30. fundur

Dagskrá lögð fram.

Jazzhátíð Garðabæjar verður haldin dagana 19.-21. apríl nk. Dagskrá hátíðarinnar var lögð fram og sagt frá kynningu hátíðarinnar með dreifibréfi, fréttum og allir tónleikar verða kynntir á fésbókarsíðu hátíðarinnar.

Fylgiskjöl

• GAR_110418_jazzdreifibref.pdf

Listadagar barna og ungmenna verða haldnir í áttunda sinn dagana 19.-29. apríl nk. Dagskráin verður kynnt með bæklingi sem verður dreift inn á heimili á sumardaginn fyrsta og á vef Garðabæjar. Mikil smiðjuvinna fer fram í leik- og grunnskólum í tilefni listadaganna auk þess sem lokasýningar nemenda við listnámsbrautir í FG eru á sama tíma. Greint var frá undirbúningi og helstu dagkráratriðum.

Greint frá opnum fundi sem var haldinn miðvikudaginn 11. apríl sl. og um vinnu starfshópsins.

Starfshópur um fjölnota menningar- og fræðamiðstöð í Garðabæ hefur fundað fjórum sinnum og formaður greindi frá vinnu starfshópsins. Starfshópurinn stóð að opnum fundi fyrir almenning um málefnið miðvikudaginn 11. apríl sl. í Flataskóla. Niðurstöður fundarins verða teknar saman með samantekt starfshópsins.

Umræður voru um hlutverk og starfssemi fjölnota menningar- og fræðamiðstöðvar í Garðabæ.

Farið yfir undirbúning vegna menningaruppskeruhátíðar 16. maí nk.

Stefnt er að því að halda hina árlegu menningaruppskeruhátíð Garðabæjar miðvikudaginn 16. maí nk. í samkomuhúsinu á Garðaholti. Á menningaruppskeruhátíðinni verður tilkynnt um val á bæjarlistamanni Garðabæjar og úthlutað úr Hvatningarsjóði ungra listamanna. Umræður voru um heiðursviðurkenningar til framlags menningar og lista og þeirri umræðu verður haldið áfram á næsta fundi.

Umsóknir lagðar fram.

Umsóknir um Hvatningarsjóð ungra listamanna voru lagðar fram og ræddar. Samþykkt var að veita eftirtöldum aðilum styrk úr Hvatningarsjóði ungra listamanna 2018:

Sindri Engilbertsson, kt. 141295-2769, og Eyrún Engilbertsdóttir, kr. 010793-2629, styrk að upphæð 150 000 kr vegna ljósainnsetningarverkefnis.

Magnús Stephensen, kt. 040403-2480, styrk að upphæð 150 000 kr, vegna tónlistarverkefnis.

Sigríður Ósk Hrafnkelsdóttir, kt. 150499-2919, styrk að upphæð 150 000 kr vegna tónlistarverkefnis.

Alexandra Rós Norðkvist, kt. 101299-2449, og Salóme Sól Norðkvist, kt. 220598-2339, styrk að upphæð 150 000 kr vegna tónlistarverkefnis.

Viðurkenningar fyrir úthlutun úr Hvatningarsjóði ungra listamanna verða afhentar á menningaruppskeruhátíðinni í maí.

Ábendingar lagðar fram.

Auglýst var eftir ábendingum um tilnefningu til bæjarlistamanns Garðabæjar 2018 í mars og apríl. Listi með framkomnum ábendingum var lagður fram og ræddur. Umræðu verður haldið áfram á næsta fundi.

Erindi Kvennakórs Garðabæjar, dags. 8. apríl 2018, um styrk vegna þátttöku í kóramóti og námskeiði var tekið fyrir.

Menningar- og safnanefnd tekur jákvætt í erindið og mælir með því að kórinn fái styrk til fararinnar en vísar ákvörðun um afgreiðslu og upphæð til bæjarráðs.

Fylgiskjöl

• Styrkumsókn fyrir Kanada - Kvennakór Garðabær.pdf