55. fundur

Formaður Grósku, Birgir Rafn Friðriksson, kynnti starfssemi Grósku frá upphafi félagsins til dagsins í dag. Dagskrá ársins 2024 kynnt sérstaklega en þar ber hæst Jónsmessugleði Grósku.Sviðsstjóra og menningarfulltrúa falið að ganga frá samstarfssamningi við Grósku samkvæmt drögum af dagskrá sem nefndin hefur lagt fyrir.

Gunnar Hrafn Gunnarsson kynnti aðgerðaráætlun verkefnisins Barnvæn sveitarfélög. Nefndarmeðlimir og embættismenn munu sækja námskeið á netinu í kjölfar kynningarinnar.

Fylgiskjöl

• Aðgerðaráætlun_Garðabær_nefndirkynning_15122023.pdf
• BVS-stöðumat Unicef_fylgiskjal_nefndir15122023.pdf
• Fræðsla BVS 2023 - 24.xlsb

Menningarfulltrúi greindi frá samskiptum við verkefnastjóra 80 ára afmælis lýðveldisins sem leiðbeinir kórstjórum í Garðabæ en leitað verður eftir samstarfi við kór eldri borgara, Gospelkór og barnakór Vídalínskirkju. Þá mun þema kvöldtónleika í sal Tónlistarskóla Garðabæjar verða tengt lýðveldisafmælinu.

Fylgiskjöl

• FS: 80 ára afmæli lýðveldisins - Bréf til sveitarstjórna
• Kynning á dagskrá í tilefni af 80 ára afmæli lýðveldisins 2024.pdf
• Bæjarráð Garðabæjar - 9. (2110) (5.3.2024) - Bréf forsætisráðuneytisins varðandi kynningu á dagskrá í tilefni af 80 ára afmæli lýðveldisins 2024, dags. 05.02.24.
• Kynning á dagskrá í tilefni af 80 ára afmæli lýðveldisins 2024 - Til sveitastjórna landsins.pdf
• FS: 80 ára afmæli lýðveldis Íslands - Til sveitarfélaganna - Viðburðir á afmælisári

Barnamenningarhátíð í Garðabæ fer fram 22.- 27. apríl nk. Að venju verður boðið uppá fjölbreytta dagskrá fyrir skólahópa í Hönnunarsafni Íslands, Minjagarðinum á Hofsstöðum, Bókasafni Garðabæjar og á Garðatorgi. Þátttaka barna verður í fyrirrúmi og sýningar á verkum barna á Hönnunarsafni Íslands og á Bókasafni Garðabæjar.

Dagskrá fyrir 1. bekk verður á Garðatorgi þar sem boðið verður uppá danspartý með tónlist frá ýmsum heimshornum.

Dagskrá fyrir 3. bekk verður í Minjagarðinum á Hofsstöðum þar sem þjóðfræðingur leiðir hugleiðingar um lífið í landnámsskálanum.

Dagskrá fyrir 5.bekk verður á Bókasafni Garðabæjar þar sem boðið verður uppá ritsmiðju með Bergrúnu Írisi.

Dagskrá fyrir 7. bekk verður á Hönnunarsafni Íslands þar sem sýningin Hönnunarsafnið sem heimili verður skoðuð og í kjölfarið farið í ritsmiðju út frá uppáhaldsgripum nemenda.

Á laugardegi 27. apríl verður fjölbreytt dagskrá fyrir alla fjölskylduna í Hönnunarsafninu, Bókasafni, á Garðatorgi og í Minjagarðinum.

Fylgiskjöl

• Barnamenningarhátíð í Garðabæ 2024 - heildardagskrá.docx

Rætt um útnefningu bæjarlistamanns og heiðursviðurkenningarhafa en niðurstaða nefndar liggur ekki fyrir. Boðað til aukafundar vegna málsins.

Umræðu og kynningu frestað til næsta fundar.

Ómar Guðjónsson kynnir drög að dagskrá.

Ómar Guðjónsson listrænn stjórnandi Jazzþorpsins kynnti dagskrá hátíðarinnar sem fer fram helgina 3. - 5. maí á Garðatorgi. Tónleikar með fyrsta flokks tónlistarmönnum og nemendum úr Tónlistarskóla Garðabæjar, fyrirlestrar, veitingar, plötusala, gítarsmiður, antik-hljóðfærasala og stofur með húsgögnum frá Góða hirðinum munu mynda hátíðina. Jazzþorpið í Garðabæ fór fram í fyrsta sinn í maí 2023 og hlaut verðskuldaða athygli.