13. fundur

Jóhanna Helgadóttir arkitekt og skipulagsfræðingur hjá Nordic og Berglind Hallgrímsdóttir samgöngusérfræðingur hjá EFLU fóru yfir stöðu verkefnisins og valkosti um næstu skref. Skipulagsnefnd felur umhverfissviði og skipulagsráðgjöfum að halda áfram samtali við hagsmunaaðila á svæðinu og mótun tillögunnar.

Skipulagsstjóri fór yfir þá valkosti sem staðið er frammi fyrir varðandi áframhald vinnu við mótun tillögu að breytingu Aðalskipulags Garðabæjar 2016-2030 sem nær til Norðurness. Vísað til úrvinnslu hjá umhverfissviði og ráðgjöfum.

Skipulagsstjóri fór yfir þá valkosti sem staðið er frammi fyrir varðandi áframhald vinnu við deiliskipulagsgerð Norðurness. Vísað til úrvinnslu hjá umhverfissviði og ráðgjöfum.

Lögð fram drög að tillögu að deiliskipulagi 1. áfanga Vífilsstaða að lokinni forkynningu. Haldinn var kynningarfundur 2.september síðastliðinn sem var vel sóttur.

Ábendingar og umsagnir sem borist hafa innan tilskilins frests lagðar fram.

Vísað til úrvinnslu hjá umhverfissviði og skipulagsráðgjöfum.

Lögð fram umsókn umhverfissviðs um framkvæmdaleyfi fyrir endurnýjun á fráveitulögn í Arnarnesi ásamt hönnunargögnum.

Vísað til nánari skoðunar hjá umhverfissviði.

Lögð fram verklýsing á fyrirhugaðri breytingu á aðalskipulagi Reykjavíkur sem nær til Borgarspítalasvæðis. Varðar uppbyggingu geðsviðs LSH sunnan núverandi spítalabyggingar.

Skipulagsnefnd Garðabæjar gerir ekki athugasemd við verklýsinguna.