21. fundur

Kynnt var niðurstaða könnunar garðyrkjudeildar á trjágróðri á lóðamörkum sem gerð var á tímabilinu nóvember 2015 - mars 2016. Send verða bréf út til eigenda með athugasemdum vegna 128 lóða. Athugasemdum fækkaði milli ára vegna lóða á Álftanesi.

Fáeinir hafa ítrekað fengið athugasemdabréf síðastliðin 2 - 5 ár.

Auglýsing verður birt í Garðapóstinum "Klippið trjágróður frá stéttum og stígum".

Fylgiskjöl

• Trjágróður á lóðarmörkum könnun 2016.pdf
• gróður á lóðarm. auglýsing.pdf

Í undirbúningi eru vorverkefni í snyrtilegum bæ:

1. Hreinsunarátak með þátttöku íbúa, félagasamtaka og skóla á nærumhverfi sínu. Að launum hljóta þau hvatningarstyrk.

Tímabil hreinsunarátaksins verður 16.-30. apríl nk.

2. Vorhreinsun lóða, þar sem garðaúrgangur er fjarlægður við lóðamörk. Framkvæmdin með verktökum tókst vel síðastliðið vor og gert ráð fyrir sama fyrirkomulagi í ár.

Tímabil vorhreinsunar lóða verður 17.-27. maí nk.

Verkefni umhverfisvöktunar í ár verða sýnatökur og mælingar á næringarefnum og efnamengun í Vífilsstaðavatni og Urriðavatni.

Samið hefur verið við Heilbrigðiseftirlit Hafnarfjarðar og Kópavogssvæðis um verkefnið.

Fylgiskjöl

• Umverfisvöktun 2016

Lögð fram drög að samþykkt um hænsnahald í Garðabæ.

Fyrirhugað er að bjóða uppá fræðslu um gróður og umhverfismál í Bókasafni Garðabæjar síðdegis dagana 31. mars, 14. apríl og 28. apríl.

Leiðbeinendur verða Erla Bil Bjarnardóttir umhverfisstjóri, Smári Guðmundsson garðyrkjustjóri og Linda Björk Jóhannsdóttir verkstjóri garðyrkjudeildar.

Fyrsta fræðslu- og söguganga ársins var þann 8. mars þar sem gengið var um Túnahverfi undir leiðsögn Baldurs Svavarssonar. Hann er uppalinn í hverfinu og gerði þar húsakönnun fyrir nokkrum árum.

Þátttaka þessarar fyrstu göngu afmælisársins lofar góðu með framhaldið þar sem um sjötíu manns tóku þátt.

Lögð fram styrkbeiðni vegna Yrkjusjóðs 2016.

Umhverfisnefnd samþykkir styrk til Yrkjusjóðs.

Fylgiskjöl

• Styrkbeiðni
• Bæjarráð Garðabæjar - 9. (1726) (8.3.2016) - Bréf Yrkjusjóðs um styrk, dags. 26.02.16.