15 (22-26). fundur

Þráinn Hauksson hjá Landslagi ehf. kemur og heldur kynningu.

Þráinn Hauksson hjá Landslagi kynnti fyrirhugaðrar breytingar á Aðalskipulagi Garðabæjar 2016-2030 sem nær til 4.kafla greinargerðar sem tekur á stígakerfi og almenningssamgöngum.

Hulda Hauksdóttir, deildarstjóri þjónustu og stafrænnar þróunar kynnti helstu niðurstöður Gallup þjónustukönnunar meðal íbúa Garðabæjar á árinu 2023.

Matvælaráðuneytið kynnir til samráðs drög að reglugerð um sjálfbæra landnýtingu í samræmi við 11. gr. laga um landgræðslu. Markmið reglugerðarinnar er að tryggja sjálfbæra landnýtingu í samræmi við markmið laga um landgræðslu. Umhverfisnefnd Garðabæjar gerir ekki athugasemd við drögin.

Lögð fram tillaga Reykjavíkurborgar um úrsögn úr Reykjanesfólkvangi.

Friðlýsing Urriðakotsshrauns

Urriðakotshraun var friðlýst sem fólkvangur 10. janúar 2024. Friðlýsingin er staðfest að beiðni Garðabæjar og landeigendanna, Styrktar- og líknarsjóðs Oddfellowa, og unnin í samstarfi ráðuneytisins og Umhverfisstofnunar. Friðlýsingu sem fólkvangs er ætlað að tryggja aðgengi almennings að náttúru Urriðakotshrauns, sem býr yfir fjölbreyttum náttúru- og menningarminjum og miklum möguleikum til útivistar, náttúruskoðunar og umhverfisfræðslu, m.a. um göngu- og reiðstíga sem liggja um svæðið. Samhliða vinnu við friðlýsingu var unnið deiliskipulag fyrir svæðið sem nú hefur verið staðfest og auglýst af Skipulagsstofnun.

Hreinsunarátak og vorhreinsun lóða 2024 rædd. Hreinsunarátak verður með sama sniði og síðustu ár og mun fara fram dagana 22. apríl - 6. maí. Unnið er að breyttri útfærslu Vorhreinsun lóða þar sem íbúum mun gefast kostur á að losa garðaúrgang í gáma sem verða aðgengilegir í nærumhverfi inni í hverfum. Umhverfisnefnd leggur áherslu á að breytt útfærsla vorhreinsun lóða verði kynnt vel fyrir íbúum bæjarins.