2. fundur

Tekið er fyrir mál nr. 2001275 Íbúakönnun Gallup 2019. Sunna Sigurðardóttir situr fundinn undir þessum dagskrárlið. Sunna kynnir helstu niðurstöður í árlegri íbúakönnun/þjónustukönnun Gallup á viðhorfum íbúa til þjónustu í 20 stærstu sveitarfélögunum. Niðurstöður ræddar.

Tekið er fyrir mál nr. 1911304 - stafræn þjónusta og framþróun.

Sunna Sigurðardóttir, verkefnisstjóri, situr fundinn undir þessum dagskrárlið.

Sunna gerir grein fyrir vinnu starfshóps um stafræna þjónustu og framþróun hjá Garðabæ og þeim verkefnum sem komu til umfjöllunar hjá starfshópnum. Í niðurstöðum starfshópsins er lagt til að valin verði fjögur verkefni sem eru stafrænt Garðakort, umhverfisgátt, þjónustugátt fyrir eldri borgara og snjöll afgreiðsla leikskólaumsókna.

Tekið er fyrir mál nr. 1906094, innleiðing heimsmarkmiða Sameinuðu þjóðanna, heilsueflandi Garðabær, Barnasáttmáli Sameinuðu þjóðanna. Sunna Sigurðardóttir, verkefnisstjóri, og Kári Jónsson, íþrótta-, tómstunda- og forvarnarfulltrúi sitja fundinn undir þessum dagskrárlið.

Tillaga starfshóps um val á yfirmarkmiðum heimsmarkmiða sameinuðu þjóðanna fyrir Garðabæ lögð fram. Tillagan var lögð fram í bæjarráði Garðabæjar til kynningar í byrjun mars. Bæjarráð samþykkti að unnið yrði áfram með þau verkefni sem starfshópurinn valdi og vísaði tillögu starfshópsins til umfjöllunar í fastanefndum bæjarstjórnar. Sunna greinir frá vinnu starfshópsins.

Skjalið "Forvarnastefna Garðabæjar 2020" er tilbúið til kynningar. Það er hér með sent frá ÍTG á nefndir og ráð bæjarins til umsagnar.

Tekið er fyrir mál nr. 1908321, endurnýjun forvarnarstefnu Garðabæjar. Kári Jónsson, íþrótta-, tómstunda- og forvarnarfulltrúi situr fundinn undir þessum dagskrárlið og kynnir nýja forvarnarstefnu Garðabæjar 2020. Forvarnarstefnan leggur áherslu á allt samfélagið og tengist heimsmarkmiðum Sameinuðu þjóðanna. Fram kemur í máli Kára að allar ábendingar eru vel þegnar. Málið rætt.

Tekið er fyrir mál nr. 2005438 drög að endurskoðuðum reglum um félagslegt leiguhúsnæði í Garðabæ. Snædís Björnsdóttir, verkefnisstjóri, situr fundinn undir þessum dagskrárlið. Snædís kynnir drög að endurskoðuðum reglum sem nú eru í vinnslu og kallar eftir athugasemdum.Fyrirliggjandi drög og stigagjöf eru rædd. Kallað er eftir ábendingum og athugasemdum.