6 (22-26). fundur

Kristinn Logi frá Klöppum ehf kynnti niðurstöður umhverfisuppgjörs Garðabæjar fyrir árið 2021. Umhverfisnefnd samþykkir uppgjörið en leggur jafnframt áherslu á að uppgjörið sýnir ekki heildarlosun á vegum sveitafélagsins eins og losun frá framræstu landi sem notað er til uppbyggingu.

Linda Björk verkefnastjóri og Ásta Leifsdóttir landvörður greindu frá útikennslu sem fór fram við Vífilsstaðarvatn

Umhverfisnefnd telur mjög mikilvægt að gerð verði rannsókn á lífríki Urriðavatns og Vífilsstaðarvatns.

Umhverfisnefnd Garðabæjar lét rannsaka lífríki Vífilsstaðavatns sumarið 1998 og fiskistofna vatnsins haustið 1999.

Markmiðið með nýjum lífríkjarannsóknum er að meta náttúrulegt og núverandi ástand lífríkjanna í Vífilsstaðavatni og Urriðavatni. Nýjar rannsóknir geta sýnt hvort lífríki Urriðavatns hafi fengið að þróast á eigin forsendum eftir að byggðin í Urriðaholti og Kauptúni reis, og hvort lífríki Vífilsstaðavatns hafi breyst síðan rannsóknirnar voru gerðar 1998 og 1999. Með nýjum rannsóknarniðurstöðum er hægt að rýna núverandi stöðu vatnanna og meta þörfina á úrbótum.

Vöktun á völdum þáttum í vistkerfi Vífilsstaðavatns og Urriðavatns er óaðskiljanlegur hluti af verndun vatnanna til framtíðar. Æskilegt er að fylgjast reglulega með lykilþáttum eins og rennsli, vatnshita, efna- og gerlainnihaldi, vatnagróðri, smádýralífi og fiskistofnum. Í því sambandi má nefna að fiskistofnar beggja vatna hafa sérstöðu í samanburði við aðra stofna sem hafa verið rannsakaðir hérlendis. Í báðum vötnunum er mikið vistfræðilegt samspil á milli urriða og hornsíla, því munu breytingar sem hafa áhrif á aðra tegundina óhjákvæmilega hafa áhrif á hina, og jafnframt samspilið við önnur vistkerfi í vötnunum.

Farið yfir stöðuna á samræmingu sorphirðu á höfuðborgarsvæðinu.

Umhverfisnefnd fór yfir kaflann þar sem ferðamáti í skóla var tekin fyrir og vill leggja áherslu á fræðslu og umræðu um mikilvægi þess að ungmenni eins og börn komi sér með umhverfisvænum hætti í skóla í Garðabæ.

Lagt fram.