17. fundur

Formaður fór yfir næstu skref í ferli endurskoðunar aðalskipulags. Fulltrúar aðalskipulagsráðgjafa, Árni Ólafsson frá Teiknistofu arkitekta, Yngvi Þór Loftsson frá Landmótun og Guðbjörg Lilja Erlendsdóttir frá Eflu mættu á fund nefndarinnar. Formaður bauð aðalskipulagsráðgjafa velkomna til starfsins. Formaður leggur til að fyrsti sameiginlegi vinnufundur skipulagsnefndar, stýrihóps og skipulagsráðgjafa verði haldinn laugardaginn 11.janúar nk.

Skipulagsstjóri gerði grein fyrir fundi sínum og skipulagsráðgjafa með heilbrigðiseftirliti þar sem fram kom að í ljósi niðurstöðu umhverfis-og auðlindaráðuneytis í málum sem varða heimildir til framkvæmda innan grann-og brunnsvæða vatnsverndar þá sé ljóst að ekki verði veittar undanþágur frá vatnsverndarákvæðum. Fyrirhuguð staðsetning útilífsmiðstöðvar við Hjallaflatir samkvæmt tillögu að deiliskipulagi Heiðmerkur er innan grannsvæðis og er þess því ekki að vænta að fallist verði á staðsetningu hennar þar. Lagt fram erindi Skátafélagsins Vífils þar sem fram kemur að félagið telji staðsetningu við Hjallaflatir besta kostinn og að staðsetning við Grunnavatn syðra væri lakari kostur. Tillögu að staðsetningu útilífsmiðstöðvar við sunnanverðan Vatnsás (Grunnuvatn syðra) vísað til umsagnar í umhverfisnefnd og til skoðunar hjá tækni-og umhverfissviði.

Skipulagsstjóri kynnti hugmyndir að breytingum á deiliskipulagi Hliðs í tengslum við uppbyggingu ferðaþjónustu að Hliði. Hugmyndum vísað til frekari skoðunar hjá tækni-og umhverfissviði og til umsagnar umhverfisnefndar. Athuga þarf stöðu fornleifaskráningar innan deiliskipulagssvæðisins.

Skipulagsstjóri og deiliskipulagshöfundur gerðu grein fyrir álitamáli sem varða skilgreiningu á nýtingarhlutfalli kjallararýma í deiliskipulagi Silfurtúns en samkvæmt ákvæðum þess skal telja öll rými, þ.m.t. kjallararými til nýtingarhlutfalls sem er að hámarki 0,3. Málinu vísað til frekari skoðunar hjá tækni-og umhverfissviði.

Lögð fram byggingarleyfisumsókn vegna breytinga á útihúsum á Spildu A úr landi Grundar. Breytingar eru allar innan byggðs flatar núverandi útihúsa og munu bæta og fegra yfirbragð þeirra. Samkvæmt aðalskipulagi er byggð við Grund og Breiðabólsstaði afmörkuð við núverandi byggð.Fyrirhugað er að í húsunum verði starfsemi garðyrkjufyrirtækisins Allt fyrir garðinn.Vísað til frekari skoðunar hjá tækni-og umhverfissviði.