25. fundur
25. fundur
Umhverfisnefnd Garðabæjar
í turnherbergi 3. hæð á bæjarskrifstofunum við Garðatorg
10.08.2016
Kl. 17:00 - 19:00
Um fundinn
Nefndarmenn
- Jóna Sæmundsdóttir - formaður
- Halldór Halldórsson - varamaður
- Berglind Birgisdóttir - aðalmaður
- Sveinbjörg Vilhjálmsdóttir - varamaður
- Guðrún Elín Herbertsdóttir - varamaður
Ritari
- Erla Bil Bjarnardóttir
Dagskrá
Málsnúmer 1607119
01
Snyrtilegt umhverfi 2016
Viðurkenningar fyrir snyrtilegt umhverfi 2016 voru veittar í golfskála GKG þann 21. júlí sl. Veittar voru viðurkenningar fyrir snyrtilegar lóðir íbúðarhúsnæðis, fyrirtækis, fyrir opið svæði og snyrtilega götu.
Á afmælisári Garðabæjar er hvatt til þess að bærinn sé snyrtilegur. Vekur umhverfisnefnd athygli íbúa á fræðsluefni á www.gardabaer.is
Málsnúmer 1601605
02
Reglur um auglýsingar utan þéttbýlis
Erindi frá Umhverfisstofnun varðandi óheimilar auglýsingar meðfram vegum og annars staðar utan þéttbýlis.
Lagt fram.
Fylgiskjöl
Málsnúmer 1606494
03
Styrkir úr Orkusjóði
Orkusjóður auglýsir styrki til uppbyggingar á innviðum fyrir rafbíla. Við úthlutun styrkjanna verður sérstök áhersla lögð á eftirfarandi:
Að verkefnið auki aðgengi sem flestra landsmanna að innviðum fyrir hleðslu rafbíla á landsvísu.
Að rekstur þeirra innviða sem umsókn snýr að verði tryggður í a.m.k. 3 ár.
Hvernig staðið verði að upplýsingagjöf til neytenda og opinberra aðila.
Umsóknarfrestur er til 1. október 2016.
Umhverfisstjóra er falið að sækja um styrk til Orkusjóðs með Garðatorg í huga.
Fylgiskjöl
Málsnúmer 1606483
04
Skýrsla um aðgerðir til að draga úr notkun plastpoka
Burðarpokar úr plasti.
Tillögur frá umhverfis- og auðlindaráðuneyti að aðgerðum um hvernig draga megi úr notkun plastpoka.
Gagnleg skýrsla starfshóps sem skipaður var af umhverfis- og auðlindaráðherra verður rýnd og höfð til hliðsjónar við áframhaldandi vinnu í umhverfismálum.
Fylgiskjöl
Málsnúmer 1606408
05
Uppbygging ferðamannastaða
Lögð fram drög að skýrslu um 10 svæði í Garðabæ til nauðsynlegrar uppbyggingar innviða til verndar náttúru- eða menningarminja.
Þetta er greining á uppbyggingarþörf til landsáætlunar um uppbyggingu innviða sem Samband íslenskra sveitarfélaga stendur að.
Umhverfisnefnd líst vel á drögin og vill vinna með þau áfram.
Fylgiskjöl
Málsnúmer 1606484
06
Umsóknir um styrki úr húsfriðunarsjóði
Minjastofnun Íslands auglýsir eftir umsóknum um styrki vegna sérstakrar úthlutunar úr húsafriðunarsjóði til að undirbúa tillögu að verndaráætlun í byggð.
Umsóknarfrestur er til 17. ágúst nk.
Umhverfisnefnd leggur til að sótt verði um styrk vegna Garðahverfis.
Fylgiskjöl
Málsnúmer 1602382
07
Umhverfisvöktun 2016
Niðurstöður frá Heilbrigðiseftirliti vegna mælinga úr Vífilsstaðavatni, Hraunsholtslæk, Arnarneslæk, Urriðavatni og Stórakrókslæk í sýnum teknum 27. júní sl.
Verkefnið er liður í vöktun efnamengunar sem gerð er samkvæmt vöktunaráætlun Garðabæjar 2016 sem þýðir að sýnatökur eru tíðari yfir sumarið en reglubundnar sýnatökur sem viðhafðar eru vor og haust.
Umhverfisnefnd fylgist stöðugt með niðurstöðum mælinga og fylgir þeim eftir.