26. fundur

Lúðvík Hjalti Jónsson, fjármálastjóri Garðabæjar, greindi frá helstu niðurstöðum fjárhagsáætlunar 2021 sem samþykkt var á síðasta fundi bæjarstjórnar 3. desember 2020.Fjármálastjóri útskýrði sérstaklega þann þátt áætlunarinnar sem snýr að menningarmálum.

Margrét Sigurgeirsdóttir, forstöðumaður Bókasafns Garðabæjar, kynnti hugmyndir um sameiginlegt bókasafnsskírteini fyrir allt höfuðborgarsvæðið. Kópavogur, Hafnarfjörður og Garðabæ hafa verið með sameiginlegt kerfi en nú er lagt upp með að gestir á öllu höfuðborgarsvæðinu geti notað sama skírteinið. Menningar- og safnanefnd leggur til við bæjarráð að Garðabær verði þátttakandi í að taka upp nýtt sameiginlegt bókasafnsskírteini fyrir allt höfuðborgarsvæðið enda hafi það ekki aukinn kostnað í för með sér fyrir sveitarfélagið.

Margrét greindi auk þess frá framkvæmdum á bókasafninu sem hófust í desember en þessi breyting mun skila bókasafninu nokkrum tugum fermetra í aukið húsnæði sem mun nýtast í minni viðburði og bæta aðstöðu gesta.

Rætt um endurskoðun menningarstefnu Garðabæjar sem er frá árinu 2005 og innleiðingu rafrænnar menningar.

Menningar- og safnanefnd leggur til við bæjarráð að hafin verði vinna við endurskoðun núgildandi menningarstefnu bæjarins, m.a. með heimsmarkið Sameinuðu þjóðanna að leiðarljósi og með tilliti til stafrænnar þróunar sem orðið hefur frá því stefnan var sett.

Fylgiskjöl

• Gard_Menningarst_vefur.pdf

Rætt um endurnýjun samstarfssamnings Garðabæjar og Kvennakórs Garðabæjar. Menningarfulltrúi, Ólöf Breiðfjörð, skýrði frá því að í gangi séu viðræður við Kennakórinn um nýjan samning sem borinn verður undir bæjarráð til afgreiðslu þegar hann verður tilbúinn.

Fylgiskjöl

• Kvennako´r Garðabæjar 20 a´ra-afmælisa´r.pdf
• Kvennako´r Garðabæjar -Umso´kn um endurny´jun samstarfssamnings 2019.pdf
• Kvennako´r Garðabæjar- v.fundar við bæjarstjo´ra.pdf

Formaður og menningarfulltrúi munu í næstu viku funda með forsvarsfólki Grósku um endurnýjun samstarfssamnings bæjarins og félagsins.

Fylgiskjöl

• -Myndlistarfélagið Gróska-Bréf til Garðabæjar 25nóv2020.pdf

Menningarfulltrúi greindi frá lokaþætti Menningar í Garðabæ á þessu ári og hugsanlegu framhaldi af upptökum á rafrænu efni á næsta ári.

Fyrir fundinum ná umsókn, dags. 2.11.2020 frá tónlistarhópnum Camerarctica, um styrk vegna tónleika eða streymis frá Garðakirkju á Mozart við kertaljós.

Menningar- og safnanefnd samþykkir umsóknina og tekur jákvætt í þá tillögu menningarfulltrúa að upptaka af tónleikunum verður notuð á næsta ári sem hluti af þætti um Hallfríði Ólafsdóttur, stofnanda Camerarctica og fyrrum bæjarlistamann Garðabæjar, sem liður í rafrænni Menningu í Garðabæ.

Fylgiskjöl

• Styrkbeiðni

Áframhaldandi umræður frá síðasta fundi. M.a. rætt um samstarf við forsetaskrifstofuna um Bessastaði á Safnanótt og vörpun á listaverki á Garðatorgi.

a)Héraðsskjalavörður Kópavogs hafði samband við menningarfulltrúa vegna málefna skjalavörslu Garðabæjar. Skjalavarsla rædd almennt.

b)Rætt um að menningardagskrá vegna vígslu fjölnota íþróttahús verði á dagskrá næsta fundar.