29. fundur

Gestur fundarins, Margrét Sigurgeirsdóttir forstöðumaður Bókasafns Garðabæjar, gerði grein fyrir stöðu mála á útibúum bókasafnsins í Urriðaholti og Álftanesi. Lagt upp með að opnunartími á Álftanesi verið samfelldur að loknum skólatíma og auk þess verði safnið opið einn laugardag í mánuði. Stefnt að opnun Urriðaholtssútibús fyrir almenning um áramót 21/22. Margrét greindi frá ánægju með breytingar á aðalsafni sem gerir móttöku skólahópa auðveldari.

Fylgiskjöl

• Málefni Bókasafns Garðabæjar vor 2021

Eiríkur Björn Björgvinsson sviðstjóri fræðslu- og menningarsviðs greindi frá stöðu mála í undirbúningi stórtónleika í tilefni vígslu fjölnota íþróttahúss vorið 2022. Verið er að vinna að kostnaðaráætlun og viðræður hafnar við umboðsmann tónlistarmanna.

Fylgiskjöl

• Staða mála í mars 21 varðandi menningardagskrá í fjölnota íþróttahúsi

Rætt um niðurstöður þjónustukönnunar sem Gallup gerði í lok árs 2020. Farið var yfir niðurstöður könnunarinnar sem snúa að menningarmálum.

Menningarfulltrúi kynnti samstarfssamning við Sigurð Flosason vegna skipulagningar Jazzhátíðar Garðabæjar sem undirritaður verður á allra næstu dögum. Einnig voru hugsanlegir dagskrárliðir næstu Jazzhátíðar kynntir en hún mun fara fram 22. - 25. apríl nk.

Fylgiskjöl

• Samstarfssamningur Garðabæjar við Sigurð Flosason drög ÓB.docx

Dagskrá Barnamenningarhátíðar í Garðabæ 2021

Menningarfulltrúi kynnti dagskrá Barnamenningarhátíðar í Garðabæ sem fer fram dagana 19. - 24. apríl. Dagskráin skiptist í langtímaverkefni, skólahópadagskrá og fjölskyldudagskrá. Langtímaverkefnum lýkur með sýningum, annarsvegar á 500 leirfuglum barna sem sótt hafa smiðjur í Hönnunarsafni Íslands og hinsvegar myndskreyttum ljóðum leikskólabarna á Bókasafni Garðabæjar. Dagskrá fyrir 1., 3., 5., 7. bekk auk unglingastigs fer fram í Hönnunarsafni, Bókasafni Garðabæjar og á yfirbyggðum svæðum á Garðatorgi. Fjölskyldudagskrá laugardaginn 24. apríl fer einnig fram á Bókasafni, Hönnunarsafni, á yfirbyggðum svæðum og í Tónlistarskóla Garðabæjar. Markmið hátíðarinnar er að gefa börnum tækifæri á að taka þátt í að skapa og njóta menningar í sínu nærumhverfi.

Fylgiskjöl

• Barnamenningarhátíð í Garðabæ 2021.docx

Menningarfulltrúi gerði grein fyrir fyrirlestri sem hún hélt fyrir nema Háskóla Íslands í safnafræði þar sem menningarstarf í Garðabæ var kynnt.