Afgreiðsla menningar- og safnanefndar varðandi tillögu að vali á bæjarlistamanni Garðabæjar 2020.

Bæjarráð samþykkir tillögu menningar- og safnanefndar um tilnefningu á bæjarlistamanni Garðabæjar árið 2020. Tilnefningin verður tilkynnt á menningaruppskeruhátíð þriðjudaginn 16. júní nk. kl. 17:30 í Sveinatungu.

Áframhaldandi umræða og ákvörðun.

Framhald umræðu frá síðasta fundi.
Menningar- og safnanefnd samþykkir að leggja til við bæjarráð Garðabæjar að einn listamaður verði útnefndur bæjarlistamaður Garðabæjar 2020.
Nefndin leggur til að útnefningin á bæjarlistamanni Garðabæjar verði tilkynnt með formlegum hætti á menningaruppskeruhátíð Garðabæjar 16. júní nk. og fer þess jafnframt á leit við þá sem að málinu koma að nafni viðkomandi listamanns verði haldið leyndu þangað til.

Ábendingar um bæjarlistamann Garðabæjar lagðar fram og ræddar.

Auglýst var eftir ábendingum um tilnefningu til bæjarlistamanns Garðabæjar 2020 í apríl. Listi með framkomnum ábendingum var lagður fram og ræddur. Umræðu verður haldið áfram á næsta fundi.

Farið yfir lista yfir fyrri bæjarlistamenn og þá sem hafa verið tilnefndir á síðustu árum. Frestur til að skila inn ábendingum um bæjarlistamann er til og með 3. maí nk.

Auglýst var eftir ábendingum um bæjarlistamann um mánaðamótin mars/apríl í Garðapóstinum og á vef Garðabæjar. Frestur til að skila inn ábendingum er til og með 3. maí nk. Farið var yfir lista yfir fyrri bæjarlistamenn Garðabæjar og eldri ábendingar.

Farið yfir reglur um bæjarlistamann, auglýsingu o.fl.

Reglur um bæjarlistamann Garðabæjar lagðar fram. Samþykkt að auglýsa eftir ábendingum um bæjarlistamann Garðabæjar í mars og ábendingar verða teknar fyrir á fundi nefndarinnar í apríl. Tilkynnt verður um val á nýjum bæjarlistamanni Garðabæjar á menningaruppskeruhátíð Garðabæjar í lok maí.