4. fundur

Mál nr. 2110365 lagt fram til kynningar, kynning aðgengisfulltrúa ÖBÍ á verkefni sem snýr að bættu aðgengi fyrir fatlað fólk.

Lögð er fram til kynningar úttekt á aðgengi hreyfihamlaðra að helstu stofnunum, leiksvæðum og strætóskýlum í Garðabæ, sem unnin var af sumarstarfsmönnum sumarið 2020.

Mál nr. 2006641 tekið til umræðu. Almenn ánægja er með framlagðar skýrslur um aðgengi að stofnunum, leiksvæðum og strætóskýlum í bæjarfélaginu. Samráðhópur um málefni fatlaðs fólks hvetur til skoðunar á þeim þáttum sem þarfnast úrbóta og bendir jafnframt á nauðsyn þess að gera heildarúttekt á aðgengismálum í bæjarfélaginu.

Lagt er fram til kynningar umsókn Klettabæjar um starfsleyfi til að að reka stoðþjónustu í skammtímadvöl, sérstöku húsnæði fyrir börn með miklar þroska- og geðraskanir, atvinnu- og hæfingatengda þjónustu og frístundaþjónustu skv. 8., 17., 21., 24. og 16. gr. laga nr. 38/2018 í Hafnarfirði.

Fyrir liggur að Gæða- og eftirlitsstofnun hefur aflað upplýsinga um Klettabæ og telur að umsækjandi uppfylli skilyrði til að reka þá þjónustu sem minnst er á hér að framan. Í samræmi við það er nú fyrirhuguð útgáfa starfsleyfis fyrir starfsemina til þriggja ára.

Mál nr. 2111156 tekið fyrir, beiðni um umsögn vegna umsóknar Klettabæjar um starfsleyfi til að reka stuðnings- og stoðþjónustu fyrir fatlað fólk. Samráðshópur um málefni fatlaðs fólks í Garðabæ gerir ekki athugasemdir við að starfsleyfið sé veitt.

Lagt er fram til kynningar umsókn frá Birnu Guðmundsdóttur f.h. Raunríks ehf.

Sótt er um starfsleyfi til að reka stuðnings- og stoðþjónustu fyrir fatlað fólk skv. 26. gr. laga nr. 40/1991 og 8. gr. laga nr. 38/2018 í Garðabæ. Fyrir liggur að Gæða- og eftirlitsstofnun hefur aflað upplýsinga um Raunrík ehf og og telur að umsækjandi uppfylli skilyrði til að reka þá þjónustu sem minnst er á hér að framan. Í samræmi við það er nú fyrirhuguð útgáfa starfsleyfis fyrir starfsemina til þriggja ára.

Mál nr. 2111159 tekið fyrir, beiðni um umsögn vegna umsóknar Raunríks ehf. um starfsleyfi til að reka stuðnings- og stoðþjónustu fyrir fatlað fólk. Samráðshópur um málefni fatlaðs fólks í Garðabæ gerir ekki athugasemdir við að starfsleyfið sé veitt.

Lögð eru fram svör starfsmanna fjölskyldusviðs Garðabæjar við fyrirspurn frá Söru Dögg Svanhildardóttur.

Mál nr. 211034, svör starfsmanna fjölskyldusviðs við fyrirspurn Söru Daggar Svanhildardóttur, lagt fram til kynningar. Samráðshópur um málefni fatlaðs fólk leggur til að mótuð verði stefna í húsnæðismálum fatlaðs fólks í bæjarfélaginu.

Lagt er fram til umræðu og umsagnar drög að Lýðræðisstefnu Garðabæjar.

Tekið er fyrir mál nr. 1911163. Samráðshópur lýsir yfir ánægju með drög að lýðræðisstefnu Garðabæjar, fram kom ábending um að skoða upplýsingar sem snúa að notendaráði um málefni fatlaðs fólks í Garðabæ og eru í viðauka við lýðræðisstefnu.