22. (1690). fundur
22. (1690). fundur
Bæjarráð Garðabæjar
í fundarsal bæjarráðs í Ráðhúsi Garðabæjar við Garðatorg
09.06.2015
Kl. 08:00 - 10:00
Um fundinn
Nefndarmenn
- Áslaug Hulda Jónsdóttir - formaður
- Sturla D Þorsteinsson - aðalmaður
- Sigríður Hulda Jónsdóttir - varamaður
- María Grétarsdóttir - aðalmaður
- Guðrún Arna Kristjánsdóttir - varaáheyrnarfulltrúi
- Guðjón Erling Friðriksson - bæjarritari
- Eysteinn Haraldsson - bæjarverkfræðingur
- Margrét Björk Svavarsdóttir - forstöðumaður fræðslu- og menningarsviðs
- Bergljót K Sigurbjörnsdóttir - félagsmálastjóri
Ritari
- Guðjón Erling Friðriksson,
Dagskrá
Málsnúmer 1502447
01
Minnisblað íþróttafulltrúa um notkun á fjölnota íþróttahúsi, dags 18.05.15.
Lagt fram og kynnt minnisblað íþróttafulltrúa um notkun á fjölnota íþróttahúsi.
Fylgiskjöl
Málsnúmer 1505218
02
Drög að samningi um samstarf varðandi gestakort í sundlaugar
Bæjarráð samþykkir fyrir sitt leyti samkomulag um þátttöku sundlauga Garðabæjar í gestakorti Reykjavíkur og markaðsátakinu ´Reykjavík Loves´ - Geothermal pools. Samkvæmt samkomulaginu fá handhafar Gestakorts Reykjavíkur 50% afslátt af gjaldi fullorðinna.
Málsnúmer 1409324
03
Yfirlit málaflokka fyrir tímabilið janúar - apríl 2015
Á fund bæjarráðs kom Lúðvík Hjalti Jónsson, fjármálastjóri og gerði grein fyrir málaflokkayfirliti fyrir tímabilið janúar - apríl 2015.$line$$line$Fram kom hjá fjármálastjóra að kostnaður við fjóra málaflokka væri umfram viðmiðanir fyrir fjóra fyrstu mánuði ársins. Um er að ræða kostnað við félagsþjónustu, æskulýðs-og íþróttamál, umferðar og samgöngumál og hjúkrunarheimilið Ísafold.
Fylgiskjöl
Málsnúmer 1506001
04
Tilkynning frá Skipulagsstofnun um gildistöku lagaákvæða varðandi ákvarðanir sveitarstjórna um matsskyldu framkvæmda, dags. 29.05.15.
Lögð fram og kynnt tilkynning Skipulagsstofnunar um að þann 1. júní sl. tók gildi ákvæði laga um mat á umhverfisáhrifum nr. 106/2006 , sbr. 6. gr. laga sem kveður á um hlutverk sveitarstjórna við að taka ákvarðanir um matskyldu framkvæmda í C-flokki í 1. viðauka laganna.
Fylgiskjöl
Málsnúmer 1506064
05
Ársreikningur 19. júní-sjóðs 2014
Lagður fram ársreikningur 19. júní sjóðs fyrir árið 2014.$line$$line$Í ársreikningnum kemur fram að tekjur ársins námu kr. 503.575 og námu styrkveitingar kr. 150.000. Samkvæmt efnahagsreikningi kemur fram að bundið eigið fé í árslok nemur kr. 21.698.578 og frjálst eigið fé, sem heimilt er að ráðstafa til styrkja, var í árslok 2014 kr. 301.192.
Fylgiskjöl
Málsnúmer 1505221
06
Bréf Ingu Margrétar Róbertsdóttur varðandi þátttöku í kostnaði við skjólgirðingu við Hólmatún 3a, dags 05.06.15.
Bæjarráð hafnar erindi bréfritara um þátttöku í kostnaði við uppsetningu girðingar enda verður ekki séð að bærinn hafi skyldur eða hagsmuni að aðkoma að málinu.$line$$line$Bæjarráð vísar erindinu hvað aðra þætti varðar til afgreiðslu tækni- og umhverfissviðs.