Framkvæmdir - Miðgarður - fjölnota íþróttahús í Vetrarmýri

Samkomulag við ÍAV vegna ágreinings um ábyrgð vegna gervigrass í Miðgarði.

Lagt var fram til kynningar samkomulag við ÍAV vegna ágreinings um ábyrgð vegna gervigrass í Miðgarði.

Bæjarstjórn samþykkir samkomulag við ÍAV um úrlausn ágreinings vegna verksamnings við fjölnota íþróttamiðstöðina Miðgarð.

Sviðsstjóri umhverfissviðs gerði nánari grein fyrir drögum að samkomulagi við ÍAV um úrlausn ágreinings vegna verksamnings um Miðgarð.
Í samkomulaginu er gert ráð fyrir að ÍAV greiði Garðabæ 27,5mkr. Samhliða greiðslu falli Garðabær frá kröfu sinni í verktryggingu VÍS.
Bæjarráð samþykkir að leggja til við bæjarstjórn að samþykkja samkomulag við ÍAV um úrlausn ágreinings vegan verksamnings við fjölnota íþróttamiðstöðina Miðgarð.

Bæjarstjórn samþykkir samkomulag Garðabæjar og ÍAV varðandi uppgjör vegna verksamnings um framkvæmdir við fjölnota íþróttamiðstöðina Miðgarð. Í samkomulaginu er gert ráð fyrir að Garðabær greiði ÍAV 55,0 mkr. og er um lúkningu að ræða á öllum kröfum sem tengjast fjárhagslegu uppgjöri verksamnings aðila. Í samkomulaginu er jafnframt kveðið á um kostnaðarskiptingu vegna endurbóta á frárennsli sem tengist jarðsigi og endurskoðun hönnunar íþróttagólfs (gervigrass).

Bæjarstjóri gerði nánari grein fyrir drögum að samkomulagi við ÍAV um uppgjör vegna framkvæmda við fjölnota íþróttamiðstöðina Miðgarð. Í samkomulaginu er gert ráð fyrir að Garðabær greiði ÍAV 55,0 mkr. og er um lúkningu að ræða á öllum kröfum sem tengjast fjárhagslegu uppgjöri verksamnings aðila.
Í drögunum er jafnframt kveðið á um kostnaðarskiptingu vegna endurbóta á frárennsli sem tengist jarðsigi og endurskoðun hönnunar íþróttagólfs (gervigras).

Bæjarráð samþykkir að leggja til við bæjarstjórn að samþykkja samkomulag við ÍAV varðandi uppgjör vegna verksamnings um framkvæmdir við fjölnota íþróttamiðstöðina Miðgarð.

Guðbjörg Brá Gísladóttir, deildarstjóri umhverfis og framkvæmda gerði grein fyrir stöðu framkvæmda við fjölnota íþróttahús. Lögð fram stöðuskýrsla, dags. í nóvember 2021. Fram kom að verið er byrja að leggja gervigrasteppi á gólf hússins.

Bæjarráð stefnir á að fara í skoðunarferð í húsið eftir fund bæjarráðs 6. desember nk.

Fylgiskjöl

• Vetrarmýri 18 stöðuskýrsla 4 nov 21.pdf

Deildarstjóri umhverfis og framkvæmda gerði grein fyrir stöðu framkvæmda við fjölnota íþróttahús.

Lögð fram stöðuskýrsla, dags. 3. júlí 2021.

Almar Guðmundsson, lagði fram eftirfarandi bókun.

„Undirritaður sat í undirbúnings- og dómnefnd fyrir byggingu fjölnota íþróttahúss ásamt Björgu Fenger, sem var formaður, Baldri Svavarssyni, fulltrúa minnihluta bæjarstjórnar, og Sigurði Bjarnasyni og Guðrúnu Dóru Brynjólfsdóttur sem tilnefnd voru af íþróttafélögum í Garðabæ.
Niðurstaðan var að hanna fjölnota íþróttahús með áherslu á æfingaaðstöðu fyrir knattspyrnuiðkendur, sérstaklega þá yngri. Húsið hefur aldrei verið hugsað sem vettvangur fyrir keppni í efstu deildum, nema í undantekningartilvikum, enda fer keppni í meistaraflokkum í knattspyrnu nánast eingöngu fram utandyra. Húsið verður svo sannarlega fjölnota enda verða alls um 4.800 m2 á þremur hæðum til notkunar í ýmislegt tengt líkams- og heilsurækt auk fræðslu og kennslu. Í húsinu verður m.a. að finna styrktar- og lyftingasal, svalir með hlaupaundirlagi og klifurvegg ásamt því að unnt verður að nota húsið fyrir tónleikahald.
Framganga oddvita Garðabæjarlistans í fjölmiðlum í tengslum við málið er ámælisverð enda er málflutningur hennar í öllum meginatriðum byggður á rangfærslum. Rétt er að fram komi að fulltrúar Garðabæjarlistans hafa aldrei greitt atkvæði gegn málinu né setið hjá þegar það hefur komið til afgreiðslu.“

Almar Guðmundsson, bæjarfulltrúi.

Guðbjörg Brá Gísladóttir, deildarstjóri framkvæmda og umhverfis gerði grein fyrir stöðu framkvæmda við fjölnota íþróttahús í Vetrarmýri.

Lögð fram áfangaskýrsla vegna verkstöðu, fjármögnun og framvindu næstu mánuði.

Sara Dögg Svanhildardóttir, bæjarfulltrúi sat fund bæjarráðs undir dagskráliðum 1-3 og Jóna Sæmundsdóttir og Harpa Þorsteinsdóttir, bæjarfulltrúar voru á fjarfundi undir sömu dagskrárliðum.

Fylgiskjöl

• Vetrarmýri 18 stöðuskýrsla 2 maí21 (002).pdf

Kynning á byggingu nýs fjölnota íþróttahúss sem nú rís í Vetrarmýrinni. Helgi Már Halldórsson arkitekt hússins mun leiða fundarmenn um bygginguna í "sýndarveruleika" og fjalla um bygginguna og möguleika hennar almennt.

Kynning á byggingu fjölnota íþróttahúss sem nú rís í Vetrarmýrinni. Helgi Már Halldórsson arkitekt hússins leiddi fundarmenn um bygginguna í "sýndarveruleika" og fjallaði um bygginguna og möguleika hennar almennt og svaraði fyrirspurnum. Guðbjörg Brá Gísladóttir fór yfir stöðu framkvæmda við bygginguna.

Helgi Már Halldórsson, arkitekt fjölnota íþróttahúss, kom á fund bæjarráðs og kynnti þrívíddar teikningar af húsinu bæði að utan að innan og sýndi nánar einstök rými innanhúss.

Guðbjörg Brá Gísladóttir, deildarstjóri framkvæmda og umhverfis fór yfir stöðu verksamnings, verkstöðu og framvindu verksins næstu mánuði.

Bæjarfulltrúarnir, Sara Dögg Svanhildardóttir, Harpa Þorsteinsdóttir, Jóna Sæmundsdóttir, Sigurður Guðmundsson voru á fundi bæjarráðs undir dagskrárliðum 1 og 2

Lúðvík Hjalti Jónsson, fjármálastjóri var á fundi bæjarráðs undir dagskrárliðum 1,2 og 3

Lagður fram gerðardómur í deilumáli ÍAV og Garðabæjar um grundunaraðstæður. Í dómsorði kemur fram að Garðabæ beri að greiða Íslenskum aðalverktökum hf. kr. 165.922.853 vegna framkvæmda við fjölnota íþróttahús í Vetrarmmýri.

Bæjarstjóri gerði nánari grein fyrir málsástæðum og niðurstöðu dómsins.

Fylgiskjöl

• 20201123 Vífilshöll-gerðardómur.pdf

Á fund bæjarráðs kom Guðbjörg Brá Gísladóttir, deildarstjóri umhverfis- og framkvæmda og gerði grein fyrir stöðu framkvæmda við fjölnota íþróttahús í Vetrarmýri.

Bæjarstjóri gerði grein fyrir samkomulagi við ÍAV vegna byggingar fjölnota íþróttahúss í Vetrarmýri.

Í samkomulaginu er fjallað um úrlausn ágreinings og gerðardómsmeðferð vegna framkvæmda við fjölnota íþróttahús í Vetrarmýri.

Ingvar Arnarson, tók til mál og lagði fram eftirfarandi bókun sem hann lagði fram við meðferð málsins á fundi bæjarráðs 23. júní 2020.

„Garðabæjarlistinn telur að ÍAV hafi haft allar upplýsingar þegar fyrirtækið tók þátt í alútboði um byggingu fjölnota íþróttahúss í Garðabæ. Í ljósi þessa er ekki hægt að samþykkja aukin útgjöld úr bæjarsjóði Garðabæjar vegna hönnunar og byggingu hússins. Einnig er óskiljanlegt að Garðabær ætli að samþykkja þetta mikla seinkun á afhendingu hússins án þess að rukka tafabætur. Að okkar mati hefur ÍAV ekki staðið við gerða samninga og þ.a.l. beðið mikla álitshnekki fyrir sitt framferði í þessu máli.“

Gunnar Valur Gíslason, tók til máls.

Bæjarstjórn samþykkir samkomulag við ÍAV með atkvæðum átta bæjarfulltrúa (AG,ÁHJ,SHJ,GVG,JS,GE,GS,SS). Tveir bæjarfulltrúar greiða atkvæði gegn samkomulaginu (IA,VÖÁW). Harpa Þorsteinsdóttir situr hjá við afgreiðslu málsins.

Á fund bæjarráðs kom Andri Árnason, lögmaður og gerði grein fyrir drögum að samkomulagi við IAV vegna byggingar fjölnota íþróttahúss í Vetrarmýri.

Í samkomulaginu er fjallað um úrlausn ágreinings og gerðardómsmeðferð vegna framkvæmda við fjölnota í þróttahús.

Bæjarráð samþykkir samkomulagið með fjórum atkvæðum (ÁHJ,SHJ,BF,GVG) gegn einu (IA).

Ingvar Arnarson, leggur fram eftirfarandi bókun.

"Garðabæjarlistinn telur að ÍAV hafi haft allar upplýsingar þegar fyrirtækið tók þátt í alútboði um byggingu fjölnota íþróttahúss í Garðabæ. Í ljósi þessa er ekki hægt að samþykkja aukin útgjöld úr bæjarsjóði Garðabæjar vegna hönnunar og byggingu hússins. Einnig er óskiljanlegt að Garðabær ætli að samþykkja þetta mikla seinkun á afhendingu hússins án þess að rukka tafabætur. Að okkar mati hefur ÍAV ekki staðið við gerða samninga og þ.a.l. beðið mikla álitshnekki fyrir sitt framferði í þessu máli."

Þar sem ágreiningur er um afgreiðslu málsins er því vísað til endanlegrar afgreiðslu bæjarstjórnar á fundi 20. ágúst nk., sbr. 5. mgr. 35. gr. sveitarstjórnarlaga og verður samkomulagi undirritað af bæjarstjóra með fyrirvara um samþykki bæjarstjórnar.

Fylgiskjöl

• Garðabær og ÍAV - samkomulag.pdf

Bæjarstjóri gerði grein fyrir stöðu framkvæmda við fjölnota íþrótthús.

Bæjarstjóri gerði grein fyrir stöðu framkvæmda við fjölnota íþróttahús í Vetrarmýri.

Bæjarstjóri gerði grein fyrir stöðu framkvæmda við fjölnota íþróttahús.

Bæjarstjóri gerði grein fyrir fundum lykilstjórnenda þar sem verið er að ræða ágreining aðila um kostnað við grundun hússins.

Lagðar fram niðurstöður Mannvits um grundun hússins ásamt kostnaðaráætlun þar sem samanburður kemur fram við kröfu ÍAV um kostnað við jarðvinnu. Þá eru lögð fram svör Mannvits við fyrirspurn IAV varðandi helstu niðurstöður í skýrslunni.

Bæjarstjóri sagði að aðilar væru að fara yfir niðurstöður útreikninga og að fyrirhugaður er fundur í dag um málið með lykilstjórnenda aðila.

Bæjarstjóri upplýsti um stöðu mála varðandi framkvæmdir við fjölnota íþróttahús í Vetrarmýri.

Bæjarstjóri gerði grein fyrir viðræðum lykilstjórnenda varðandi ágreining um viðbótarkostnað við grundun hússins.

Þá sagði bæjarstjóri frá fundi verkkaupa og verktaka, sem haldinn var 7. febrúar sl. þar sem verktakinn kynnti nýjar tillögur við hönnun á grundun hússins.

Björg Fenger, bæjarfulltrúi, sat fund bæjarráðs undir þessum dagskrárlið.

Á fund bæjarráðs mættu Andri Árnason, lögmaður og Guðbjörg Brá Gísladóttir, deildarstjóri umhverfis- og framkvæmda hjá Garðabæ.

Harpa Þorsteinsdóttir, bæjarfulltrúi sat fund bæjarráðs undir þessum dagskrárlið.

Guðbjörg Brá Gísladóttir, gerði grein fyrir forsendum útboðs og gögnum sem lágu fyrir á tilboðstíma. Guðbjörg Brá fór nánar yfir tímalínu vegna samskipta við verktaka og ágreining um grundun hússins.

Andri Árnason gerði nánari grein fyrir ágreiningi í málinu út frá lögfræðilegum sjónarmiðum og fór yfir rök fyrir niðurstöðu um að ekki væri fyrir hendi forsendubrestur málinu, m.t.t. fyrirliggjandi ráðgjafar varðandi jarðtæknileg atriði. Andri lýsti þeirri skoðun að rétt væri á þessu stigi, m.t.t. sérfræðiráðgjafar verkfræðinga o.fl., að hafna kröfu verktaka um viðbótarkostnað vegna grundunar hússins.

Gestir fundarins viku af fundi. Harpa Þorsteinsdóttir, vék einnig af fundi.

Umræður voru um málið.

Sara Dögg Svanhildardóttir, lagði fram eftirfarandi bókun:
„Garðabæjarlistinn fagnar því að bæjarstjóri verði við kröfu um upplýsingagjöf vegna þeirrar stöðu sem framkvæmd fjölnota íþróttahúss er komin í. Það er fyrst nú að bæjarstjóri upplýsir bæjarráð formlega um gang mála, þrátt fyrir að fundir og formleg bréfaskrif hafi átt sér stað frá því í september 2019 á milli verktaka og verkkaupa vegna ágreinings um grundun hússins. Réttast hefði verið af bæjarstjóra að upplýsa allt bæjarráð fyrr.“

Áslaug Hulda Jónsdóttir áskildi sér rétt til gagnbókunar síðar og benti á að málið hafi verið tekið á dagskrá bæjarráðs tvívegis á fundi í janúar, á vinnufundi bæjarstjórnar 28. nóvember 2019 og á fundi bæjarráðs 21. maí 2019.

Bæjarstjóri upplýsti um stöðu mála varðandi framkvæmdir við fjölnota íþróttahús í Vetrarmýri.

Bæjarstjóri upplýsti um stöðu mála vegna framkvæmda við fjölnota íþróttahús í Vetrarmýri.

Lögð fram fundargerð verktaka og verkkaupa um endurskoðun samningsfjárhæðar vegna neðangreindra breytinga á verkinu, dags. 15.05.2019.

Samningsfjárhæð 4.157.441.579
Lyftuhús 9.508.413
Breyting á þaki -81.300.000
Fastur botn 102.300.000
Botnplata 32.000.000
Endurgr. vsk -83.668.952
Áætlaður lokakostnaður 4.136.281.040

Bæjarráð samþykkir að gerður verði viðauki við samning vegna ofangreindra breytinga.

Bæjarstjórn samþykkir tillögu skipulagsnefndar um að veita framkvæmdaleyfi samkvæmt 13. gr. skipulagslaga nr. 123/2010 fyrir færslu Vetrarbrautar og landmótunar vegna fyrirhugaðrar byggingar fjölnota íþróttahúss í Vetrarmýri.

Bæjarráð samþykkir að leggja til við bæjarstjórn að samþykkja tillögu skipulagsnefndar um að veita framkvæmdaleyfi samkvæmt 13. gr. skipulagslaga nr. 123/2010 fyrir færslu Vetrarbrautar og landmótunar vegna fyrirhugaðrar byggingar fjölnota íþróttahúss í Vetrarmýri.

Lögð fram umsókn bæjarverkfræðings fyrir framkvæmdaleyfi fyrir færslu á bráðabirgðavegi við Vetrarbraut, fyrir ferginga fyrir þeim vegi og fyrir stígum meðfram Vetrarbraut og umhverfis fyrirhugað fjölnota íþróttahús eins og breyting á deiliskipulagi Hnoðraholts og Vetrarmýrar gerir ráð fyrir.
Skipulagsnefnd veitir framkvæmdaleyfið í samræmi við 13.gr.Skipulagslaga nr.123/2010 enda framkvæmdir í samræmi við nýlega staðfesta deiliskipulagbreytingu.