12. fundur

Sigríður Sigurjónsdóttir forstöðumaður Hönnunarsafnsins fer yfir nýja stefnumótun og aðgerðaráætlun safnsins. Leiðsögn um safnið.

Sigríður Sigurjónsdóttir, forstöðumaður Hönnunarsafns Íslands, fór yfir nýja stefnumótun og aðgerðaráætlun safnsins. Einnig var gengið um sýningar safnsins og sagt frá því sem er á döfinni hjá safninu.

Umræður voru um starfsemi safnsins.

Gunnar Valur Gíslason, formaður menningar- og safnanefndar, fer yfir skýrslu starfshóps um fjölnota menningar- og fræðasetur frá vorinu 2018.

Gunnar Valur Gíslason, formaður menningar- og safnanefndar, fór yfir skýrslu starfshóps um fjölnota menningar- og fræðasetur frá vorinu 2018. Starfshópnum sem var skipaður af bæjarráði var falið að kanna grundvöll fyrir byggingu og starfsemi fjölnota menningar- og fræðamiðstöðvar í Garðabæ. Farið var yfir helstu þætti skýrslunnar sem var lögð fyrir bæjarráð í maí 2018. Upplýsingar um vinnu starfshópsins og skýrslan sjálf er aðgengileg á vef Garðabæjar.

Umræður voru um markmiðasetningu og næstu mögulegu skref í framhaldinu

Eiríkur Björn Björgvinsson, forstöðumaður fræðslu- og menningarsviðs, segir frá heimsókn sinni í Mennta- og menningarmálaráðuneytið.

Eiríkur Björn Björgvinsson, forstöðumaður fræðslu- og menningarsviðs, greindi frá fundi með Karítas H. Gunnarsdóttur skrifstofustjóra og Baldri Þór Guðmundssyni sérfræðingi á skrifstofu menningarmála hjá mennta- og menningarmálaráðuneytinu 7. mars sl. Fundurinn var haldinn í framhaldi af heimsókn mennta- og menningarmálaráðherra í Hönnunarsafnið í byrjun þessa árs. Á fundinum var m.a. farið yfir drög að samstarfssamningi frá árinu 2016 sem byggði m.a. á samningi aðila frá 2006. Eiríkur greindi frá umræðum um mögulegar útfærslur á nýjum samningi eða samningum.

Umræður voru um útfærslur á nýjum samningi.

Umræður voru um menningarstarfsemi á Garðatorgi og möguleika sem eru til staðar í miðbænum. Rætt var um hvernig hægt væri að gera eitthvað til að vekja áhuga á hönnun með sérstökum viðburðum tengdum hönnun í samstarfi nefndanna.

Greint var frá hugmyndum um sameiginlegt menningar- og viðburðadagatal Hönnunarsafnsins og Bókasafnsins þar sem einnig er fjallað um fasta menningarviðburði á vegum menningar- og safnanefndar.

Þessi liður verður ræddur eftir sameiginlegu dagskrárliðina.

Áframhaldandi umræður um leiklistarstarfsemi á Garðatorgi frá fundi nefndarinnar í apríl. Erindi Trausta Ólafssonar, dags. 14. apríl 2019, um áframhaldandi afnot af sal á Garðatorgi til að starfrækja leiklistarstarfsemi var lagt fram.

Menningar- og safnanefnd tekur jákvætt í erindið og felur upplýsingastjóra að skoða nánar um áframhaldandi samning um afnot af salnum frá ágúst 2019 til maí 2020.

Greint var frá hugmyndavinnu sem farin er af stað hjá Gagarín í tengslum við minjagarðinn á Hofsstöðum. Stefnt er að fundi í byrjun júní þar sem fulltrúar Gagarín mæta á fund menningar- og safnanefndar og fara yfir stöðu verkefnisins.