Ákvörðun Skipulagsstofnunar um matsáætlun Lyklafellslínu 1 og Ísallínu 3, dags. 05.03.2021.

Lögð fram ákvörðun Skipulagsstofnunar þar sem fallist er á tillögu Landsnets að matsáætlun vegna Lyklafellslínu 1 og Ísalslínu 3, með athugasemdum sem tilgreindar eru í átta liðum.

Fylgiskjöl

• Lyklafellslína 1 og Ísallína 3.pdf

Bæjarstjórn samþykkir eftirfarandi umsögn Garðabæjar vegna tillögu að matsáætlun vegna framkvæmda við Lyklafellslínu og Ísalslínu 1. (Mál nr. 2011215)

"Garðabær fagnar því að haldið sé áfram með undirbúning breytinga á flutningskerfi raforku á höfuðborgarsvæðinu sem hafa það að meginmarkmiði að flytja það fjær byggð. Megin ávinningur sveitarfélagsins verður niðurrif á háspennulínum á útivistarsvæðum í upplandi bæjarins sem eru mikilvægur hluti þeirra búsetugæða sem Garðabær býr yfir. Í því sambandi má minna á stefnu Garðabæjar sem er sett fram í gildandi aðalskipulagi að Hnoðraholtslína verði lögð í jörð og verða þá engar loftlínur sýnilegar á útvistarsvæðum að undaskildum loftlínum ofan Húsfells og Helgafells.
Garðabær leggur til að í umhverfismati verði valkostahugmynd Lyklafellslínu sem kallast þéttbýlisleið A bætt við sem valkosti í umhverfismatinu ásamt leiðum L (loftlína með Búrfellslínu) og J (jarðstrengur með Bláfjallavegi). Er þá horft til þátta eins og vatnsverndar og hættu af náttúruhamförum, sér í lagi eldsumbrotum í Brennisteinsfjalla-og Krísuvíkurkerfi. Vissulega yrði þá flutningskerfið nær byggð ef sú leið yrði fyrir valinu en leiðin samkvæmt hugmyndinni fylgir Flóttamannavegi (Elliðavatnsvegi) að mestum hluta og er það sú leið sem líkleg er að Hnoðraholtslína muni fylgja þegar hún verður lögð í jörð.
Ennfremur er bent á að Garðabær vinnur nú að friðlýsingu Urriðakotshrauns sem fólkvangs í samvinnu við landeigendur og Umhverfisstofnun. Æskilegt er að þess verði getið í matsáætlun og þeim matsskýrslum sem nú verða unnar. Sú staða hefur áhrif á vinsun valkostahugmynda um loftlínur eða jarðstreng þvert yfir hraunið."

Bæjarráð samþykkir að leggja til við bæjarstjórn að samþykkja eftirfarandi umsögn Garðabæjar vegna tillögu að matsáætlun vegna framkvæmda við Lyklafellslínu og Ísalslínu 1.

„Garðabær fagnar því að haldið sé áfram með undirbúning breytinga á flutningskerfi raforku á höfuðborgarsvæðinu sem hafa það að meginmarkmiði að flytja það fjær byggð. Megin ávinningur sveitarfélagsins verður niðurrif á háspennulínum á útivistarsvæðum í upplandi bæjarins sem eru mikilvægur hluti þeirra búsetugæða sem Garðabær býr yfir. Í því sambandi má minna á stefnu Garðabæjar sem er sett fram í gildandi aðalskipulagi að Hnoðraholtslína verði lögð í jörð og verða þá engar loftlínur sýnilegar á útvistarsvæðum að undaskildum loftlínum ofan Húsfells og Helgafells.
Garðabær leggur til að í umhverfismati verði valkostahugmynd Lyklafellslínu sem kallast þéttbýlisleið A bætt við sem valkosti í umhverfismatinu ásamt leiðum L (loftlína með Búrfellslínu) og J (jarðstrengur með Bláfjallavegi). Er þá horft til þátta eins og vatnsverndar og hættu af náttúruhamförum, sér í lagi eldsumbrotum í Brennisteinsfjalla-og Krísuvíkurkerfi. Vissulega yrði þá flutningskerfið nær byggð ef sú leið yrði fyrir valinu en leiðin samkvæmt hugmyndinni fylgir Flóttamannavegi (Elliðavatnsvegi) að mestum hluta og er það sú leið sem líkleg er að Hnoðraholtslína myndi fylgja þegar hún verður lögð í jörð.
Ennfremur er bent á að Garðabær vinnur nú að friðlýsingu Urriðakotshrauns sem fólkvangs í samvinnu við landeigendur og Umhverfisstofnun. Æskilegt væri að þess verði getið í matsáætlun og þeim matsskýrslum sem nú verða unnar. Sú staða hefur áhrif á vinsun valkostahugmynda um loftlínur eða jarðstreng þvert yfir hraunið.“

Guðbjörg Brá Gísladóttir gerði grein fyrir stöðu málsins.

Bæjarráð vísar málinu til umfjöllunar skipulagsnefndar.

Fylgiskjöl

• LY1 og Ísal3 - tillaga að matsáætlun.pdf
• Ly1 og Ísal3 - viðaukar.pdf