5. (1914). fundur

Jón Viðar Matthíasson, slökkviliðsstjóri og Þóra Kristín Ásgeirsdóttir, deildarstjóri almannavarnarnefndar höfuðborgarsvæðisins sátu fund bæjarráðs undir dagskrárliðum 1 og 2.

Gestir fundarins gerðu grein fyrir þýðingu þess að lýst hefur verið yfir óvissustigi almannavarna vegna kórónaveiru. Farið var nánar yfir viðbrögð almannavarnarnefndar og nauðsyn á auknu samstarfi stofnanna og samræmdri upplýsingamiðlun til almennings.

Gestir fundarins gerðu grein fyrir þýðingu þess að lýst hefur verið yfir óvissustigi almannavarna vegna landriss vestan við fjallið Þorbjörn á Reykjanesi. Kom fram að óvissustigi er lýst yfir þegar grunur vaknar um að eitthvað sé að gerast af náttúruvöldum, sem á síðari stigum gæti leitt til þess að heilsu og öryggi fólks, umhverfis eða byggðar sé ógnað.

Á fund bæjarráðs mættu Andri Árnason, lögmaður og Guðbjörg Brá Gísladóttir, deildarstjóri umhverfis- og framkvæmda hjá Garðabæ.

Harpa Þorsteinsdóttir, bæjarfulltrúi sat fund bæjarráðs undir þessum dagskrárlið.

Guðbjörg Brá Gísladóttir, gerði grein fyrir forsendum útboðs og gögnum sem lágu fyrir á tilboðstíma. Guðbjörg Brá fór nánar yfir tímalínu vegna samskipta við verktaka og ágreining um grundun hússins.

Andri Árnason gerði nánari grein fyrir ágreiningi í málinu út frá lögfræðilegum sjónarmiðum og fór yfir rök fyrir niðurstöðu um að ekki væri fyrir hendi forsendubrestur málinu, m.t.t. fyrirliggjandi ráðgjafar varðandi jarðtæknileg atriði. Andri lýsti þeirri skoðun að rétt væri á þessu stigi, m.t.t. sérfræðiráðgjafar verkfræðinga o.fl., að hafna kröfu verktaka um viðbótarkostnað vegna grundunar hússins.

Gestir fundarins viku af fundi. Harpa Þorsteinsdóttir, vék einnig af fundi.

Umræður voru um málið.

Sara Dögg Svanhildardóttir, lagði fram eftirfarandi bókun:

„Garðabæjarlistinn fagnar því að bæjarstjóri verði við kröfu um upplýsingagjöf vegna þeirrar stöðu sem framkvæmd fjölnota íþróttahúss er komin í. Það er fyrst nú að bæjarstjóri upplýsir bæjarráð formlega um gang mála, þrátt fyrir að fundir og formleg bréfaskrif hafi átt sér stað frá því í september 2019 á milli verktaka og verkkaupa vegna ágreinings um grundun hússins. Réttast hefði verið af bæjarstjóra að upplýsa allt bæjarráð fyrr.“

Áslaug Hulda Jónsdóttir áskildi sér rétt til gagnbókunar síðar og benti á að málið hafi verið tekið á dagskrá bæjarráðs tvívegis á fundi í janúar, á vinnufundi bæjarstjórnar 28. nóvember 2019 og á fundi bæjarráðs 21. maí 2019.

Bæjarráð samþykkir afgreiðslu byggingarfulltrúa að veita ÞG Íbúðum ehf., kt. 600115-0220, leyfi til að byggja fjölbýlishús með 37 íbúðum að Maríugötu 34-40.

Lagt fram bréf Umhverfisstofnunar varðandi auglýsingu sem birt hefur verið um tillögu að uppfærðum friðlýsingaskilmálum og breyttum mörkum fólkvangsins Hliðs í Garðabæ. Í auglýsingunni kemur fram að frestur til að gera athugasemdir við tillöguna er til 30. apríl 2020.

Fylgiskjöl

• Tillaga að uppfærðum friðlýsingaskilmálum og breyttum mörkum fólkvangsins Hliðs..

Bæjarráð samþykkir að leggja til við bæjarstjórn að samþykkja samninginn.

Fylgiskjöl

• Samningur um markaðssamstarf_viðauki_I_2020.docx

Bæjarráð gerir ekki athugasemdir við að umbeðið leyfi verði veitt.

Lagt fram.

Lagt fram.

Lögð fram eftirfarandi fyrirspurn:

„Í hvaða aðgerðir hefur verið farið í stofnunum bæjarins við innleiðingu stefnu Garðabæjar gegn sóun?

Hvernig hefur stefnunni verið fylgt eftir hingað til?“

Bæjarráð felur bæjarstjóra að svara fyrirspurninni.

Lögð fram eftirfarandi tillaga.

„Bæjarráð samþykkir að láta rýna og taka út allan kostnað varðandi sorphirðu sveitarfélagsins.“

Greinargerð

Samhliða nýlega framlagðri stefnu Garðabæjar gegn sóun er ekki síður mikilvægt að rýna reglulega alla kostnaðarliði við sorphirðu. Umfangsmiklir fjármunir eru þar undir. Nýlega var sorphirðugjald hækkað á íbúa þar sem fyrri álagning stóð ekki undir kostnaði.

Mikilvægt er að rýna af ábyrgð kostnaðarliði þeirra verkþátta samhliða því þegar teknar eru ákvarðanir um hærri gjaldtöku á íbúa.

Á fundinum var lagt fram yfirlit yfir kostnað við sorphreinsun og sorpeyðingu fyrir árin 2018 og 2019 ásamt yfirliti yfir kostnað við sorphreinsun hjá stofnunum bæjarins fyrir sömu ár.

Lögð fram eftirfarandi tillaga:

„Fyrir hönd Garðabæjarlistans legg ég fram tillögu um að gerð verði sérstök úttekt á þeim sambýlum sem starfrækt eru í sveitarfélaginu þar sem lagt verði mat á hvort íbúar sambýlanna fái tilskilda þjónustu eftir þjónustuþörf hvers og eins.“

Greinargerð

Mikilvægt er að hafa sem tærustu mynd af því hvernig sveitarfélaginu gengur að þjónusta fatlað fólk. Niðurstöður ánægjukönnunarinnar staðfesta enn og aftur að betur þarf að gera í málefnum fatlaðs fólks. Því til staðfestingar má einnig vísa til viðtals frá 24. janúar síðastliðinn á Stöð 2 við forstöðumann sambýlis í sveitarfélaginu. Þar kemur fram að þjónusta við fatlaða einstaklinga er ekki eins og lög um réttindi fatlaðs fólks kveða á um. Því er mikilvægt að fá yfirsýn yfir þá þjónustu sem sambýli Garðabæjar eru að veita. Ekki síst til þess að skapa tækifæri til að vinna að því að standa undir þeirri lögbundinni kröfu sem um búsetu fatlaðs fólks gildir.

Eins og segir í 9. gr laga í lögum um þjónustu við fatlað fólk með langvarandi stuðningsþarfir:

9. gr.

Búseta.

“Fatlað fólk á rétt á húsnæði í samræmi við þarfir þess og óskir og félagslegri þjónustu sem gerir því kleift að búa á eigin heimili og stuðlar að fullri aðlögun þess og þátttöku í samfélaginu. Um húsnæði fyrir fatlað fólk gilda ákvæði skipulags- og byggingarlaga, lög um húsnæðismál og lög um almennar íbúðir, eftir því sem við á.?

Bæjarráð vísar tillögunni til umfjöllunar í fjölskylduráði.

Bæjarráð samþykkir tillögu um að láta fara fram útboð á tryggingum Garðabæjar.

Bæjarráð samþykkir að fela bæjarstjóra að segja upp samningi við Vátryggingafélag Íslands hf. um tryggingavernd með sex mánaða fyrirvara miðað við 1. janúar 2021.

Bæjarráð samþykkir að veita Garðasókn styrk að fjárhæð kr. 953.009 til greiðslu fasteignagjalda árið 2020.

Bæjarráð samþykkir að veita Skátafélaginu Vífli og Hjálparsveit skáta styrk að fjarhæð kr. 4.103.756 til greiðslu fasteignagjalda árið 2020.

Bæjarráð samþykkir að veita Bessastaðasókn styrk að fjárhæð kr. 275.530 til greiðslu fasteignagjalda árið 2020.

Bæjarráð vísar málinu til umfjöllunar skipulagsnefndar.