2. fundur

Skipulagsstjóri leggur fram tillögu þess efnis að fjölbýlishúsalóðir og bílastæðis/bílageymslu lóðir við Lambamýri, Grásteinsmýri og Hestamýri sameinist í eina sameiginlega lóð. Átæðan er sú að með því móti verði hægara að skrá lóðirnar í þjóðskrá. Skoðun á tækni-og umhverfissviði leiðir í ljós að skynsamlegt sé að gera þessa breytingu.

Lóðirnar Lambamýri 1, 3 og 5 sameinast við bílageymslulóð og nefnist Lambamýri 1,3og 5. Lóðirnar Grásteinsmýri 1, 3 og 5 sameinast við bílageymslu/bílastæðislóð og nefnist Grásteinsmýri 1,3og 5. Lóðirnar Hestamýri 1, 3 og 5 sameinast við bílageymslu/bílastæðislóð og nefnist Hestamýri 1,3og 5.

Skipulagsstjóri metur breytinguna sem óverulega breytingu deiliskipulags Breiðumýrar í samræmi við 2.mgr.43.gr.Skipulagslaga nr.123/2010.

Þar sem að breytingin varðar ekki hagsmuni annarra en lóðarhafa og sveitarfélagsins er grenndarkynning felld niður sbr.4.mgr.44.gr.sömu laga.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram umsókn um byggingarleyfi sem gerir ráð fyrir viðbyggingu við framhlið húss sem nær út fyrir byggingarreit.

Sækja þarf um breytingu deiliskipulags Flata sem gerir ráð fyrir stækkun byggingarreits sem lögð verður fyrir skipulagsnefnd.

Fyrirspyrjandi óskar eftir leiðbeiningu varðandi næstu skref ef núverandi garðskáli götumegin húss verði rifinn og varanleg viðbygging reist í hans stað. Nýtingarhlutfall hússins er í dag 0,34 en yrði 0,38 þegar viðbyggingin yrði reiknuð til nýtingarhlutfalls. Samkvæmt deiliskipulagi skal nýtingarhlutfall ekki vera hærra en 0,3.

Þar sem að umfang byggingarinnar eykst ekki meira við þessa breytingu en verið hefur undanfarna áratugi og tekið er fram í deiliskipulagi að ákvæði þess eigi einkum við ef hús er fjarlægð og ný byggð er það svar skipulasstjóra að hann lítur ekki svo á að ástæða sé til þess að sækja um deiliskiplagsbreytingu vegna þessarar breytingar á húsinu.

Lögð fram tillaga að óverulegri breytingu deiliskipulags að lokinni grenndarkynningu í samræmvi við 2.mgr.43.gr. og 44.gr. Skipulagslaga nr.123/2010. Engar athugasemdir bárust. Deiliskipulagsbreytingin skoðast því samþykkt.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram fyrirspurn um það hvort heimilað verði að reisa viðbyggingu við húsgafl í átt að næsta húsi.

Samkvæmt skilmálum 3.1.3. segir að byggingarreitur lóðarinnar getur orðið allt að 24 m langur sem jafngildir því að 4 metrar séu frá húsgafli að lóðarmörkum. Núverandi hús eru yfirleitt í 5 m fjarlægð frá lóðarmörkum.

Í hverfinu og í deiliskipulagi er fjarlægð milli húsgafla hvergi styttri en 8-10 metrar.

Skipulagsstjóri telur ekki æskilegt að bil á milli húsgafla verði þrengra en skipulag kveður á um og að breytingin yrði fordæmisgefandi fyrir allt hesthúsahverfið.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram umsókn lóðarhafa um deiliskipulagsbreytingu sem gerir ráð fyrir því að byggingarreitur stækkar til austurs um 1,6 m og til suðurs um 3 m.

Skipulagstjóri vísar umsókninni til skipulagsnefndar.

Fyrir hönd lóðarhafa spyr arkitekt hvort mögulegt sé að leggja gangstétt á milli lóðarmarka og byggingarreits fyrir viðbyggingu. Samkvæmt fyrri fyrirspurn yrðu um 3 metrar frá byggingarreit að lóðarmörkum Suðurhrauns 4. Á þeirri hlið viðbyggingar yrðu gönguhurð/rýmingarleið en ekki vöruaðkoma.

Svar: Ekki er gerð athugasemd við útfærslu með þessum hætti. Sækja þarf um breytingu á deiliskipulagi Molduhrauns og henni þarf að fylgja samþykki annarra eigenda og/eða húsfundar að Suðurhrauni 2.

Lögð fram umsókn um breytinu deiliskipulags sem gerir ráð fyrir útigeymslu utan byggingarreits og á bak við stoðvegg. Með vísan í aðrar sambærilegar umsóknir í Urriðaholti er tillagan metin sem óveruleg breyting deillskipulags Urriðaholts vesturhluta í samræmi við 2.mgr.43.gr.Skipulagslaga nr.123/2010.

Tillagan skal grenndarkynnt eigendum Víkurgötu 6, 8 10, 15 og 19.

Lögð fram fyrirspurn arkitekts fyrir hönd lóðarhafa þar sem spurt er um skilgreiningu A og B rýma annarsvegar og hinsvegar hvor hvort heimilað verði að stækka byggingarmagn niðurgrafinnar bílageymslu.

Umsögn deiliskipulagshöfundar lögð fram en þar er atriðum varðandi A og B rými svarað og ekki er gerð athugasemd við stækkun niðurgrafinnar bílageymslu.

Sækja þarf um breytingu deiliskipulags þar sem fram kemur með hvaða hætti útfæra skal stækkun bílageymslu.