21. fundur

Farið yfir hvernig til tókst.

Greint var frá hvernig til tókst með þátttöku safna og Álftaneslaugar á Safnanótt og Sundlauganótt á Vetrahátíð sem fór fram í byrjun febrúar. Ágætis aðsókn var í söfnin á Safnanótt og mikil ánægja var með opið hús í Bessastaðastofu, Bessastaðakirkju og fornleifakjallarann á Bessastöðum en yfir 1200 manns lögðu leið sína þangað. Mikil ánægja var einnig á meðal gesta sem sóttu Álftaneslaug heim á Sundlauganótt. Umhverfi sundlaugarinnar var lýst upp skemmtilega og vakti það athygli víðs vegar um nesið. Einnig voru byggingar í Garðabæ lýstar upp á meðan á Vetrarhátíðinni stóð, ráðhústurninn á Garðatorgi, Bessastaðakirkja og Bessastaðastofa.

Umræður um framkvæmd fyrir næsta ár og áherslur varðandi fyrirkomulag og mögulegar samgöngur innanbæjar og víðar á meðan á safnanóttinni stendur.

Farið yfir hvernig til tókst.

Kvennakór Garðabæjar stendur árlega fyrir menningarkvöldi í Garðabæ, ýmist sem haustvaka, góugleði eða eins og að þessu sinni sem þorravaka. Þorravaka kórsins var haldin fimmtudagskvöldið 16. febrúar 2017 í Kirkjuhvoli, safnaðarheimili Vídalínskirkju. Auk kvennakórsins tóku góðir gestir úr Garðabæ þátt í menningardagskránni, þau Guðmundur Andri Thorsson rithöfundur, Andrea Magnúsdóttir fatahönnuður og bæjarlistamaður Garðabæjar og Arnar Númi Sigurðarson, gítarnemandi úr Tónlistarskóla Garðabæjar. Þorravakan er hluti af samstarfssamningi Garðabæjar við kórinn.

Bréf kennslustjóra á fata- og textílhönnunarbraut FG, dags. 12. janúar 2017, um styrk f.h. nemenda vegna tískusýningar lokaáfanga fata- og textílhönnunarbrautar vorið 2017.

Lagt var fram erindi, dags. 12. janúar 2017, frá kennslustjóra á fata- og textílhönnunarbraut Fjölbrautaskólans í Garðabæ, f.h. nemenda, um styrk vegna lokasýningar nemenda.



Menningar- og safnanefnd samþykkir að veita fjárstyrk að fjárhæð kr. 100.000 til að standa straum af kostnaði við sýninguna. Nefndin mælist til þess að tískusýningin verði kynnt á meðal Garðbæinga.

Bréf Brynhildar Auðbjargardóttur, f.h. Gunnars Kvarans og Töframátt tónlistar, dags. 7. febrúar, um styrk vegna tónleikaraðarinnar Töframáttur tónlistar. Erindið var tekið fyrir í bæjarráði og vísað til umfjöllunar menningar- og safnanefndar.

Tekið var til afgreiðslu bréf Brynhildar Auðbjargardóttur, f.h. Gunnars Kvarans listræns stjórnanda, dags. 7. febrúar 2017, um styrkbeiðni vegna Töframáttar tónlistar. Bréfið var tekið fyrir í bæjarráði Garðabæjar, 14. febrúar sl. og vísað til afgreiðslu menningar- og safnanefndar.

Menningar- og safnanefnd samþykkir að styrkja verkefnið Töframátt tónlistar með fjárhæð kr. 100.000 vegna samfélagslegs gildis verkefnisins og mælist til þess að verkefnið verði kynnt fyrir þeim stofnunum/félögum sem við á í Garðabæ.

Farið yfir drög að dagskrá.

Fyrir fundinum lágu drög að dagskrá Jazzhátíðar Garðabæjar sem verður haldin dagana 20.-22. apríl nk. Áfram verður unnið að undirbúningi jazzhátíðarinnar.

Umræður voru um dagskrá jazzhátíðar 2017 og um fyrirkomulag og undirbúning jazzhátíðar og annarra menningarviðburða í bænum í framtíðinni

Farið yfir drög að auglýsingu og reglur.

Farið var yfir reglur vegna hvatningarsjóðs ungra listamanna og drög að auglýsingu sem verður sett á vef Garðabæjar og birt í Garðapóstinum. Auk þess verður auglýsing send til Fjölbrautaskólans í Garðabæ, Tónlistarskóla Garðabæjar og Listaháskóla Íslands.

Farið yfir drög að auglýsingu og reglur.

Farið var yfir reglur vegna útnefningar bæjarlistamanns og drög að auglýsingu. Eins og síðustu ár verður stefnt að tilkynningu um val á bæjarlistamanni á menningaruppskeruhátíð í maí.

Farið yfir næstu skef.

Greint var frá hugmyndum um að koma á fundi fljótlega með hagsmunaðilum við Garðatorg til að ræða um hvernig megi efla menningarstarfsemi í miðbænum, t.d. með samstarfi um einhvers konar menningarhátíð eða viðburðum í miðbæ Garðabæjar.

Íbúakönnun Gallup sem mælir viðhorf íbúa í 19 stærstu sveitarfélögum landsins tekin fyrir. Bæjarráð vísaði könnuninni til kynningar í nefndum bæjarins.

Lögð var fram til kynningar könnun Gallup þar sem viðhorf íbúa til þjónustu í 19 stærstu sveitarfélögum landsins er mælt. Farið var yfir helstu þætti könnunarinnar.

Einnig var greint frá því að bæjarráð hafi samþykkt að setja á fót rýnihópa til að greina frekar niðurstöður í einstaka málaflokkum.

Auglýst verður eftir nýjum forstöðumanni Hönnunarsafns Íslands á næstu dögum. Harpa Þórsdóttir núverandi forstöðumaður safnsins hefur verið skipuð safnstjóri Listasafns Íslands til næstu fimm ára frá og með 1. mars sl.

Menningar- og safnanefnd Garðabæjar færir Hörpu Þórsdóttur bestu þakkir fyrir vel unnin störf við uppbyggingu starfsemi Hönnunarsafns Íslands á undanförnum árum og óskar henni velfarnaðar í nýju starfi.