Votlendisendurheimt við Urriðavatn

Bæjarstjórn samþykkir tillögu skipulagsnefndar að veita leyfi til framkvæmda við endurheimt votlendis í mýrlendi sunnan Urriðakotsvatn.

Bæjarráð samþykkir að leggja til við bæjarstjórn að samþykkja tillögu skipulagsnefndar að veita leyfi til framkvæmda við endurheimt votlendis í mýrlendi sunnan Urriðakotsvatn.

Afgreiðsla styrkumsónar til Landgræðslunnar vegna endurheimtar votlendis móttekin. Beðið er eftir umsögn Umhverfisstofnunar

Landgræðslan tekur þátt í verkefninu með því að bjóða fram ráðgjöf, vöktun og vinnu við árangursmat.
Þegar framkvæmdaleyfi liggur fyrir hefst undirbúningur að framkvæmdinni.

Lögð fram umsókn bæjarverkfræðings fyrir framkvæmdaleyfi fyrir aðgerðum til endurheimtunar votlendis í mýrlendi sunnan Urriðakotsvatns í samræmi við verklýsingu. Skipulagsnefnd samþykkir veitingu framkvæmdaleyfis í samræmi við 13.gr.Skipulagslaga nr.123.2010.

Undirbúningsfundur varðandi endurheimt votlendis við Urriðavatn var haldinn hjá Toyota í Kauptúni þann 28. mars 2017 þar sem Úlfar Steindórsson forstjóri bauð uppá kynningu á skýrslu sem Toyota fékk VERKÍS til að gera vegna áhuga fyrirtækisins að standa að endurheimt votlendis í nærumhverfi þess við Urriðavatn.

Ákveðið var að hefja undirbúning að samstarfi um endurheimt votlendis sem að stæðu Toyota á Íslandi, Urriðaholt ehf., Byggingarfélag Gunnars og Gylfa ásamt Garðabæ.

Fylgiskjöl

• 07118002-4-SK-0026-endurheimt-Toyota-mVidauka.pdf