í Garðapóstinum. Auk þess verður auglýsing send til Fjölbrautaskólans í Garðabæ, Tónlistarskóla Garðabæjar og Listaháskóla Íslands. Frestur til að skila inn umsóknum verður til og með 4. apríl nk.

Tilkynnt verður um úthlutun úr hvatningarsjóðnum á menningaruppskeruhátíð í vor.

Farið var yfir reglur vegna útnefningar bæjarlistamanns og drög að auglýsingu. Auglýsingin verður birt á vef Garðabæjar og í Garðapóstinum auk þess sem hún verður send til helstu ýmissa samtaka og hagsmunaaðila listamanna. Ábendingum um bæjarlistamenn skal skilað inn fyrir 4. apríl nk.

Tilkynnt verður um val á bæjarlistamanni á menningaruppskeruhátíð í vor.

Greint var frá fundi formanns og upplýsingastjóra með Ágústu Kristófersdóttur forstöðumanni Hafnarborgar í Hafnarfirði um skráningu og utanumhald listaverkasafns Hafnarborgar. Fundurinn var liður í að skoða með hvaða hætti hægt er að endurbæta skráningu á listaverkum í eigu Garðabæjar skv. fyrri umræðum nefndarinnar. Áfram verður unnið að málinu á milli funda.

Rætt var um dagsetningu á menningaruppskeruhátíð Garðabæjar í maí.

Formaður greindi frá tillögu um fjölnota menningar- og fræðamiðstöð sem var lögð fram og

samþykkt í bæjarstjórn Garðabæjar 15. febrúar sl. Á fundi bæjarráðs Garðabæjar 27. febrúar sl. voru eftirfarandi aðilar skipaðir sem fulltrúar í starfshóp til að kanna grundvöll fyrir fjölnota menningar- og fræðamiðstöð í Garðabæ.

Gunnar Valur Gíslason, bæjarfulltrúi og formaður menningar- og safnanefndar.

Sigríður Hulda Jónsdóttir, bæjarfulltrúi og formaður skólanefndar.

Þóroddur Bjarnason, varafulltrúi í menningar- og safnanefnd.

Laufey Jensdóttir, formaður Grósku.

Ingibjörg Guðjónsdóttir, kórstjóri Kvennakórs Garðabæjar.

Með hópnum starfar upplýsingastjóri. Starfshópurinn á að hafa lokið störfum í lok apríl 2018. Fyrsti fundur starfshópsins var haldinn þriðjudaginn 6. mars sl.

Umræður voru um verkefni starfshópsins.

Fylgiskjöl

• 2018.02.15. - Menningarhús tillaga í bæjarstjórn (drög 2).docx
• Bæjarráð Garðabæjar - 8. (1823) (27.2.2018) - Samþykkt bæjarstjórnar um menningar- og fræðamiðstöð í Garðabæ.