7. fundur

Lögð fram tillaga að deiliskipulagi Urriðaholts Austurhluta að lokinn forkynningu. Kynningarfundur var haldinn í Urriðaholtsskóla þann 3.apríl sem var vel sóttur. 10 erindi bárust með ábendingum sem deiliskipulagsráðgjafar hafa unnið úr. Helstu ábengingar sneru að umferð um Hraungötu og Kinnargötu, útfærslu á tengingu Holtsvegar við Flóttamannaveg og um öryggi vegfarenda og umferðarmerkingar.

Lagt fram erindi frá Urriðaholti ehf þar sem lagt er til með hvaða hætti megi bregðast við ábendingum. Lagt fram minnisblað frá Viaplan dags 25.4.2018 um umferð um Kinnargötu og Hraungötu.

Skipulagsnefnd fellst á þær breytingar sem deiliskipuagsráðgjafar og Urriðaholt ehf leggja til. Ráðgjafar mæla ekki með því að Kinnargata og Hraungata verði gerðar að botnlangagötum enda byggir meginhugmynd gatnakerfisins í Urriðaholt á dreifingu umferðar. Þó er ekki gert ráð fyrir að opna gegnumstreymisumferð um Kinnargötu og Hraungötu fyrr en uppbyggingu er lokið í Austurhluta. Auk þess hafa ýmsar minniháttar breytingar verið gerðar frá forkynntri tillögu í kjölfar nánari skoðunar og úrvinnslu. Lagt er til að almenningsgarðurinn verði nefndur Miðgarður.

Tillagan gerir ráð fyrir íbúðarbyggð í góðu samræmi við rammaskipulag Urriðaholts. Gert verður ráð fyrir 493 íbúðareiningum í blandaðri byggð húsgerða sem skiptast í 398 einingar í fjölbýli, 66 einingar í raðhúsum, 22 einingar í parhúsum og 7 í einbýlishúsum.

Skipulagsnefnd vísar deiliskipulagstillögunni til auglýsingar samkvæmt 1.mgr.41.gr.Skipulagslaga nr.123/2010.

Lögð fram tillaga að verkefnislýsingu að 1.breytingu Aðalskipulags Garðabæjar 2016-2030. Lagt er til að breytingin felist í að unnið verði með skipulagsbreytingu sem nær til Vífilsstaðalands sem rammahluta aðalskipulagsins. Deiliskipulagsáætlanir verði í kjölfarið unnar í fleiri áföngum. Byggt verður á áherslum aðalskipulagsins og vinningstillögu úr rammaskipulagssamkeppni sem fram fór á síðasta ári.

Skipulagsnefnd samþykkir lýsinguna í samræmi við 1.mgr.30.gr. Skipulagslaga nr.123/2010 og felur tækni-og umhverfissviði að kynna lýsinguna almenningi og afla lögbundinna umsagna.

Lögð fram tillaga að breytingu deiliskipulags Hnoðraholts og Vetrarmýrar. Tillagan gerir ráð fyrir íþróttamannvirkjum sem staðsett verða nyrst og vestast í Vetrarmýri.

A. Fjölnota íþróttahús með rými fyrir knattspyrnuvöll í fullri stærð auk upphitunaraðstöðu í plani við hann.

B. Tengi- og þjónustubygging sem getur tengt saman þau íþróttamannvirki.

C. Íþróttahús (parkethús) sem rúmar 2 samliggjandi löglega handknattleiksvelli og þ.a.l. 2 körfuboltavelli, ásamt áhorfendasvæðum.

D. Óskilgreint íþróttamannvirki, t.d. sundlaug, skautahöll eða tennishöll.

Markmið deiliskipulagsbreytingarinnar eru:

a) Að skapa umgjörð um raunhæfa og framsýna lausn á íþróttasvæði í góðum tengslum við byggð og samgöngur.

b) Að helstu rými Íþróttamannvirkjanna njóti dagsbirtu í eins ríkum mæli og aðstæður leyfa.

c) Að hafa umhverfismál og sjálfbærni að leiðarljósi.

d) Að skapa öruggt og líflegt almenningsumhverfi, m.a. með opnum og lifandi jarðhæðum þar sem því verður við komið.

e) Að móta skjólsæl rými.

f) Að byggja upp öruggt umferðarkerfi þar sem sérstök áhersla er lögð á liðugt flæði gangandi og hjólandi umferðar og tengingar við nærliggjandi svæði.

Skipulagsnefnd vísar tillögunni til auglýsingar í samræmi við 1.mgr.43.gr.Skipulagslaga nr.123/2010.

Lögð fram tillaga að breytingu deiliskipulags Hliðs sem gerir ráð fyrir því að byggingarreitur fyrir gistihús færist til innan lóðar að lokinni auglýsingu.

Skipulagstjóri gerir grein fyrir samráði við Umhverfisstofnun vegna tillögunnar.

Skipulagsnefnd samþykkir tillöguna í samræmi við 3.mgr.41.gr.Skipulagslaga.

Skipulagsstjóri gerir grein fyrir samráðsfundum við Umhverfisstofnun og vettvangskönnun starfmanna tækni og umhverfissviðs. Skipulagsnefnd leggur áherslu á að framkvæmdaaðili sé í góðu samráði við Umhverfisstofnun þegar framkvæmdir eru fyrirhugaðar innan friðlandsins eða á mörkum þess.

Skipulagsnefnd leggur til að skoðaðar verði hugsanlegar breytingar á friðlandinu þannig að það verði stækkað sem nemur svæði austast þar sem áður voru fyrirhuguð íbúðarhús.

Sólskáli fer út fyrir byggingarreit.

Lögð fram tillaga að breytingu deiliskipulags sem gerir ráð fyrir stækkun bygginarreits fyrir 24,6 fermetra sólskála út frá íbúð 0102 á jarðhæð.

Skipulagsnefnd hafnar tillögunni þar sem að það er mat nefndarinnar að hún skerði útlit fjölbýlishússins og sé fordæmisgefandi fyrir sambærilegar tillögur í fjölbýlishúsum í hverfinu.

Lögð fram umsókn um byggingarleyfi að breytingu einbýlishússins að Engimýri 7 að lokinni grenndarkynningu í samræmi við 44.gr. Skipulagslaga nr.123/2010. Engar athugsemdir bárust. Skipulagsnefnd gerir ekki athugasemd við að byggingarleyfi sé veitt.