37. fundur

Fyrir liggur erindi dags. 7. desember 2021 frá framkvæmdastjóra Héðins HF þar sem lagt er til að listaverk eftir Pétur Bjarnason sem staðsett er í Búðakinn við Reykjanesbraut og heitir Samspil verði fundinn nýr staður. Verkið var staðsett þarna á sínum tíma þar sem það var vel sýnilegt vegfarendum en nú hefur götumynd breyst og hljóðmön skyggir á verkið. Héðinn hf. gaf Garðabæ verkið í tilefni af stórafmæli fyrirtækisins á sínum tíma.

Menningarfulltrúa falið að ræða við bréfritara og leggja í kjölfarið fram mótaða tillögu í málinu á næsta fundi. Leitast verði við að finna listaverkinu nýjan stað þannig að sem flestir geti notið þessa fallega verks.

Fylgiskjöl

• Ósk um tilfærslu á listaverki eftir Pétur Bjarnason

Fyrir fundinum lá tillaga menningarfulltrúa að endurskoðun regla um Hvatningarsjóð fyrir unga listamenn í Garðabæ þannig að reglurnar nái einnig til ungra hönnuða.

Menningarfulltrúa var falið að kynna tillöguna fyrir forstöðumanni Hönnunarsafns Íslands og ungmennaráði bæjarins. Í kjölfarið verður tillagan tekin til afgreiðslu í menningar- og safnanefnd.

Fylgiskjöl

• hvatningarsjóður, endurskoðun á reglum.docx

Fyrir fundinum lá tillaga Hrannars Braga Eyjólfssonar um minjasafn Garðabæjar og varðveislu skjala og ljósmynda.

Tillagan var lögð fram og vísað til frekari umræðu menningar- og safnanefndar. Menningarfulltrúa falið að kanna lagagrundvöll málsins og skoða nánari möguleika og kostnað við tillöguna.

Fylgiskjöl

• Tillaga fyrir næsta fund

Menningarfulltrúi kynnti dagskrá vorannar 2022 og sagði frá breytingum á dagskrá í upphafi árs vegna covid 19 - samkomutakmarkana. Meðal annars eru nokkur myndbönd í farvatninu þar sem viðkomandi viðburðum hefur verið frestað.

Fylgiskjöl

• Menningardagskrá vetur og vor 2022
• Breyting á menningardagskrá í upphafi árs 2022

Menningarfulltrúi sagði frá dagskrá sem fyrirhuguð er á vorönn 2022 fyrir skólahópa. Ýmsar breytingar hefur þurft að gera á kynntri dagskrá í vetur vegna covid19 - samkomutakmarkana og ýmsar breytingar eru í vinnslu nú á vorönn vegna fyrirliggjandi takmarkana. Áfram er stefnt er að fjölbreyttri Barnamenningarhátíð í Garðabæ 4.- 9. apríl.

Fylgiskjöl

• Áætluð dagskrá fyrir skólahópa á vorönn 2022

Skipasmíðastöðin Stálvík var stofnuð í Garðabæ 1961. Ýmislegt efni tengt fyrirtækinu er að finna í III. bindi Sögu Garðabæjar. Þegar mest lét störfuðu um 200 manns hjá fyrirtækinu og þar voru smíðuð yfir 50 stálskip, þar af 12 skuttogarar og mikil aflaskip á Íslandsmiðum.

Formaður hefur fengið senda hugmynd frá íbúa í Garðabæ um hvernig minnast megi Jóns Sveinssonar, frumkvöðuls og hugsjónamanns og hinnar merku sögu Stálvíkur í Garðabæ.

Vísað til menningarfulltrúa til áframhaldandi vinnslu.

Fylgiskjöl

• Jón Sveinsson og Stálvík

Samþykkt að auglýst verði í byrjun febrúar eftir ábendingum um bæjarlistamann Garðabæjar 2022.