Vetrarmýri - sala og úthlutun lóða

Bæjarstjóri gerði grein fyrir mögulegri sölu byggingaréttar á byggingarlóðinni Vetrarbraut 17, sem fram gæti farið samhliða útboðsferli hjúkrunarheimilis að Vetrarbraut 19.

Bæjarráð vísar málinu til frekari skoðunar bæjarstjóra og sviðsstjóra fjármála- og stjórnsýslusviðs.

Á fund bæjarráðs komu Anton Felix Jónsson og Brynjólfur Bjarnason, starfsmenn fyrirtækjaráðgjafar Íslandsbanka og gerðu þau grein fyrir tilboðum sem bárust frá neðangreindum lögaðilum í byggingarrétt lóða í Vetrarmýri

Arnarhvoll hf.

Náttslóð ehf.

D2002 ehf.

Arcus ehf.

Framkvæmdafélagið Arnahvoll á hæsta tilboð í allar lóðir kr. 3.030.850.000

Hæsta tilboð í einstaka reiti.

Reitur 6. Arnarhvoll hf., kr. 1.500.940.000.

Reitur 7. Arnarhvoll hf, kr. 1.529.910.000

Samtals: kr. 3.030.850.000.

Bæjarráð samþykkir að fela bæjarstjóra og fyrirtækjaráðgjöf Íslandsbanka að hefja viðræður og leita samninga við Framkvæmdafélagið Arnarhvoll sem er hæstbjóðandi í báða byggingarreitina.

Úthlutunarreglur vegna sölu og úthlutunar lóða annars áfanga í Vetrarmýri lagðar fram til kynningar.

Á fund bæjarráðs mættu Brynjólfur Bjarnason og Sigurður Gunnar Sigurðsson starfsmenn Íslandsbanka og gerðu grein fyrir kynningargögnum og skilmálum vegna sölu og úthlutun á byggingarrétti lóða annars áfanga í Vetrarmýri, sem auglýstar verða til sölu þann 15. ágúst 2025. Bæjarráð samþykkir að byggingarréttur lóða við Vetrarbraut samkvæmt kynningu verði auglýstur til sölu og úthlutunar.

Bæjarstjóri gerði grein fyrir drögum að kynningu á sölu á byggingarrétta lóða í Vetrarmýri. Um er að ræða tvo reiti með samtals 177 íbúðum, 2.846 fermetra atvinnuhúsnæði og lóðarstærð 9.449 fermetra. Málinu frestað til frekari skoðunar.

Bæjarstjórn samþykkir samninga við Framkvæmdafélagið Arnarhvol um úthlutun lóða í Vetrarmýri, sbr. tilboð í lóðirnar og felur bæjarstjóra undirritun samninganna.

Bæjarráð samþykkir að leggja til við bæjarstjórn að samþykkja samninga við Framkvæmdafélagið Arnarhvol um úthlutun lóða í Vetrarmýri.

Á fund bæjarráðs komu Eyjólfur Berg Axelsson og Íris Káradóttir, starfsmenn fyrirtækjaráðgjafar Íslandsbanka og gerðu þau grein fyrir tilboðum sem bárust frá neðangreindum lögaðilum í byggingarrétt lóða í Vetrarmýri

Þarfaþing ehf.

Framkvæmdafélagið Arnarhvoll ehf.

Klapparholt ehf.

Vetrarfell

Úlfarás ehf

S8 ehf.

Byggingarfélag Gylfa og Gunnars hf.

Flotgólf ehf.

Litluvellir ehf.

Fasti eignarhaldsfélag ehf.

GG verk ehf

Dverghamrar ehf.

ÞG verktakar

Framkvæmdafélagið Arnahvoll á hæsta tilboð í allar lóðir kr. 3.281.897.000

Hæsta tilboð í einstaka reiti.

Reitur 1 Vetrarfell ehf. kr. 831.600.000

Reitur 2 ÞG verktakar ehf. kr. 1.095.000.000

Reitur 3 Vetrarfell ehf. kr. 452.600.000

Reitur 4 ÞG verktakar ehf. kr. 385.000.000

Reitur 5 Vetrarfell ehf. kr. 564.800.000

Samtals: kr. 3.329.000.000

Bæjarráð samþykkir að fela bæjarstjóra og fyrirtækjaráðgjöf Íslandsbanka að hefja viðræður og leita samninga við Framkvæmdafélagið Arnarhvoll sem er hæstbjóðandi samtals í alla reiti.

Fylgiskjöl

• Fundargerd_vetrarmyri_tilbod.pdf

Á fund bæjarráðs mættu Eyjólfur Berg Axelsson og Anton Felix Jónsson starfsmenn Íslandsbanka og gerðu grein fyrir kynningargögnum og skilmálum vegna sölu og úthlutun á byggingarrétti lóða í Vetrarmýri.

Bæjarráð samþykkir að byggingarréttur lóða við Vetrarbraut samkvæmt kynningu verði auglýstur til sölu og úthlutunar samkvæmt fyrirliggjandi úthlutunarskilmálum.

Á fjarfundi undir þessum dagskrárlið voru bæjarfulltrúarnir Björg Fenger, Gunnar Valur Gíslason og Jóna Sæmundsdóttir.