18. (2119). fundur

Bæjarráð samþykkir afgreiðslu byggingafulltrúa að veita Hestamýri ehf., kt. 680122-1480, leyfi til að byggja 32 íbúða fjölbýlishús með bílakjallara á lóðinni Hestamýri 2.

Bæjarráð samþykkir afgreiðslu byggingafulltrúa að veita Ágústi Erni Arnarsyni, kt. 150891-2219, leyfi fyrir byggingu staðsteypts einbýlishúss á lóðinni Útholti 14.

Bæjarráð samþykkir afgreiðslu byggingafulltrúa að veita Garðabæ, kt. 570169-6109, leyfi fyrir innanhússbreytingum vegna snyrtingu í aðalhúsi, þar sem bætt er við snyrtingu fyrir fatlaða í fasteigninni Þórukoti.

Húsnæðið er skv. samkomulagi við Garðabæ, nýtt tímabundið sem golfskáli.

Bæjarráð samþykkir að leggja til við bæjarstjórn að samþykkja tillögu skipulagsnefndar, frá fundi 8. maí um breytingu deiliskipulags Ása og Grunda, sem nær til fjölbýlishúsa við Eskiás 6, 7, 8 og 10.

Tillagan gerir ráð fyrir því að hámarksfjöldi íbúða við Eskiás eykst um 22 íbúðir, eða úr 276 í 298.

Einnig að byggingarreitum á lóðunum nr. 7 og 10 verði breytt, þannig að þær íbúðagerðir sem þróaðar hafa verið á svæðinu gangi vel upp á lóðunum. Auk þess gerir tillagan ráð fyrir að hámarskhæðafjöldi hækki úr tveimur í þrjár hæðir á lóðinni nr. 10 og á nyrðri byggingarreit meðfram Eskiási á lóðinni nr. 7.

Samþykkt tillaga skal auglýst í samræmi við 1.mgr. 43.gr. og 41.gr. skipulagslaga nr. 123/2010.

Bæjarráð samþykkir afgreiðslu skipulagsnefndar varðandi erindi Veitna ohf. dags. 26. mars 2024. Í erindinu kemur fram að Veitur geti ekki fallist á að lóð fyrir smádreifistöð til þess að geta afhent rafmagn fyrir hraðhleðslustöðvar Ísorku/Olís a horni Hafnarfjarðarvegar og Vífilstaðavegar, hafi ekki stoð í deiliskipulagi.

Staðsetning dreifistöðvarlóðarinnar er utan deiliskipulagssvæðis Hafnarfjarðarvegar og á svæði sem skilgreint er í deiliskipulagi Ása og Grunda, sem svæði þar sem deiliskipulagi er frestað.

Bensínstöðvarlóðin á sér þannig ekki stoð í deiliskipulagi og því er óhjákvæmilegt að lóð smádreifistöðvar sem tengist umræddri bensínstöðvarlóð hafi sömu stöðu gagnvart skipulagi.

Í afgreiðslu skipulagsnefndar kemur fram að nefndin sýni því skilning að Veitur vinni eftir verklagsreglum en til þess að dreifistöðvarlóðin geti eignast stoð í skipulagi þyrfti bensínstöðin að hafa þá sömu stoð og skipulagsnefnd mælir þannig ekki með því að áætlunum verði breytt hvað það varðar.

Afgreiðslu málsins er frestað.

Lögð fram auglýsing Umhverfis-, orku- og loftlagsráðuneytisins eftir umsóknum um styrki til fráveituframkvæmda, dags. 8. maí 2024.

Skilyrði fyrir styrkveitingu er að fráveituframkvæmdin sé áfangi í heildarlausn á fráveitumálum sveitarfélags í samræmi við áætlun sem hefur hlotið samþykki umhverfis-, orku- og loftslagsráðuneytisins.

Umsóknarfrestur vegna styrkjanna er til 1. júlí 2024.

Málinu er vísað til umhverfissviðs.

Bæjarráð samþykkir að verða við erindi Erik Yngva Brannan, kt. 110106-2380, um greiðslu sumarlauna 2024 vegna undirbúnings og þátttöku á Ólympíuleikunum í efnafræði.

Bæjarráð samþykkir tillögu menningar- og safnanefndar um tilnefningu á bæjarlistamanni Garðabæjar árið 2024. Jafnframt samþykkir bæjarráð tillögu menningar- og safnanefndar um veitingu heiðursviðurkenningar.

Tilnefningarnar verða tilkynntar á menningaruppskeruhátíð föstudaginn 7. júní 2024, kl. 16:00 í Sveinatungu.

Bæjarstjóri gerði grein fyrir vöru- og þjónustukaupum af stærstu birgja á árinu 2023.

Sviðsstjóri Velferðarsviðs fór yfir verkáætlun og starfsemi sviðsins.