28. fundur

Í fjarveru sviðsstjóra fræðslu- og menningarsviðs greindi formaður frá stöðu mála í viðræðum Garðabæjar við mennta- og menningarmálaráðuneyti varðandi nýjan samning um Hönnunarsafnið. Viðræðurnar snúast annars vegar um árlegt framlag ríkisins til reksturs safnsins og hins vegar um staðfestingu á því að stofnframlag ríkisins til safnsins sem kveðið var á í samningi aðilanna frá árinu 2006 sé enn í fullu gildi og hvernig það verði greitt.

Fyrir fundinum lá samþykkt bæjarstjórnar frá 4. febrúar sl. um að fela fræðslu- og menningarsviði Garðabæjar að skoða heildstæða nýtingu húsnæðis á Garðatorgi 1.

Málið hefur verið vísað til fræðslu- og menningarsviðs til úrvinnslu.

Fylgiskjöl

• Tillaga í bæjarstjórn varðandi Garðatorg 1 - dags. 02.02.2021.pdf
• 2102035 - Tillaga um að nýta húsnæði að Garðatorgi 1 fyrir Hönnunarsafn Íslands og fjölbreytta menningarstarfsemi

Menningarfulltrúi segir frá vel heppnaðri Vetrarhátíð sem fór fram 4. - 7. febrúar. Sýning á ljóskerum fyrir framan Hönnunarsafn fór fram alla dagana, þann 5. febrúar var ljóslistaverki eftir Hrund Atladóttur ásamt hljóðverki eftir Geir Helga Birgisson varpað á Búshúsið á Vífilsstöðum með leyfi frá Landsspítala. Bein útsending var frá viðburðinum sem stóð aðeins yfir í eitt kvöld enda mikil og dýr framkvæmd. Gunni Rich var menningarfulltrúa innan handar. Fjöldi fólks lagði leið sína á Vífilsstaði og almenn ánægja virðist vera með gjörninginn. Laugardaginn 6. febrúar fóru fram tvær svokallaðar berklagöngur með göngugarpinum Einari Skúlasyni sem gekk með tvo tuttumanna hópa um útivistarslóðir við berklahælið. Sunnudaginn 7. febrúar fór svo höfundurinn Kristín Helga Gunnarsdóttir með 20 fullorðna og um 15 börn í göngu um söguslóðir bóka sinna.

Fylgiskjöl

• VHG_2021_105_Plakat.pdf

Viðræður við Sigurð Flosason um framkvæmd, staðsetningu og tímasetningu jazzhátíðar eru hafnar, menningarfulltrúa falið að vinna áfram að undirbúningi hátíðarinnar í samstarfi við Sigurð.

Auglýst hefur verið eftir ábendingum vegna útnefningar næsta bæjarlistamanns og nú þegar hafa nokkrar ábendingar borist.

Fylgiskjöl

• Auglýst eftir tillögum um bæjarlistamann 2021

a)Menningarfulltrúi segir frá móttöku alls 735 barna úr grunnskólum Garðabæjar í Tónlistarskóla Garðabæjar í janúar á mjög skemmtilega og vandaða jazztónleika.

b) Rætt um Barnamenningarhátíð í Garðabæ 2021. Í febrúar hefst fyrsti liður hátíðarinnar sem felst í leirsmiðjum barna á miðstigi grunnskóla Garðabæjar en verk barnanna verða sýnd á Barnamenningarhátíð í apríl. Ítarleg dagskrá hátíðarinnar kynnt á næsta fundi nefndar.

c) Auglýst verður eftir umsóknum um styrki fyrir unga listamenn í Garðabæ.