3 (26-30). fundur

Sigrún Hrönn Halldórsdóttir, heilbrigðisfulltrúi kynnti niðurstöður á reglubundinni vöktun yfirborðsvatns og strandsjávarmengunarmælingum ásamt loftgæðamælingum í Garðabæ.

Skýrslan lögð fram. Umhverfisnefnd lýsir ánægju með öflugt og fjölbreytt starf umhverfishópanna og þakkar ungmennum og starfsfólki fyrir mikilvægt framlag til umhirðu og fegrunar bæjarins.

Frá árinu 2002 hafa borgir og bæir á Íslandi tekið þátt í samstilltu átaki sveitarfélaga í Evrópu um að ýta undir sjálfbærar samgöngur. Yfirskrift átaksins er Evrópsk Samgönguvika og er hún haldin 16.- 22. september ár hvert. Markmið vikunnar er að kynna íbúum í þéttbýli samgöngumáta sem allt í senn eru vistvænir, hagkvæmir og bæta heilsu fólks um leið og þeir hafa jákvæð áhrif á umhverfi og andrúmsloft.

Þema samgönguviku í ár er Samgöngur fyrir öll

Málið rætt. Umhverfisnefnd leggur áherslu á að við mat á vindorkukostum verði tekið tillit til náttúruverndar, landslags, útivistargildis, ásýndar og mögulegra áhrifa tengdra innviða á hagsmuni Garðabæjar og íbúa hans.

Lagðar fram þær athugasemdir og umsagnir við deiliskipulagi Gálgahrauns sem bárust á auglýsingartíma. Hrönn Hafliðadóttir, verkefnastjóri skipulagsmála hjá Garðabæ gerði grein fyrir markmiðum deiliskipulagsins. Umhverfisnefnd tekur undir markmið deiliskipulagsins um vernd, fræðslu og stýrt aðgengi. Nefndin leggur áherslu á að tekið verði tillit til umsagna Náttúruverndarstofnunar og Náttúrufræðistofnunar við áframhaldandi vinnslu málsins, að valkostir um legu, breidd, yfirborð og lýsingu stíga verði bornir saman og að ekki verði ráðist í óafturkræft rask á friðlandinu. Umhverfisnefnd telur mikilvægt að deiliskipulag svæðisins og stjórnunar- og verndaráætlun verði unnin í nánu samhengi.

Hrönn Hafliðadóttir, verkefnastjóri skipulagsmála hjá Garðabæ gerði grein fyrir markmiðum tillögunnar. Lagðar fram þær athugasemdir og umsagnir sem bárust á auglýsingartíma við endurskoðun á 4. kafla í Aðalskipulagi Garðabæjar 2016-2030 sem tekur á stígakerfum bæjarins.

Umhverfisnefnd tekur jákvætt í markmið tillögunnar um heildstætt og öruggt stígakerfi. Nefndin leggur áherslu á að við endanlega útfærslu verði gætt að umferðaröryggi, aðgengi allra, fjölbreyttri útivist og verndargildi viðkvæmra náttúrusvæða. Jafnframt verði skýrt í skipulagsgögnum hvaða lega stíga er bindandi og hvar aðeins er um leiðbeinandi eða náttúrulega gönguleið að ræða.

Hrönn Hafliðadóttir, verkefnastjóri skipulagsmála hjá Garðabæ gerði grein fyrir málinu. Umhverfisnefnd tekur jákvætt í markmið tillögunnar um bætta tengingu fyrir gangandi og hjólandi. Nefndin leggur áherslu á að við nánari hönnun verði gætt að umferðaröryggi, grenndaráhrifum, náttúrufari og góðum tengingum við núverandi stígakerfi.

Hrönn Hafliðadóttir, verkefnastjóri skipulagsmála hjá Garðabæ gerir grein fyrir málinu. Umhverfisnefnd felur umhverfissviði að móta reglur um umgengni í og við Breiðabólstaðatjörn með hliðsjón af hverfisvernd, fuglalífi og verndargildi svæðisins og leggja tillögurnar fyrir nefndina.

Laufey Jóhannsdóttir vék af fundi undir þessum lið.