4. fundur

Lögð fram tillaga að deiliskipulagi Arnarness að lokinni kynningu sem fór fram frá 13.október til 27.nóvember 2017. Lögð fram 6 erindi með athugasemdum sem bárust innan athuugasemdafrests. Lögð fram tillaga að svörum við athugasemdum og tillögu að viðbrögðum við þeim. Athugsemdir kalla aðeins á lítilsháttar lagfæringar.

Skipulagsnefnd samþykkir deiliskipulagið í samræmi við 3.mgr. 41.gr.Skipulagslaga nr.123/2010 með þeim lagfæringum sem fram koma í tillögu að svörum. Skipulagsstjóra falið að senda svör við athugasemdum til þeirra sem það gerðu og tillöguna ásamt fylgigögnum til Skipulagsstofnunar til athugunar.

Lögð fram tillaga að breytingu deiliskipulags Ása og Grunda sem gerir ráð fyrir því að göngustígur á milli lóðanna Unnargrund 18 og 16 annarsvegar og 10, 12 og 14 hinsvegar verði felldur út. Ástæðan er mikill hæðarmunur milli lóða og óhentug hæðarlega stígsins.

Skipulagsnefnd samþykkir breytinguna sem óverulega deiliskipulagsbreytingu í samræmi við 2.mgr.43.gr.Skipulagslaga. Í samræmi við 3.mgr. 44.gr. sömu laga fellur skipulagsnefnd frá grenndarkynningu þar sem að breytingin varðar ekki hagsmuni annara en umsækjanda sem eru byggingarsamvinnufélag eldri borgara í Garðabæ og verðandi lóðarhafar.

Lögð fram umsókn Alþjóðaskólans um staðsetningu bráðabirgðabyggingar á opnu svæði austan Þórsmerkur og norðan Ægisgrundar. Svæðið sem byggingin er sýnd á er opið grænt svæði samkvæmt aðalskipulagi og deiliskipulagi. Alþjóðaskólinn hefur nú fengið tímabundna astöðu í húsinu Þórsmörk sem er í eigu Garðabæjar. Ljóst er að ef að svæðið þar sem byggingin er sýnd á að verða skólalóð þá þarf að ráðast í breytingar bæði á aðalskipulags og deiliskipulagsstigi. Tillögunni vísað til frekari skoðunar hjá tækni og umhverfissviði.

Skipulagsnefnd leggur áherslu á að tekið verði heilstætt á umsóknum um stækkun byggingarlóða á baklóðum í Iðnbúð/Smiðsbúð. Fyrirspurn vísað til liðar 7 í þessari fundargerð.

Skipulagsnefnd leggur áherslu á að tekið verði heilstætt á umsóknum um stækkun byggingarlóða á baklóðum í Iðnbúð/Smiðsbúð. Fyrirspurn vísað til liðar 7 í þessari fundargerð.

Skipulagsnefnd leggur áherslu á að tekið verði heilstætt á umsóknum um stækkun byggingarlóða á baklóðum í Iðnbúð/Smiðsbúð. Fyrirspurn vísað til liðar 7 í þessari fundargerð.

Í ljósi þeirra fyrirspurna og umsókna um stækkun bygginga á baklóðum húsa í Iðnbúð/Smiðsbúð felur skipulagsnefnd skipulagsstjóra að undirbúa stefnumótun um framtíð svæðisins. Ekki verði gerðar breytingar á byggingarreitum fyrr en að fenginni niðurstöðu þeirrar setfnumótunar.

Lögð fram umsókn um byggingarleyfi fyrir steyptum stoðveggjum á lóðarmörkum sem snúa að Garðfit og Túnfit. Hæsti hluti veggja er samkvæmt umsókn rúmir 3 metrar yfir landi.

Vísað til skoðunar hjá tækni og umhverfissviði.

Guðrún Dóra Brynjólfdóttir vék af fundi undir þessum lið.

Lögð fram tillaga að breytingu á Aðalskipulagi Reykjavíkur 2010-2030 sem nær til reits við Skipholt. Tillaga er nú í auglýsingu. Skipulagsnefnd gerir ekki athugasemd við tillöguna.

Skipulagsnefnd gerir ekki athugasemd við verklýsinguna.

Skipulagsnefnd gerir ekki athugasemd við verklýsinguna.