34. fundur

Menningarfulltrúi kynnti nýútkomna haustdagskrá menningarmála í Garðabæ. Dagskráin inniheldur m.a. viðburði og sýningar Hönnunarsafns Íslands, Bókasafns Garðabæjar. Auk þess er þar sagt frá viðburðum verkefnisins „Við langeldinn/Við eldhúsborðið“ sem styrkt er af Barnamenningarsjóði og fer fram tvisvar sinnum í mánuði. Þá er dagskrá hádegistónleikaraðarinnar Tónlistarnæring kynnt. Haustdagskráin var borin á öll heimili í Garðabæ og er aðgengileg á vef Garðabæjar og í pappírsformi á söfnum og í þjónustuveri bæjarins.

Fylgiskjöl

• haustdagskrá menningarmála 21.pdf

Menningarfulltrúi sagði frá hvernig tókst til með sumardagskrá sem sumarstarfsmenn sáu um en smiðjur fyrir börn fóru fram tvisvar sinnum í viku í Hönnunarsafninu, einnig sáu sumarstarfsmenn um sumarsunnudagaskóla í ágúst. Kirkjukaffi að loknum sumarmessum í Garðakirkju var í hlöðunni í Króki og var mikil ánægja með samstarfið. Þá vann sumarstarfsmaður með Gagarín að handritsgerð og öflun gagna vegna Hofsstaðagarðsverkefnisins.

Fylgiskjöl

• Menningarmál sumarið 21

Menningarfulltrúi kynnti ljósmyndaseríuna Umhverfing eftir Pétur Thomsen. Samþykkt var einróma að festa kaup á völdum verkum úr seríunni og finna verkunum viðeigandi stað. Menningarfulltrúa var falið að ræða við listamanninn.

Fylgiskjöl

• Úr ljósmyndaseríu úr Garðabæ eftir Pétur THomsen

Samþykkt að veita 400.000 kr. styrk til Söngleiksins Pálmar sem tvær ungar stúlkur úr Garðabæ hafa samið og verður settur upp í Fjölbrautaskóla Garðabæjar í lok september. Um mjög metnaðarfullt verkefni er að ræða og einróma álit menningar- og safnanefndar að styrkja þessar ungu og efnilegu tónlistarkonur vegna þess. Nefndin leggur áherslu á að viðburðurinn verði kynntur vel fyrir íbúum bæjarins áður en söngleikurinn verður fluttur í sal fjölbrautaskólans.

Fylgiskjöl

• Söngleikurinn Pálmar- ungt afrekstónlistarfólk
• Umsókn um styrk til Garðabæjar- söngleikurinn Pálmar.pdf

Forsvarsmenn tónlistarhátíðarinnar óskuðu á vordögum eftir samtali við Garðabæ um að kanna möguleikann á að hátíðin verði haldin á Vífilsstaðatúni og í nærumhverfi þess frá árinu 2022 en hátíðin hefur til þessa verið haldin í Laugardal í Reykjavík. Bæjarráð sendi málið til umfjöllunar í menningar- og safnanefnd og íþrótta- og tómstundaráði.

Menningarfulltrúi hefur skoðað málið ásamt íþrótta- tómstunda- og forvarnafulltrúa Garðabæjar og forstöðumanni fræðslu- og menningarsviðs bæjarins og rakti menningarfulltrúi niðurstöðu þeirrar skoðunar. Fyrir liggja mikil áform um framkvæmdir í Hnoðraholti, í Vetrarmýri og á öðrum svæðum í landi Vífilsstaða á næstu árum, m.a. við uppbyggingu íbúðarbyggðar og atvinnulóða auk þess sem leikskóli er staðsettur upp af Vífilsstaðatúni og annar í byggingu. Með vísan til þessara áforma um miklar framkvæmdir á þessu svæði telur menningar- og safnanefnd að Vífilsstaðatún og nærumhverfi sé ekki heppilegur vettvangur fyrir hina árlegu tónlistarhátíð Secret Solstice.

Menningarfulltrúi greindi frá stöðu undirbúnings stórtónleika í tilefni af vígslu fjölnota íþróttahúss í Vetrarmýri vorið 2022.

Menningarfulltrúa var falið að taka saman fyrir næsta fund yfirlit yfir fyrirhugaða menningardagskrá í Garðabæ í tilefni af vígslu fjölnota íþróttahússins, þ.m.t. varðandi tónleikana sem rætt hefur verið um að verði haldnir í maí 2022. Skoða þarf sérstaklega hvaða áhrif hugsanlegar samkomutakmarkanir í þjóðfélaginu vorið 2022 vegna yfirstandandi heimsfaraldurs geta haft á tónleikaáformin.

Á næsta fundi nefndar mun Hringur Jóhannesson hjá Gagarín kynna stöðu verkefnisins.

a) Málefni húsnæðis Bókasafns Garðabæjar

Rætt um húsnæðismál Bókasafns Garðabæjar.

Fylgiskjöl

• Ósýnilegt bókasafn í Garðabæ