3. fundur

Bréf frá Félagi eldri borgara í Garðabæ lagt fram til kynningar og umfjöllunar. Um er að ræða erindi sem snúa að;

1. Heilsueflingu og bættri líðan

2. Húsnæðismálum - Jónshús

3. Skertri þjónustu í Jónshúsi

4. Samstarf og samvinnu

Mál nr. 2106343 tekið til umfjöllunar í Öldungaráði, bréf frá FEBG. Fyrir liggur að efni og atriði bréfsins hafa verið tekin til skoðunar hjá Garðabæ. Kominn er samningur við FEBG sem snýr að heilsueflingu og bættri líðan eldri borgara. Búið er að koma til móts við beiðni um aukna þjónustu í Jónshúsi. Öldungaráð telur þessar aðgerðir bæjarins vera til fyrirmyndar og mikilvægar í þágu þjónustu til eldri borgara. Lagt er til að farið verið í þarfagreiningu varðandi húsnæðismál í samvinnu við félögin í bænum.

Skýrsla frá Heilbrigðisráðuneytinu um Heilsueflingu aldraðra - Aðgerðaráætlun, lögð fram til kynningar og umfjöllunar. Skýrslan sem gefin er út í ágúst 2021 kemur í framhaldi af skýrslu starfshóps um Heilsueflingu aldraðra, útgefinni í janúar 2021.

Kynntar eru aðgerðir til að efla heilsu aldraðra og gera þeim kleift að búa heima sem lengst. Þar verði

sérstaklega horft til samstarfs og verkaskiptingar ríkis og sveitarfélaga, en heilsuefling er mikilvægur þáttur í stuðningi við sjálfstæða búsetu og önnur lífsgæði aldraðra.

Mál nr. 2101428,skýrsla um Heilsueflingu aldraðra - Aðgerðaáætlun, tekið til umfjöllunar í Öldungaráði. Öldungaráð lýsir yfir ánægju með útgáfu þessarar skýrslu og tekur undir mikilvægi þess að styðja við heilsueflingu eldri borgara til að auka lífsgæði aldraðra og stuðla að auknum lífslíkum við góða heilsu. Lagt er til aukið samstarf á milli Heilsugæslu og félagsþjónustu sem er ánægjulegt. Falla áherslur í skýrslunni vel að markmiðum í Stefnu eldri borgara í Garðabæ 2016-2026.

Staða aðgerðaráætlunar í málefnum eldri borgara lögð fram til kynningar og umfjöllunar hjá Öldungaráði. Til skoðunar eru þau stefnumál sem samþykkt var að setja í forgang á fundi ráðsins þann 8.1.2020. Það sem um ræðir er;

1. Upplýsingaflæði. 2. Félagsleg þátttaka. 3. Forvarnir og heilsuefling. 4. Búsetuúrræði. 5. Velferðartækni

Mál nr. 1710101, staða aðgerðaráætlunar í málefnum eldri borgara tekin til umfjöllunar. Lagt fram skjal sem sýnir stöðuna á þeim verkefnum sem unnið er með. Nokkur verkefni hafa verið í góðum framgangi en öðrum hefur ekki reynst unnt að koma í skipulagðan farveg. Öldungaráð leggur til að forstöðumanni stuðnings- og öldrunarþjónustu verið falið að endurmeta stöðu þeirra 5 stefnumála sem sett voru í forgang og leggja fram fyrir næsta fund ráðsins í samstarfi við vinnuhóp.

Skýrsla um félags- og heilsueflingu eldri borgara - sumar 2021 lögð fram til kynningar og umfjöllunar. Skýrslan er unnin af sumarstarfsmönnum Garðabæjar sem ráðnir voru í átaksverkefni á vegum félagsmálaráðuneytisins, til að efla félagsstarf fullorðinna. Styrkur til verkefnisins fékkst frá ráðuneytinu og mun skýrslan verða send þangað til kynningar. Í skýrslunni er lagt upp með heilsueflandi heimsóknir til 80 sem voru með stuðningsþjónustu frá Garðabæ. Markmið var að kanna líðan og bjóða fram stuðning til að sækja félagsstarf. Við verkefnið var útbúinn spurningalisti sem unnið var með og má sjá niðurstöður í framlagðri skýrslu.

Mál nr. 2103259 tekið til umfjöllunar í Öldungaráði, skýrsla um félags- og heilsueflingu eldri borgara. Aðilar sammála um mikilvægi þeirra upplýsinga sem fyrir liggja í skýrslunni svo og forvarnargildi þessa verkefnis. Ljóst er að verkefnið fellur vel að og styður við stefnu eldri borgara í Garðabæ. Almenn ánægja var með sumarstarfsfólkið sem vann í verkefnum sem tengjast starfi eldri borgara í Garðabæ.

Tölulegar upplýsingar í stuðningsþjónustu lagðar fram fram til upplýsingar og umræðu fyrir Öldungaráð.

Tekið er fyrir mál nr. 1911005, tölulegar upplýsingar í stuðningsþjónustu. Það er álit Öldungaráðs að svona upplýsandi tölfræði sé mikilvægur þáttur og eðlilegt að þróa áfram í samvinnu við t.d. félögin og Heilsugæsluna.