40. fundur

Menningarfulltrúi sagði frá dagskrá Barnamenningarhátíðar sem hófst mánudaginn 4. apríl sl. með dagskrá fyrir 1. bekkinga um sýninguna Sund í Hönnunarsafni Íslands; fyrir 3. bekkinga á Garðatorgi 4 þar sem skip voru gerð úr pappakössum; fyrir 5. bekkinga á Bókasafni Garðabæjar þar sem Gunnar Helgason rithöfundur leiddi lifandi ritsmiðju og fyrir 7. bekkinga í Hönnunarsafni Íslands þar sem regnbogar voru ræddir með þjóðfræði og í kjölfarið regnbogar skapaðir með litum á geisladiska sem síðan voru hengdir í trén á Garðatorgi. Menningarfulltrúi fékk til liðs við sig færa listamenn sem alls tóku á móti um 1.000 börnum. Viðtökur meðal kennara og nemenda voru góðar en 2-3 smiðjur fóru fram daglega 4.- 8. apríl.

Laugardaginn 9. apríl lauk Barnamenningarhátíð í Garðabæ með samskonar dagskrá fyrir alla fjölskylduna og voru smiðjur á Garðatorgi, á Bókasafni og í Hönnunarsafni vel sóttar og mikil ánægja meðal þátttakenda á öllum aldri.

Fylgiskjöl

• Dagskrá fjölskyldudagskrár
• Barnamenningarhátíð í Garðabæ 2022 - heildardagskrá.docx

Menningarfulltrúi kynnti dagskrá Jazzhátíðar Garðabæjar sem nú verður haldin í 16. sinn dagana 21.-24. apríl nk. Hátíðin samanstendur að þessu sinni af fimm tónleikum sem konur leiða; Ellen Kristjánsdóttir, danska jazzsöngkonan Cathrine Legardh, Marína Ósk Þórólfsdóttir, Sunna Gunnlaugsdóttir og Anna Gréta Sigurðardóttir. Fernir tónleikar fara fram í Sveinatungu og einir í Jónshúsi eins og venja er. Listræna stjórn annast Sigurður Flosason en menningarfulltrúi verkstýrir verkefninu og sér jafnframt um kynningarmál.

Fylgiskjöl

• JazzhátíðGarðabæjar22.pdf

Tillaga formanns og menningarfulltrúa samþykkt einróma og verður tillagan send bæjarráði í kjölfarið.

Samþykkt að Menningaruppskeruhátíð 2022 verði haldin miðvikudaginn 25. maí nk. Þar verður bæjarlistamaður útnefndur, heiðursviðurkenning veitt og tilkynnt um styrkhafa úr Hvatningarsjóði ungra hönnuða og listamanna.

Menningarfulltrúi greindi frá gangi mála varðandi uppsetningu margmiðlunarsýningarinnar „Garðabæjarlandið“ undir hringpallinum á Garðatorgi 7. Kynningarfundir fyrir atvinnurekendur og íbúa Garðatorgi 7 voru haldnir 22. og 24. mars sl.

Stefnt er að opnun margmiðlunarsýningarinnar verði lokið þann 25. maí nk.

Fyrir fundinum lá umsókn dags. 04.04.2022 frá tónlistarnámskeiðinu HIMA sem haldið verður í júní í annað sinn í Garðabæ. Námskeiðið, sem er alþjóðlegt námskeið fyrir strengjahljóðfæra-og píanónemendur, er vel sótt og vaxandi áhugi meðal nemenda í Tónlistarskóla Garðabæjar. Að þessu sinni hefur námskeiðið fengið aðstöðu í Tónlistarskóla Garðabæjar og í Flataskóla. Alls taka 80 nemendur þátt í námskeiðinu. Menningarfulltrúi leggur áherslu á að þetta alþjóðlega námskeið sé mjög jákvætt fyrir ímynd Garðabæjar og að tónlistarnemendur í bænum geti hér sótt metnaðarfullt námskeið með hinum færustu kennurum í sínum heimabæ.

Menningar- og safnanefnd samþykkir að styrkur að upphæð 400.000 kr. verði veittur en það er sama fjárhæð og veitt veitt var til verkefnisins á árinu 2021.

Fylgiskjöl

• Styrkumsókn HIMA.pdf

Menningarfulltrúi staðfestir að Gróska muni halda Jónsmessugleði með hefðbundu sniði fimmtudagskvöldið 23. júní nk. Skapandi sumarstörf munu einnig taka þátt í hátíðinni.

Menningarfulltrúi hefur ráðið Guðnýju Söru Birgisdóttur sem verkefnastjóra skapandi sumarstarfa í ár en Guðný Sara er með BA-gráðu í myndlist, MA-gráðu í hönnun og er að ljúka námi í listkennslufræðum. Guðný Sara fór yfir umsóknir ásamt menningarfulltrúa og hafa 15 einstaklingar verið ráðnir í skapandi sumarstörf hjá Garðabæ í ár. Aðsetur hópsins verður í "Betrunarhúsinu" Garðatorgi 1 og verður dyttað að húsnæðinu áður en hópurinn kemur til starfa þann 7. júní nk.

Fylgiskjöl

• Skapandi sumarstörf sumarið 2022

Framkvæmdasvið Garðabæjar telur ekki ráðlegt að staðsetja verk Péturs Bjarnasonar, Samspil, sem staðsett er í Búðakinn við Reykjanesbraut, við Miðgarð vegna viðkvæmra jarðvegs- og grundunaraðstæðna þar. Menningarfulltrúi mun leita að annarri staðsetningu fyrir listaverkið.

Fylgiskjöl

• Ósk um tilfærslu á listaverki eftir Pétur Bjarnason

Stefnt að menningar- og íþróttahátíð í Miðgarði þann 30. apríl nk. Samningaviðræður við Senu standa yfir en stefnt er að því að viðburðastjóri á vegum Senu haldi utanum hátíðarhöldin.

Sigríður Sigurjónsdóttir forstöðumaður Hönnunarsafns Íslands tók á móti meðlimum nefndarinnar og sagði frá sýningunni Sund sem nú stendur yfir í safninu.