27. fundur

Fyrri umræða um fjárhagsáætlun fór fram í bæjarstjórn 2. nóvember sl. Síðari umræða er fyrirhuguð í bæjarstjórn 7. desember nk. Umræður voru um ramma fyrir menningarmálin.

Farið yfir hvernig til tókst með Þriðjudagsklassík á haustönn 2017. Rætt um áframhald á næsta ári.

Tónleikaröðin Þriðjudagsklassík var haldin fimmta árið í röð á vegum menningar- og safnanefndar í sal Tónlistarskóla Garðabæjar. Tónleikaröðin var nú haldin í fyrsta sinn að hausti til þegar þrennir tónleikar fóru fram. Ágætis aðsókn var á alla tónleikana og fór aðsókn vaxandi með hverjum tónleikum. Ánægjulegt var að sjá að nemendur úr Tónlistarskóla Garðabæjar nýttu sér boð um að fara á tónleikana.

Umræður voru um framhald tónleikaraðarinnar haustið 2018.

Farið yfir hvernig til tókst.

Tónlistarveisla í skammdeginu var haldin í fimmtánda sinn á Garðatorgi 9. nóvember sl. Hljómsveitin Moses Hightower steig þar á svið við góðar undirtektir tónleikagesta. Sama kvöld var haustsýning Grósku í Gróskusalnum opnuð, Hönnunarsafn Íslands var með opið lengur sem og ýmsar verslanir á torginu.

Dagskrá í Garðabæ á aðventu, verkefni næsta árs, Jazzhátíð, Listadagar barna og ungmenna, listaverk í eigu bæjarins o.fl.

Gert er ráð fyrir að kynna dagskrá í Garðabæ á aðventu með umfjöllun og/eða auglýsingu í Garðapóstinum þar sem helstu tónleikar og aðrir menningarviðburðir verða kynntir. Einnig með umfjöllun á vef Garðabæjar og fésbókarsíðu.

Umræður voru um verkefni næsta árs en þar má nefna árlega Jazzhátíð í lok apríl og Listadaga barna og ungmenna sem verða haldnir síðustu vikuna í apríl.

Fara þarf yfir og endurbæta skráningu á listaverkum í eigu bæjarins og skoða um leið með hvaða hætti hægt sé að gera listaverkasafn bæjarins aðgengilegra almenningi. Upplýsinga- og menningarfulltrúa falið að skoða þetta nánar fyrir næsta fund.

Formaður greindi frá fundi sínum og upplýsinga- og menningarfulltrúa með fulltrúa fyrirtækisins Gagarín þann 18. október sl. um minjagarðinn á Hofsstöðum. Minnisblað frá Gagarín, dags. 18.10.2017, með tillögu að 1. áfanga eða sk. hönnunarfasa í að endurhanna margmiðlunarefnið á Hofsstöðum og koma með heildarhugmynd að minjagarðinum lagt fram.

Umræður voru um málið og upplýsinga- og menningarfulltrúa falið að ræða áfram við Gagarín fram að næsta fundi þar sem tillögur Gagarín að vinnu við hönnunarfasa yrðu kynntar.

Vetrarhátíð verður haldin dagana 1.-4. febrúar 2018 og innan hennar er Safnanótt föstudagskvöldið 2. febrúar og Sundlauganótt laugardagskvöldið 3. febrúar. Undanfarin ár hafa sveitarfélög á höfuðborgarsvæðinu tekið þátt á báðum þessum kvöldum sem og í fyrra þegar ýmsar byggingar í sveitarfélögunum voru upplýstar sérstaklega í tilefni af Vetrarhátíð. Hönnunarsafn Íslands og Bókasafn Garðabæjar eru þegar byrjuð að huga að undirbúningi dagskrár en einnig er gert ráð fyrir opnun í Króki á Safnanótt. Einnig verður boðið upp á dagskrá í Álftaneslaug á sundlauganótt.