48. fundur

Lokaskýrsla vegna verkefnisins Við langeldinn/Við eldhúsborðið sem hlaut 4 milljón króna styrk úr Barnamenningarsjóði kynnt. Alls fóru fram 46 smiðjur, gerðir 3 þættir og kennsluefni fyrir sýninguna Aftur til Hofsstaða samið og framleitt.

Fylgiskjöl

• Skýrsla til Barnamenningarsjóðs vegna Við langeldinnVið eldhúsborðið
• Aftur til Hofsstaða - Landnámabók, verkefnabók fyrir skólahópa

Dagskrá kynnt.

Dagskrá Barnamenningarhátíðar í Garðabæ 2023 kynnt. Alls 750 skólabörn eru skráð til þátttöku á hátíðina. Fyrstu bekkingar taka þátt í danspartýi með færum danskennurum sem fer fram á Garðatorgi, þriðju bekkingar í hönnunarsmiðju í Hönnunarsafninu með hönnuðum, fimmtu bekkingar í ritsmiðju með Gunnari Helgasyni á Bókasafni Garðabæjar og sjöundu bekkingar fræðast um fornleifafræði og landnámið í Garðabæ með fornleifafræðingi í Minjagarðinum á Hofsstöðum og á margmiðlunarsýningunni Aftur til Hofsstaða. Að auki verða tvær sýningar opnaðar af bæjarstjóra og nemendum en það eru "Heimurinn heima" í Hönnunarsafninu sem unnin var af öllum 4. bekkingum í Garðabæ og "Músagangur á bókasafninu" sem unnin var af nemendum á leikskólunum Ökrum og Kirkjulundi.

Hátíðinni lýkur með dagskrá fyrir alla fjölskylduna laugardaginn 22. apríl.

Fylgiskjöl

• Barnamenningarhátíð í Garðabæ 17. - 22. apríl 2023.docx

Menningarfulltrúa falið að funda með ungmennaráði og leggja tillögur um úthlutun fram á næsta fundi menningar- og safnanefndar.

Nefndarmeðlimir ræddu tillögur um næsta bæjarlistamann Garðabæjar og heiðursviðurkenningarhafa og samþykktu einróma tillögu sem send verður bæjarráði í kjölfarið.

Samþykkt einróma að veita Jóhanni Baldvinssyni organista styrk til að halda veglega kveðjutónleika í Vídalínskirkju enda hefur Jóhann unnið ómetanlegt starf í þágu menningar í Garðabæ.

Staða undirbúnings

Menningarfulltrúi fór yfir stöðu undirbúnings hátíðarinnar sem hefur fengið nýtt heiti, Jazzþorpið í Garðabæ. Hátíðin mun fara fram dagana 19. - 21. maí á Garðatorgi en listrænn stjórnandi er Ómar Guðjónsson. Á hátíðinni munu margir af bestu jazztónlistarmönnum landsins koma fram svo sem Mezzoforte. Erindi um jazz, spurningakeppni, ljósmyndasýning, plötubúð og veitingasala verða einnig liður í dagskrá Jazzþorpsins.

Fylgiskjöl

• Jazzþorpið, auglýsing

Rætt um hátíðarhöld Garðbæinga á Garðatorgi. Aðaláhersla verður á skemmtun fyrir börn og kaffisala Kvenfélags Garðabæjar haldið í Sveinatungu. Að kvöldi 17. júní verða tónleikar haldnir í sal Tónlistarskóla Garðabæjar þar sem hljómsveitin Mandólín mun leika tónlist frá ýmsum heimshornum.