39. fundur

Menningarfulltrúi kynnti dagskrá fyrir skólahópa og fjölskyldur á Barnamenningarhátíð í Garðabæ dagana 4. - 9. apríl nk. Dagskráin verður fjölbreytt í Hönnunarsafni Íslands, Bókasafni Garðabæjar og á yfirbyggðum torgum. Sýningar á verkum barna verða einnig liður í dagskránni.

Fylgiskjöl

• Barnamenningarhátíð í Garðabæ 2022 - heildardagskrá.docx

Fyrir fundinum lá bréf frá Umboðsmanni barna dags. 28.01.2022 varðandi mat á áhrifum ákvarðana sveitarfélaga á börn og rétt barna til þátttöku og áhrifa.

Markmið menningar- og safnanefndar og menningarfulltrúa varðandi þátttöku barna í menningarviðburðum í Garðabæ miðar ætíð að lýðræðislegri virkni barnanna, að börnin hafi raunveruleg áhrif á framkvæmda viðburða og að þeirra rödd heyrist. Hvort sem um er að ræða listsmiðjur, hönnunarsmiðjur eða tónleika eru börn ekki einungis njótendur eða hlustendur heldur líka virkir þátttakendur.

Fylgiskjöl

• Bæjarráð Garðabæjar - 5. (2012) (8.2.2022) - Bréf umboðsmanns barna varðandi mat á áhrifum ákvarðana sveitarfélaga á börn og rétt barna til þátttöku og áhrifa, dags. 28.01.22.
• Mat-á-áhrifum-á-börn-bréf-ub-til-sveitarfélaga.pdf

Fyrir fundinum lágu til kynningar teikningar arkitekts að sýningarrými undir hringpalli við Garðagorg 7. Verkefnið er nú í vinnslu hjá tækni- og umhverfissviði bæjarins og nálgast framkvæmdarstig.

Í lok umræðu var menningarfulltrúa falið að koma á framfæri ábendingum nefndarinnar m.a. varðandi upphitun rýmisins. Kynningarfundir með íbúum og atvinnurekendum á Garðatorgi 7 fara fram 22. og 23. mars nk.

Fylgiskjöl

• Teikningar af sýningu á Garðatorgi 7

Menningarfulltrúi greindi frá undirbúningi Jazzhátíðar Garðabæjar 2022 sem fer fram dagana 21. - 24. apríl nk.Gert er ráð fyrir að hátíðin hefjist að kvöldi Sumardagsins fyrsta.

Menningarfulltrúi mun áfram vinna að skipulagningu hátíðarinnar, þ.m.t. dagskrárgerð og kynningarmálum með Sigurði Flosasyni listrænum stjórnanda Jazzhátíðar Garðabæjar.

Bæjarstjórn samþykkti þann 3. mars sl. tillögu nefndarinnar að breytingu á reglum um úthlutun úr Hvatningarsjóði ungra listamanna en breytingin fólst í því að nú geta ungir hönnuðir einnig sótt um styrk úr sjóðnum auk þess sem ungmennaráð Garðabæjar kemur að umfjöllun um umsóknir sem berast áður en til afgreiðslu menningar- og safnanefndar kemur.

Menningarfulltrúi mun nú auglýsa eftir umsóknum um úthlutun úr Hvatningarsjóð ungra hönnuða og listamanna og er umsóknarfrestur til 29. apríl nk.

Fylgiskjöl

• Bæjarstjórn Garðabæjar - 4. (900) (3.3.2022) - Hvatningarsjóður ungra listamanna og hönnuða - Reglur um hvatningarsjóð.

Menningarfulltrúi hefur auglýst opinberlega eftir tilnefningum til bæjarlistamanns Garðabæjar 2022. Umfjöllun um fyrirliggjandi ábendingar um næsta bæjarlistamann Garðabæjar og heiðursviðurkenningar menningar- og safnanefndar í ár til framlags menningar og lista.

Umræðu verður haldið áfram á næsta fundi.

Fylgiskjöl

• Bæjarlistamaður og heiðursviðurkenning tillögur ofl.xlsx

Menningaruppskeruhátíð 2022 verður haldin í síðari hluta maímánaðar í fjölnota salnum Sveinatungu við Garðatorg. Umfjöllun um umgjörð hátíðarinnar í ár.

Umræðu verður haldið áfram á næsta fundi.

Menningarfulltrúi greindi frá skipulagningu menningar- og íþróttahátíðar fyrir alla fjölskylduna í apríl/maí 2022 í Miðgarði en menningarfulltrúi vinnur að undirbúningi menningarviðburða í samráði við Kára Jónsson, íþróttafulltrúa bæjarins.

Í lok hefðbundinnar dagskrár heimsótti menningar- og safnanefnd Bókasafn Garðabæjar við Garðatorg eftir stutta viðkomu á væntanlegu sýningarsvæði minjagarðsins á Hofstöðum undir hringpallinum á torginu.

Í bókasafninu tók Margrét Sigurgeirsdóttir forstöðumaður safnsins á móti nefndinni, ræddi um starfsemi bókasafnsins og framtíðarsýn. Margrét sýndi nefndinni m.a. nýtt rými safnsins á jarðhæð sem notað er af skólahópum, Taflfélagi Garðabæjar og fyrir allskyns viðburði á vegum safnsins.