4. (1962). fundur

Helgi Már Halldórsson, arkitekt fjölnota íþróttahúss, kom á fund bæjarráðs og kynnti þrívíddar teikningar af húsinu bæði að utan að innan og sýndi nánar einstök rými innanhúss.

Guðbjörg Brá Gísladóttir, deildarstjóri framkvæmda og umhverfis fór yfir stöðu verksamnings, verkstöðu og framvindu verksins næstu mánuði.

Bæjarfulltrúarnir, Sara Dögg Svanhildardóttir, Harpa Þorsteinsdóttir, Jóna Sæmundsdóttir, Sigurður Guðmundsson voru á fundi bæjarráðs undir dagskrárliðum 1 og 2

Lúðvík Hjalti Jónsson, fjármálastjóri var á fundi bæjarráðs undir dagskrárliðum 1,2 og 3

Guðbjörg Brá Gísladóttir, deildarstjóri umhverfis og framkvæmda gerði grein fyrir stöðu framkvæmda við Hafnarfjarðarveg. Uppsetning ljósa á gatnamótum Vífilsstaðavegar er lokið og verið að stilla ljósin með tilliti til umferðarflæðis og verða allar akreinar komnar í notkun um leið og veður leyfir. Hafinn er undirbúningur vegna framkvæmda við undirgöng við Hraunsholtslæk og verður framhjáhlaup í átt að Ásgarði á meðan undirgöngin verða í framkvæmd. Farið verður í framkvæmdir við gatnamót Lyngáss og Lækjarfitjar í haust og frágang við hljóðveggi. Verklok eru áætluð í október 2021.

Lúðvík Hjalti Jónsson, fjármálastjóri gerði grein fyrir tillögu um lántöku, hjá Lánasjóði sveitarfélaga að fjárhæð kr. 1.500.000.000, verðtryggt með 1,48% föstum vöxtum. Lánið er jafngreiðslulán til 13 ára.

Bæjarráð vísar afgreiðslu málsins til bæjarstjórnar.

Fyrir liggja drög að lánssamningi.

Lagt fram minnisblað Herdísar Storgaard varðandi öryggi barna á leiksvæðum. Í minniblaðinu er er lýst ástandsskoðun á kastala á leiksvæði á opnu svæði við Lundaból.

Bæjarráð felur tækni- og umhverfissviði að gera lagfæringar vegna frávika og láta framkvæma sambærilega úttekt á öðrum leiksvæðum bæjarins.

Fylgiskjöl

• Garðabær öryggi barna á leiksvæðum bæjarins.pdf

Hulda Hauksdóttir, upplýsingastjóri fór yfir verkefnalýsingu og gerði grein fyrir undirbúningi að hugmyndasöfnum verkefnisins Betri Garðabær sem mun fara fram síðari hluta febrúar og fram í byrjun mars. Íbúakosning er fyrirhuguð í maí. Gert er ráð fyrir fjárveitingu að fjárhæð 100 mkr til verkefna sem koma til framkvæmda á árunum 2021 og 2022.

Bæjarráð samþykkir afgreiðslu byggingarfulltrúa að veita RA 5 ehf., kt. 590404-2410, leyfi fyrir breytingum á innra skipulagi núverandi húsnæðis að Garðatorgi 4C. (F2351679)

Bæjarráð samþykkir afgreiðslu byggingarfulltrúa að veita Pétri Daníelssyni, kt. 280471-5859, leyfi til að byggja við núverandi hús að Hákotsvör 8.

Bæjarráð samþykkir afgreiðslu byggingarfulltrúa að veita ÞG Íbúðum ehf., kt. 600115-0220, leyfi til að byggja fjölbýlishús með 34 íbúðum að Maríugötu 13-15.

Bæjarráð samþykkir að leggja til við bæjarstjórn að samþykkja eftirfarandi umsögn Garðabæjar vegna tillögu að matsáætlun vegna framkvæmda við Lyklafellslínu og Ísalslínu 1.

„Garðabær fagnar því að haldið sé áfram með undirbúning breytinga á flutningskerfi raforku á höfuðborgarsvæðinu sem hafa það að meginmarkmiði að flytja það fjær byggð. Megin ávinningur sveitarfélagsins verður niðurrif á háspennulínum á útivistarsvæðum í upplandi bæjarins sem eru mikilvægur hluti þeirra búsetugæða sem Garðabær býr yfir. Í því sambandi má minna á stefnu Garðabæjar sem er sett fram í gildandi aðalskipulagi að Hnoðraholtslína verði lögð í jörð og verða þá engar loftlínur sýnilegar á útvistarsvæðum að undaskildum loftlínum ofan Húsfells og Helgafells.

Garðabær leggur til að í umhverfismati verði valkostahugmynd Lyklafellslínu sem kallast þéttbýlisleið A bætt við sem valkosti í umhverfismatinu ásamt leiðum L (loftlína með Búrfellslínu) og J (jarðstrengur með Bláfjallavegi). Er þá horft til þátta eins og vatnsverndar og hættu af náttúruhamförum, sér í lagi eldsumbrotum í Brennisteinsfjalla-og Krísuvíkurkerfi. Vissulega yrði þá flutningskerfið nær byggð ef sú leið yrði fyrir valinu en leiðin samkvæmt hugmyndinni fylgir Flóttamannavegi (Elliðavatnsvegi) að mestum hluta og er það sú leið sem líkleg er að Hnoðraholtslína myndi fylgja þegar hún verður lögð í jörð.

Ennfremur er bent á að Garðabær vinnur nú að friðlýsingu Urriðakotshrauns sem fólkvangs í samvinnu við landeigendur og Umhverfisstofnun. Æskilegt væri að þess verði getið í matsáætlun og þeim matsskýrslum sem nú verða unnar. Sú staða hefur áhrif á vinsun valkostahugmynda um loftlínur eða jarðstreng þvert yfir hraunið.“

Bæjarráð vísar bréfinu til nánari skoðunar hjá bæjarstjóra.

Fylgiskjöl

• Skátaskáli - mynd 2.pdf
• Vífilsbúð 2021 - Viðbótarstuðningur.pdf

Bæjarráð vísar bréfinu til nánari skoðunar hjá bæjarstjóra.

Fylgiskjöl

• Skátaskáli - mynd 2.pdf
• Vífilsbúð 2021 - Innréttingar og tæki.pdf

Bæjarstjórn samþykkir að veita Garðasókn styrk að fjárhæð kr. 1.090.381 til greiðslu fasteignagjalda árið 2021.

Bæjarstjórn samþykkir að veita Bessastaðasókn styrk að fjárhæð kr. 298.925 til greiðslu fasteignagjalda árið 2021.

Lögð fram og vísað til kynningar í fjölskylduráði, öldungaráði og íþrótta- og tómstundaráði.

Fylgiskjöl

• Heilsuefling aldraðra 14012021.pdf
• Leiðir að aukinni heilsueflingu aldraðra.doc

Lagt fram.

Fylgiskjöl

• Boðun XXXVI. landsþings Sambands íslenskra sveitarfélaga.pdf

Ingvar Arnarson, fjallaði um umsögnina og lagði fram eftirfarandi bókun.

„Ég sem bæjarfulltrúi geri alvarlegar athugasemdir við þau vinnubrögð sem hafa verið viðhöfð við gerð þessarar umsagnar. Umsögn þessi var send út áður en að stjórn Sambands íslenskra sveitarfélaga fjallaði um hana. Þegar þessi umsögn var síðan loksins lögð fyrir stjórn Sambandsins gerðu fimm af níu stjórnarmönnum er sátu fundinn athugasemdir við umsögnina, samt sem áður er hún send út óbreytt og án bókana og athugasemda sem gerðar voru á stjórnarfundi. Þessi vinnubrögð eru með öllu óboðleg.“

Bæjarstjóri fjallaði um umsögnina og framlagða bókun. Gerði hann grein fyrir að hann hafi ekki setið fund stjórnar Sambandsins þar sem umsögnin var tekin fyrir. Bæjarstjóri upplýsti að hann muni kynna framlagða bókun í stjórn Sambandsins.

Almar Guðmundsson, fjallaði um umsögnina og framlagða bókun.

Fylgiskjöl

• Umsögn um frv. til laga um Hálendisþjóðgarð, 369. mál.pdf

Lagt fram.

Lagt fram.

Lagt fram.

Lagt fram.

Lagt fram.

Bæjarráð felur bæjarstjóra að svara fyrirspurninni.

Lagður fram listi yfir kaup á vöru og þjónustu frá stærstu birgjum á árinu 2020.

Bæjarráð samþykkir að leggja til við bæjarstjórn að samþykkja viðauka við samning um notkun á beitarhólfi við Krísuvíkurbjarg, dags. 9. mars 2018.

Lagður fram dómur Héraðsdóms Reykjaness í máli Elbu ehf. gegn Garðabæ. Í dómsorði kemur fram að Garðabær er sýkn af kröfum stefnanda í málinu.

Fylgiskjöl

• Dómur Héraðsdóms Reykjaness í máli nr. E-16652020.pdf