26. fundur

Kynning á tillögu aðalskipulags Garðabæjar 2016 - 2030.

Nauðsynlegt að minjaskráning yfir Álftanesið verði í gögnum skipulagstillögunar fyrir fyrirhugaðan íbúafund.

Á fundinn mættu undir þessum dagskrárlið, Árni Ólafsson og Yngvi Loftsson ráðgjafar við gerð aðalskipulags og Arinbjörn Vilhjálmsson skipulagsstjóri.

Úthlutun styrks úr húsfriðunarsjóði 2016. Verndarsvæði í byggð - Garðahverfi, Álftanesi.

Umhverfisnefnd fagnar styrk að upphæð kr. 5.175.000.- til verkefnisins.

Formaður kynnti það helsta af ráðstefnunni "Hjólum til framtíðar 2016" sem haldin var þann 16. september á vegum Hjólafærni í samstarfi við sveitarfélögin á höfuðborgarsvæðinu.

Þann 20. september var samgöngustígur vestan Hafnarfjarðarvegar yfir Arnarnesið vígður formlega að viðstöddum nemendum Sjálandsskóla, fulltrúum Garðabæjar, fulltrúum Vegagerðarinnar og Samtökum sveitarfélaga á höfuðborgarsvæðinu.

Jafnframt var kynnt rauð hjólalykilleið sem er samstarfsverkefni yfir höfuðborgarsvæðið.

Skipulögð hefur verið í boði umhverfisnefndar árleg útikennsla um lífríki Vífilsstaðavatns dagana 26.- 28. september.

Lagðar fram niðurstöður gerlamælinga í yfirborðsvatni og strandsjó, sýni tekin í ágúst og september.

Verkefni rædd og frestað til næsta fundar.