3. fundur

Lúðvík Hjalti Jónsson fjármálastjóri og Margrét Björk Svavarsdóttir forstöðumaður fræðslu- og menningarsviðs mættu á fundinn og fóru yfir helstu áherslur og niðurstöður frumvarps að fjárhagsáætlun Garðabæjar 2015, eins og það var lagt fram til fyrri umræðu í bæjarstjórn þann 6. nóvember sl. $line$Farið var einstaka þætti fjárframlags til málaflokks 05-menningarmál í frumvarpinu.$line$Í erindi fjármálastjóra kom fram að síðari umræða um fjárhagsáætlun Garðabæjar 2015 fari fram fimmtudaginn 4. desember 2014.$line$Umræður voru um málið. Formaður beindi því til nefndarinnar að ábendingar og athugasemdir nefndarmanna varðandi málaflokkinn 05-menningarmál í fyrirliggjandi frumvarpi að fjárhagsáætlun Garðabæjar 2015 skyldu sendar upplýsinga- og menningarfulltrúa til frekari úrvinnslu fyrir síðari umræðu um fjárhagsáætlunina í bæjarstjórn. $line$

Tónleikar undir yfirskriftinni Tónlistarveisla í skammdeginu 2014 voru haldnir á Garðatorgi fimmtudagskvöldið 13. nóvember sl. kl. 21:00-22:30.$line$Jóhann Sigurðarson leikari og söngvari steig á svið ásamt hljómsveit sinni við góðar undirtektir tónleikagesta. Fjölmenni, áætlað um 300 manns, mætti á tónleikana.$line$Fyrr um kvöldið opnaði einnig haustsýning Grósku í Gróskusalnum á efri hæðinni Garðatorgi 1, verslanir á Garðatorgi voru opnar. Skapaði öll þessi umgjörð góða bæjarstemningu á torginu allt kvöldið. $line$Farið var yfir hvernig tókst til með menningarviðburði kvöldsins.$line$

Forstöðumaður fræðslu- og menningarsviðs greindi frá því að í skoðun er að koma upp æfingahúsnæði fyrir ungt tónlistarfólk í kjallara Holtsbúðar. $line$Frekari vinna er framundan við að greina hvað til þarf til að koma hinu nýja æfingahúsnæði í gagnið.$line$Upplýsinga- og menningarfulltrúi mun fylgja málinu eftir og upplýsa menningar- og safnanefnd um framgang þess.$line$

Hátíðardagskrá í tilefni af aldarafmæli Bjarnastaða fór fram laugardaginn 4. október sl. í hátíðarsal íþróttahússins á Álftanesi. Hátíðin tókst mjög vel og voru um 130 gestir viðstaddir dagskrána. $line$Menningar- og safnanefnd þakkar Félagi áhugamanna um sögu Bessastaðaskóla og Fugla- og Náttúruverndarfélagi Álftaness, sem skipulögðu hátíðina í samstarfi við Garðabæ, fyrir mjög góðan undirbúning. $line$Rætt var um notkun á húsnæðinu á Bjarnastöðum og hvers konar starfsemi sé til skoðunar að hafa í húsinu í framtíðinni. $line$Upplýsinga- og menningarfulltrúi lagði fram drög að auglýsingu eftir umsóknum um afnot félaga og félagasamtaka í Garðabæ af húsnæði á Bjarnastöðum. Auglýsingin verður birt í næsta Garðapósti og á vef Garðabæjar. Í henni kemur m.a. fram að áhugasamir geti skoðað húsnæðið í fylgd upplýsinga- og menningarfulltrúa mánudaginn 24. nóvember frá kl. 17-19. Umsóknarfrestur verður til 12. desember 2014.$line$

Farið var yfir helstu verkefni sem hafa verið á vorönn síðustu ára og þau sem framundan eru á vorönn 2015. $line$Safnanótt verður haldin föstudaginn 6. febrúar 2015 og flest söfn á höfuðborgarsvæðinu taka þátt í verkefninu. Safnanótt er hluti af Vetrarhátíð í Reykjavík. Fyrirhugað er að Bókasafn Garðabæjar og Hönnunarsafn Íslands taki þátt eins og undanfarin ár, auk þess sem opið hús hefur verið í Króki á Garðaholti í tengslum við Safnanótt.$line$Sundlauganótt verður haldin á laugardegi viku síðar og áhugi er fyrir því að vera með á ný. $line$Rætt var um Þriðjudagsklassík og hugsanlegt áframhald á því verkefni. Einnig var rætt um Jazzhátíð Garðabæjar á vorönn 2015. $line$Formaður og upplýsinga- og menningarfulltrúi munu hitta forsvarsmenn þessara verkefna að máli og taka saman upplýsingar um áframhald verkefnanna sem síðan verður farið yfir á næsta fundi menningar- og safnanefndar.$line$

Tekið var til umfjöllunar bréf kammerhópsins Camerarctica dags. 22.09.2014 með ósk um styrk vegna tónleika undir yfirskriftinni ?Mozart við kertaljós? í Garðakirkju laugardaginn 21. desember 2014.$line$Menningar- og safnanefnd samþykkir að veita kammerhópnum Camerarctica styrk að upphæð 120.000 kr vegna tónleikanna.$line$

Tekið var til umfjöllunar erindi Baldvins Ingvars Tryggvasonar dags. 10.11.2014 um styrk til greiðslu ferðakostnaðar vegna meistaranáms við Royal College of Music í London.$line$Menningar- og safnanefnd getur ekki orðið við erindinu þar sem ekki hefur tíðkast að veita sérstaka ferðastyrki með þessum hætti. Nefndin er þó opin fyrir því að kanna aðra samstarfsfleti við umsækjanda í framtíðinni, t.d. varðandi tónlistarflutning í tengslum við viðburði á vegum nefndarinnar.$line$

Tekið var til umfjöllunar bréf Munins Kvikmyndagerðar dags. 06.11.2014 um styrk vegna heimildarmyndar um Stjörnuna ásamt bréfi dags. 07.11.2014 frá rekstrarstjóra knattspyrnudeildar Stjörnunnar varðandi sama mál. Bæjarráð samþykkti á fundi sínum 11. nóvember sl. að vísa erindinu til umfjöllunar menningar- og safnanefndar, íþrótta- og tómstundaráðs og mannréttinda- og forvarnarnefndar. $line$Eftir umfjöllun um málið var samþykkt að styrkja verkefnið um 100 þúsund krónur. $line$$line$Menningar- og safnanefnd lítur svo á að með skráningu íþróttafélaga og annarra félagasamtaka í Garðabæ á merkum viðburðum í sögu sinni séu félög og félagasamtök jafnframt að stuðla að söfnun og varðveislu mikilvægra heimilda um mannlífið í bænum. $line$Með styrkveitingunni vill nefndin leggja áherslu á menningarlegt gildi íþrótta og mikilvægi sterkrar tengingar íþróttalífs og menningar í þjóðfélaginu auk þess sem nefndin vill á þennan hátt veita Stjörnunni og hinu geysiöfluga stuðningsmannafélagi félagsins, Silfurskeiðinni, viðurkenningu fyrir afar merkt samfélagslegt framlag til íbúa Garðabæjar á árinu 2014. $line$$line$EJ sat hjá við afgreiðslu málsins.$line$

Oddný H. Björgvinsdóttir forstöðumaður Bókasafns Garðabæjar kynnti starfsemi bókasafnsins og sagði m.a. frá sérstakri áherslu safnsins undanfarið á lestrarhvatningu til barna frá unga aldri. $line$Í kjölfarið fylgdu umræður um ýmsa starfsemi Bókasafns Garðabæjar. $line$