19. fundur

Þráinn Hauksson landlagsarkitekt kynnti tillögu að deiliskipulagi og lýsingu verkefnisins. Einnig gert grein fyrir samráðsferli við hina ýmsu aðila. Nú liggur beinast við að staðsetning útilífsmiðstöðvar sé hentug við Grunnavatn syðra og er þá utan vatnsverndarsvæðis.$line$Skipulagsnefnd vísar tillögu skipulagsstjóra um staðsetningu útilífsmiðstöðvar við Grunnavatn syðra til umsagnar Skógræktarfélags Reykjavíkur, umhverfisnefndar Garðabæjar, Skátafélagsins Vífils og Landnets.$line$Auður Hallgrímsdóttir, fulltrúi Bjartrar framtíðar lýsti þeirri skoðun sinni að heppilegri staðsetning fyrir útilífsmiðstöð væri við Grunnavatndal nyrðri og óskaði eftir að möguleiki á þeirri staðsetningu verði einnig kynntur skátunum.

Lögð fram tillaga að lýsingu á breytingu aðalskipulags Garðabæjar vegna gerðar deiliskipulags Heiðmerkur. Tillagan hlýtur ferli samhliða deiliskipulagi Heiðmerkur í Garðab.

Fulltrúar Stjörnunnar, Emil Gunnarsson, Halldór Sigurðsson, Jóhann Ingimundarson og Jóhannes Egilsson, kynntu hugmyndir um útfærslu og hentuga staðsetningu strandblakvallar. Vísað til skoðunar hjá tækni-og umhverfissviði.

Tillaga að deiliskipulagi Ásbúðar og Holtsbúðar lögð fram að lokinni forkynningu. Ábendingar sem borist hafa lagðar fram.$line$Lagt fram minnisblað Eflu um hugmynd að hringtorgi við aðkomu að Holtsbúð á móts við gatnamót við Hæðarbyggð.$line$Málinu vísað til frekari skoðunar hjá tækni og umhverfissvið.

Lögð fram tillaga að deiliskipulagi Hliðs á Álftanesi sem unnin er að á vegum Garðabæjar. Gert er ráð fyrir byggingarreitum umhverfis íbúðarhús undir byggingar ætlaðar ferðaþjónustu.$line$Tillögunni vísað til umsagnar umhverfisnefndar og umhverfisstofnunar þar sem að Hlið er friðlýst svæði og Minjastofnunar vegna fornleifa.

Skipulagsstjóri gerði grein fyrir stöðu eignarhalds aðliggjandi lands og stöðu skipulags. Vísað til frekari skoðunar hjá tækni-og umhverfissviði.

Lögð fram tillaga að breytingu deiliskipulags Silfurtúns sem gerir ráð fyrir stækkun skipulagssvæðis til norðurs þar sem gert er ráð fyrir hljóðvörnum meðfram Hafnarfjarðarvegi. Tillagan var í kynningu frá 4.júlí til 22.ágúst á þessu ári. Sjö erindi bárust þar sem gerðar voru athugasemdir við tillöguna undirrituð af 24 eintaklingum. Einn einstaklingur var hlynntur gerð hljóðmana eins og sýnt var á skýringamynd með breytingartillögunni, aðrir voru mótfallnir útfærslunni. Vegagerðin gerði athugasemd við staðsetningu hljóðmanar.$line$Í kjölfar kynningar var skoðað með hvaða hætti útfæra hljóðvarnirnar megi þannig að þær komi til móts við athugasemdir. Sú vinna var í höndum Landlags ehf. Boðað var til fundar með íbúum sem haldinn var 4.nóvember. Á þeim fundi voru kynntar hugmyndir um lægri hljóðmanir og hljóðvegg og þær settar í samhengi við fyrirhugaðar hljóðvarnir neðan Hafnarfjarðarvegar vegna uppbyggingar á Unnargrund. Niðurstaða fundarins var sú að breiðust sátt ríki um gerð hljóðveggs í 2,5 metra yfir veghæð og í 4 m fjarlægð frá vegrönd.$line$Skipulagsnefnd samþykkir breytingu á deiliskipulagi Silfurtúns sem gerir ráð fyrir hljóðvörnum innan þess svæðið sem skilgreint er á uppdrætti sem "hljóðmön/hljóðveggur" í samræmi við 3.mgr.41.gr. Skipulagslaga. $line$Skipulagsnefnd beinir því til bæjarverkfræðings að útfærsla hljóðvarna verði í formi hljóðveggs í 2,5metrum yfir veghæð og sem næst hljóðgjafa. Hugað verði vel að útfærslu græna svæðisins milli hljóðveggjar og Silfurtúns með frekari gróðursetningu, mótun leiksvæða og að hugað verði að skjólmyndun. Þegar að útfærslu gatnamóta Hafnarfjarðarvegar og Vífilsstaðavegar kemur mun Garðabær gera kröfu um að Hafnarfjarðarvegur verði lækkaður eins og kostur er á móts við Silfurtún og hljóðvarnir verði endurskoðaðar með tilliti til þess.