28. fundur

Upplýsingastjóri Garðabæjar kynnti nýja vefsíðu Þróunarsjóðs leik- og grunnskóla Garðabæjar. Nefndarmenn lýsa ánægju með vefsíðuna.

Farið var yfir stöðu á vinnu við endurskoðun nýrrar skólastefnu. Vinna við endurskoðun stefnunnar er skv. áætlun.

Farið yfir innritunarferli og fyrirkomulag kynninga sem standa yfir 8.- 12. mars 2021.

Lagt fram til kynningar og samþykktar. Skólanefnd bendir á að faglegar forsendur liggja til grundvallar við gerð skóladagatals og reynt er að tryggja að skipulagsdagar grunnskóla falli ekki ítrekað á sömu vikudaga.

Farið yfir stöðu Skólamatar í grunnskólum Garðabæjar.

Farið var yfir stöðu skólahjúkrunarfræðinga í grunnskólum Garðabæjar. Nefndin óskar eftir að fulltrúi Heilsugæslu Garðabæjar komi á fund nefndarinnar að hausti við upphaf skólaársins 2021-2022.

Farið var yfir umsóknarferil við ráðningu nýs skólastjóra í Sjálandsskóla.

Áskorun frá Samtökum grænkera á Íslandi lögð fram til umfjöllunar. Í grunnskólum Garðabæjar er lögð áhersla á fjölbreytt fæði þar sem grænmeti og ávextir eru á boðstólum fyrir börn á hverjum degi.

Tillaga lögð fram til kynningar og umfjöllunar.