24. fundur

Farið yfir drög að dagskrá og sérstakar heiðursviðurkenningar fyrir framlag til menningar og lista.

Áframhaldandi umræða frá síðasta fundi um dagskrár menningaruppskeruhátíðar sem verður haldin í samkomuhúsinu á Garðaholti miðvikudaginn 31. maí kl. 17:30-19.

Umræður voru um heiðursviðurkenningar til framlags menningar og lista og ákveðið að heiðra þrjá einstaklinga í ár.

Umræðu frá síðasta fundi haldið áfram.

Framhald umræðu frá síðasta fundi.

Menningar- og safnanefnd samþykkir að leggja til við bæjarráð Garðabæjar að einn listamaður verði útnefndur bæjarlistamaður Garðabæjar í ár. Nefndin leggur til að útnefningin á bæjarlistamanni Garðabæjar verði tilkynnt með formlegum hætti á menningaruppskeruhátíð á Garðaholti 31. maí nk. og fer þess jafnframt á leit við alla þá sem að málinu koma að nafni viðkomandi listamanns verði haldið leyndu þangað til.

Greint var frá fyrirhuguðum sögugöngum á næstu vikum. Þriðjudaginn 23. maí kl. 17:15 verður boðið upp á sögugöngu um Garðahverfi undir leiðsögn Ragnheiðar Traustadóttur fornleifafræðings. Um viku síðar eða mánudaginn 29. maí kl. 17:30 verður haldin kynning á gönguleiðsagnarappinu Wappinu í Bókasafni Garðabæjar og svo haldið í göngu undir leiðsögn Einars Skúlasonar um hraunleiðina sem er í Wappinu.

Undirbúningur fyrir Jónsmessugleði Grósku sem verður haldin fimmtudaginn 22. júní í Sjálandinu er hafinn. Um 40 listamenn ætla að sýna myndlistarverk við sjávarsíðuna þetta kvöld. Einnig verða ýmis önnur atriði í boði um kvöldið með þátttöku hóps ungmenna í skapandi sumarstörfum og fleiri aðila.

Sigrún Lilja greindi frá undirbúningi að stofnun vinafélags Hönnunarsafns Íslands. Öllum sem vilja býðst að gerast vinafélagar safnsins. Vinafélagar fá ýmis fríðindi s.s. ókeypis aðgang að sýningum og fleira en innheimt verður sérstakt ársgjald félaga. Fjármunir vinafélagsins verða nýttir í sérstakan innkaupasjóð á verkum. Stefnt er að stofnfundi vinafélagsins á næstu vikum.