24. fundur

Grunnskólafulltrúi sagði frá vel heppnuðum Menntadegi sem haldinn var í Urriðaholtsskóla 1. nóvember sl. Um 500 starfsmenn, frístundaheimila, grunn- og leikskóla sóttu Menntadaginn og nutu glæsilegrar dagskrár. Fríða Bjarney Jónsdóttir flutti fyrirlestur um inngildandi skóla- og frístundastarf, í kjölfarið voru verkefni sem hlotið hafa styrk úr Þróunarsjóði grunnskóla kynnt á málstofum. Boðið var upp á 26 áhugaverðar og fjölbreyttar málstofur. Leik- og grunnskólanefndir veittu metnaðarfullu starfi leik- og grunnskóla viðurkenningar.

Rætt var um að veita viðurkenningar skólanefnda grunnskóla Garðabæjar fyrir framúrskarandi skóla- og frístundastarf í Garðabæ.

Kynnt var dagskrá forvarnvarviku Garðabæjar sem stendur frá 1.-8. nóvember. Áherslan er á "Góð samskipti" og S-in fimm í Samskiptasáttmála Garðabæjar sem eru: Samkennd, seigla, sjálfsstjórn, sjálfstæði og skapandi hugsun.

Kynnt var vinna skólanefndar vegna skoðunar á seinkunar á upphafi skóladags árið 2019 og könnun sem þá var lögð fyrir nemendur og foreldra. Skólanefnd leggur til að lögð verði fyrir ný könnun um málið meðal nemenda, foreldra og skólafólks. Erindinu vísað til fræðslu- og menningarsviðs.

Rætt var um áhersluþætti vegna úthlutunar úr Þróunarsjóði grunnskóla 2025.

Menningarfulltrúi Garðabæjar sagði frá menningarviðburðum sem nemendum í skólum bæjarins verður boðið upp á, skólaárið 2024-2025. Skólanefnd lýsir ánægju sinni með metnaðarfulla dagskrá.

Sviðsstjóri þjónustu og þróunarsviðs og verkefnisstjóri í kennslu- og upplýsingatækni, kynntu m.a., stöðu á úttekt persónuverndar á google umhverfinu, stefnu á tækjamálum og notkun tækja í kennslu.