26. fundur

Sólveig Norðfjörð verkefnisstjóri innleiðingar farsældar kynnti farsældarlögin, stöðu innleiðingar farsældar í Garðabæ og næstu skref.

Helstu áherslur Þróunarsjóðs grunnskóla Garðabæjar ræddar. Til úthlutunar árið 2025 eru 28 milljónir.

Áherslur Þróunarsjóðs grunnskóla 2025 verða:

Fjölbreyttir kennsluhættir og samþætting námsgreina.

Félags, samskipta og vináttuþjálfun með áherslu á samkennd.

Efling verklegra þátta í náttúrufræði á öllum skólastigum.

Námsefnisgerð, nýsköpun og tækni.

Samstarf heimilis og skóla.

Skólasókn; leiðir til að efla áhuga og mætingu nemenda og vinna gegn slakri skólasókn og/eða

skólaforðun.

Einnig er hægt að sækja um styrki til verkefna sem styðja við skólanámskrá og sérstöðu hvers skóla. Við afgreiðslu er m.a. horft til tengingar við fræðasamfélagið og samstarfs milli skóla og skólastiga.

Umsóknir skulu berast fyrir 1. mars og verður þeim svarað fyrir 31. mars.

Lögð fram drög að verkferli

Lögð fram tillaga að útfærslu viðurkenninga fyrir framúrskarandi skólastarf. Tillagan samþykkt og vísað til fræðslu- og menningarsviðs til framkvæmdar

Lögð fram til kynningar tillaga að spurningum sem lagðar vera fyrir forráðafólk, nemendur og starfsfólk í 8.-10. bekk í grunnskólum Garðabæjar. Erindinu var vísað til fræðslusviðs til frekari útfærslu.

Grunnskólafulltrúi fór yfir stöðu á innleiðingar Samskiptasáttmála Garðabæjar. Nú er unnið eftir verkferlum Samskiptasáttmála bæði hvað varðar þjálfun, fræðslu og inngrip ef upp koma samskiptamál.

Lagt fram til kynningar.

Farið var yfir fyrirhugað verkfall KÍ og SÍ í Garðaskóla. Verkfalli sem boðað hafði verið 25. nóvember -20. desember 2024 var frestað til 1. febrúar 2025. Ef ekki tekst að semja fyrir þann tíma munu kennarar í Garðaskóla fara í verkfall fram yfir vetrarleyfi.