15. (1876). fundur
15. (1876). fundur
Bæjarráð Garðabæjar
í fundarsal bæjarstjórnar í Sveinatungu
16.04.2019
Kl. 08:00 - 09:15
Um fundinn
Nefndarmenn
- Áslaug Hulda Jónsdóttir - formaður
- Sigríður Hulda Jónsdóttir - aðalmaður
- Almar Guðmundsson - aðalmaður
- Jóna Sæmundsdóttir - varamaður
- Ingvar Arnarson - aðalmaður
Starfsmenn
- Gunnar Einarsson - bæjarstjóri
- Guðjón Erling Friðriksson - bæjarritari
- Eysteinn Haraldsson - bæjarverkfræðingur
- Hildigunnur Árnadóttir - félagsráðgjafi
- Hulda Hauksdóttir - upplýsingastjóri
Ritari
- Guðjón Erling Friðriksson,
Dagskrá
Málsnúmer 1902222
01
Uppbygging í Vetrarmýri - kynning á stöðu verkefnis.
Á fund bæjarráðs mættu Anna Sigríður Arnardóttir og Gísli Reynisson, starfsmenn Spildu ehf. og gerðu grein fyrir stöðumati á þarfa- og kostgæfnigreiningu vegna uppbyggingar byggðar í Vetramýri.
Harpa Þorsteinsdóttir og Sara Dögg Svanhildardóttir, bæjarfulltrúar sátu fund bæjarráðs undir þessum dagskrárlið.
Málsnúmer 1808089
02
Afgreiðsla skipulagsnefndar varðandi framkvæmdaleyfi fyrir gatnagerð.
Bæjarráð samþykkir að leggja til við bæjarstjórn að samþykkja tillögu skipulagsnefndar um að veita Veitum ohf. og tækni- og umhverfissviði Garðabæjar framkvæmdaleyfi vegna endurnýjunar lagna og yfirborðs gatna í Norðurtúni og Túngötu.
Málsnúmer 1903017
03
Afgreiðsla skipulagsnefndar varðandi frávik frá skipulagi vegna lóðarinnar við Urriðaholtsstræti 2.
Bæjarráð samþykkir að leggja til við bæjarstjórn að samþykkja tillögu skipulagsnefndar að heimila útgáfu byggingarleyfis þar sem vikið er óverulega frá bundinni byggingarlínu við byggingu verslunar- og þjónustuhúss við Urriðaholtsstræti 2. Um óverulegt frávik er að ræða sem ekki varðar neina grenndarhagsmuni og þarf því ekki að koma til breytinga á deiliskipulagi sbr. heimild í 3. mgr. 43. gr. skipulagslaga nr. 123/2010.
Málsnúmer 1904108
04
Framlög til stjórnmálasamtaka 2019
Bæjarráð samþykkir eftirfarandi skiptingu á greiðslu til stjórnmálasamtaka samkvæmt fjárhagsáætlun 2019.
Sjálfstæðisflokkur kr. 2.239.009
Garðabæjarlistinn kr. 1.015.653
Miðflokkur kr. 245.338
Samtals: kr. 3.500.000
Málsnúmer 1806461
05
Úthlutun styrkja samkvæmt fjárhagsáætlun 2019.
Bæjarráð samþykkir að úthluta eftirfarandi aðilum styrk af fjárveitingu til styrkja samkvæmt fjárhagsáætlun 2019.
Garðálfar , kór eldri borgra á Álftanesi kr. 300.000
Kvennaráðgjöfin kr. 100.000
Bjarkahlíð-miðstöð fyrir þolendur ofbeldis kr. 200.000
Stígamót kr. 150.000
Garðakórinn kr. 350.000
Aflið, samtök gegn kynferðis- og heimilisofbeldi kr. 100.000
Samtök um kvennaathvarf kr. 400.000
Sjálfsbjörg á höfuðborgarsvæðinu kr. 100.000
Félag eldri borgara í Garðabæ kr. 400.000
Sjónarhóll kr. 150.000
Málsnúmer 1904228
06
Tilkynning frá Sambandi íslenskra sveitarfélaga um vorþing sveitarstjórnarþings Evrópuráðsins 2019, dags. 12.04.19.
Málsnúmer 1904205
07
Bréf Sorpu bs. varðandi ársreikning 2018, dags. 03.04.19.
Málsnúmer 1904111
08
Ársreikningur Slökkviliðs höfuðborgarsvæðisins 2018.
Málsnúmer 1904110
09
Ársreikningur heilbrigðiseftirlits 2018.
Lagður fram.
Fylgiskjöl
Málsnúmer 1904132
10
Bréf Brynju Hússjóðs ÖBÍ varðandi umsókn um stofnframlög árið 2019, dags. 27.03.19.
Bæjarráð felur bæjarstjóra að ræða við bréfritara en samkvæmt fjárhagsáætlun Garðabæjar fyrir árið 2019 er ekki gert ráð fyrir fjárveitingum til stofnframlaga vegna kaupa á almennum íbúðum.
Fylgiskjöl
Málsnúmer 1904137
11
Bréf Sjónarhóls ráðgjafamiðstöðvar ses. um styrk, dags. 08.04.19.
Málsnúmer 1904143
12
Tilkynning frá Umhverfisstofnun varðandi auglýsingu á tillögu um starfsleyfi fyrir Sorpu bs., dags. 08.04.19.
Málsnúmer 1710153
13
Tilkynning um skýrslu afmælisnefndar sjálfstæðis og fullveldis Íslands, dags. 09.04.19.
Málsnúmer 1904134
14
Bréf Samgöngustofu varðandi beiðni um umsögn vegna staðsetningar ökutækjaleigu (Hegranes 21), dags. 04.04.19.
Afgreiðslu frestað.
Málsnúmer 1904213
15
Bréf Alþingis varðandi tillögu til þingsályktunar um ákvörðun sameiginlegu EES-nefndarinnar, nr. 93/2017, dags. 11.04.19.
Lagt fram.
Málsnúmer 1904230
16
Bréf Alþingis varðandi frumvarp til laga um lýðskóla, 798. mál., dags. 12.04.19.
Lagt fram.
Málsnúmer 1904214
17
Tölvupóstur Árna Bjarnsteinssonar varðandi sumarlaun vegna þátttöku í olympíuleikjum í stærðfræði, dags. 11.04.19.
Bæjarráð samþykkir að verða við erindi bréfritara um að greiða honum sumarlaun 2019 vegna undirbúnings fyrir þátttöku í olympíuleikjunum í stærðfræði.
Málsnúmer 1902217
18
Svar við fyrirspurn um fréttastefnu.
Lagt fram svar við fyrirspurn um fréttastefnu.
Fylgiskjöl
Málsnúmer 1904231
19
Afgreiðsla leikskólanefndar varðandi úthlutun úr þróunarsjóði leikskóla.
Lögð fram afgreiðsla leikskólanefndar um úthlutun úr þróunarsjóði leikskóla. Leikskólanefnd hefur fjallað um allar umsóknir sem bárust og leggur til að úthlutað verði kr. 8.000.000 úr sjóðnum til 13 verkefna. Bæjarráð staðfestir tillögur leikskólanefndar um úthlutun styrkja, sbr. 4. gr. reglna um þróunarsjóð leikskóla.
Málsnúmer 1810028
20
Lýðræðisverkefnið - reglur um rafrænar kosningar.
Bæjarráð samþykkir leiðbeiningareglur um rafrænar kosningar þar sem íbúar fá tækifæri til að kjósa um fjárveitingar til verkefna sem farið verður í á árunum 2019 og 2020.
Fylgiskjöl
Málsnúmer 1809050
21
Úrskurður úrskurðarnefndar umhverfis- og auðlindamála vegna kæru á útgáfu byggingarleyfis einbýlishúss að Brúnási 12.
Bæjarráð vísar málinu til nýrrar meðferðar byggingarfulltrúa.