15. fundur

Lögð fram tillaga að breytingu Aðalskipulags Garðabæjar 2016-2030 sem nær til stígakerfis í 4. kafla greinargerðarinnar að lokinni auglýsingu ásamt þeim athugasemdum og umsögnum sem borist hafa. Lögð fram greinargerð með tillögum að viðbrögðum og svörum við innsendum athugasemdum og umsögnum. Hrönn Hafliðadóttir verkefnisstjóri á umhverfissviði og Þráinn Hauksson frá Landslagi ehf gerðu grein fyrir tillögum að viðbrögðum og svörum.

Vísað til úrvinnslu hjá umhverfissviði.

Lögð fram tillaga að breytingu Aðalskipulags Garðabæjar 2016-2030 sem nær til Norðurness á Álftanesi og mótuð hefur verið með hliðsjón af þeim ábendingum og umsögnum sem borist hafa í forkynningu tillögunnar sem fór fram í byrjun árs. Tillagan hlaut forkynningu samhliða tillögu að deiliskipulagi Norðurness sem nær til sama svæðis. Aðalskipulagsráðgjafi er Árni Ólafsson arkitekt hjá Teikna-Teiknistofu arkitekta. Tillagan er sett fram á einu blaði í A2 broti og á honum eru breytingaruppdrættir, greinargerð og umhverfismat.

Sú breyting hefur verið gerð frá forkynntri tillögu að landnotkunarreitur við Eyvindarholt, 1.11 Vþ minnkar úr 1,3 ha í 0,3 ha þar sem ekki er lengur gert ráð fyrir golfskála norðaustan Eyvindarholts né stækkunarmöguleika á gistihúsi á Eyvindarholti 1 yfir á land Eyvindarholts 2. Golfskáli verður inni á Íþ 1.07 og lega hans skilgreind í deiliskipulagi.

Helstu breytingar tillögunnar frá gildandi aðalskipulagi eru eftirfarandi:

- Útivistarstígur og reiðstígur norðan Bessastaða við suðurbakka Bessastaðatjarnar breyta um legu og tengingar.

- Íþróttasvæði 1.07 Íþ(golfvöllur) stækkar, breytir um lögun og við það bætast nýir reitir austan Eyvindarholts og austan Kasthúsatjarnar.

- Íþróttasvæði 1.02 Íþ (hesthúsabyggð) á Eyri er fellt út.

- Íbúðarbyggð 1.05, 1.06 Íb og 1.10 Íb stækka og breyta lögun.

- Íbúðarbyggð bætist við vestan Blikastígs, 1.36 Íb

- Íbúðarbyggð verður felld út umhverfis Eyvindarholt og Breiðabólstaði og Grund.

- Svæði fyrir verslun og þjónustu verður umhverfis Breiðabólstaði og Grund. Ekki verður þó heimilt að reka þar veitingahús.

- Svæði fyrir verslun og þjónustu verður umhverfis fyrrverandi útihús austan Breiðabólstaðatjarnar og kallast Hlaðan.

- Svæði fyrir verslun og þjónustu verður á landi Eyvindarholts 1.

- Hverfisvernd við Bessastaðatjörn breytir um lögun, minnkar norðan við tjörnina en stækkar á Eyri.

- Hverfisvernd við Kasthúsatjörn stækkar.

- Hverfisvernd við Breiðabólstaðatjörn stækkar og nær einnig til Breiðabólstaðatúns.

- Svæði fyrir iðnað 1.41 I verður staðsett norðan landnotkunarreit fyrir hafnarsvæði vegna fyrirhugaðrar dælustöðvar fráveitu.

- Innan hverfisverndar verða ákvæði um gerð sjóvarnargarða og fráveitulagnar sem og gerð nýrra tjarna og hólma til eflingar fuglalífs.

- Umfjöllun í kafla 3.3.3 í greinargerð aðalskipulagsins um skilgreind byggingarsvæði og íbúðafjölda breytist og gerir ráð fyrir hámarksfjölda íbúða á Álftanesi allt að 1.400 í stað 1.100.

Skipulagsnefnd vísar tillögu aðalskiplagsbreytingar til auglýsingar í samræmi við 31. gr. skipulagslaga nr. 123/2010 og skal senda hana til athugunar hjá Húsnæðis-, mannvirkja- og skipulagsstofnun í samræmi við 3. mgr. 30. gr. sömu laga.

Tillagan skal auglýst samhliða tillögu að deiliskipulagi Norðurness.

Lögð fram tillaga að deiliskipulagi Norðurness á Álftanesi. Gert grein fyrir þeim atriðum sem mótuð hafa verið í tillögunni með hliðsjón af þeim ábendingum og umsögnum sem borist hafa í tillöguna á forkynningarstigi.

Tillögu vísað til áframhaldandi vinnslu hjá ráðgjöfum og umhverfissviði.

Lögð fram tillaga að breyttum eignamörkum bæjartorfunnar að Sviðholti. Tillagan er fram komin í tengslum við merkjalýsingarferli sem unnið er að af landeigendum í samráði við umhverfissvið Garðabæjar.

Skipulagsnefnd samþykkir tillöguna í samræmi við 1. mgr. 48. gr. skipulagslaga nr. 123/2010.

Lögð fram tillaga að deiliskipulagi Hafnarfjarðarvegar frá Lyngási í Engidal að lokinni auglýsingu ásamt þeim athugasemdum og umsögnum sem borist hafa. Vísað til úrvinnslu hjá umhverfissviði og ráðgjöfum.

Lögð fram tillaga að breytingu deiliskipulags Miðbæjar, svæðis I og II að lokinni auglýsingu og skoðun.

Vísað til frekari úrvinnslu hjá umhverfissviði og ráðgjöfum.

Lögð fram tillaga að endurskoðuðu deiliskipulagi Móa að lokinni auglýsingu og skoðun.

Vísað til frekari úrvinnslu hjá umhverfissviði og ráðgjöfum.

Skipulagsstjóri leggur fram tillögu að skipulagsverkefni sem felst í mótun deiliskipulags fyrir Kot og Gesthúsasvæði á Álftanesi. Skipulagssvæðið nær til íbúðarbyggðar við Hákotsvör, Gesthúsavör, Mýrarkot, Gerðakot, Þóroddarkot og Efstakot auk lands umhverfis Bjarnastaði og Gesthúss og opins svæðis við Sandskarð. Ekkert deiliskipulag telst í gildi innan svæðisins. Markmiðið er það sama og verið hefur á undangengnum árum að innan byggðar í Garðabæjar sé í gildi deiliskipulag í samræmi við þær kröfur sem gerðar eru í dag.

Skipulagsnefnd samþykkir tillögu skipulagsstjóra um að móta deiliskipulag fyrir svæðið.

Lögð fram tillaga að breytingu deiliskipulags Miðskóga sem nær til lóðanna Hliðsvegar 5 (Sólbarð) og Hliðsvegar 7. Lóð númer 7 er óbyggð og hefur nýverið verið afmörkuð með merkjalýsingu. Samkvæmt drögum að deiliskipulagi hefur Höfðabraut verið nefnd Hliðsvegur frá Suðurnesvegi að Hliði og er stuðst við það heiti hér. Endanleg ákvörðum um heiti götunnar verður tekið í deiliskipulagsferli.

Heimilt er að reisa einbýlishús á lóðunum með nýtingarhlutfall 0.35, vegghæð 3 m og rishæð 5,7 sem er ein hæð og ris. Skilgreining nýtingarhlutfalls, hæðar og húsgerðar er til samræmis við hús í nágrenninu.

Skipulagsnefnd vísar tillögunni til auglýsingar í samræmi við 41. gr. skipulagslaga nr. 123/2010. Senda skal dreifibréf í aðliggjandi hús við Miðskóga, Hlein, Hof, Gerði og Sólbarð til að vekja athygli á auglýsingunni.

Lögð fram tillaga að breytingu deiliskipulags Vetrarmýrar sem nær til lóðarinnar Vetrarbraut 11-13. Breytingin gerir ráð fyrir því að lóðinni verður skipt upp í tvær lóðir og byggingum er breytt þannig að þær eru áþekkar breytingum á deiliskipulaginu frá 2024. Umfang byggingarreits bílakjallara er stækkað. Spennistöð sem er á lóðinni er færð inn í bygginguna á nr. 13 sem spennistöð í byggingum annarra samkvæmt skipulagsskilmálum. Bílastæði á landi eru möguleg innan lóðar á nr. 13. Byggingarreitur fyrir Vetrarmýri 13 færist fjær Reykjanesbraut.

Umfang byggingarreits bílakjallara á lóðinni nr. 15 er breytt.

Botnlangagata út úr Vetrarbraut sem þjónar lóðum nr. 1-3, 5, 7 og 9 er breytt þannig að koma megi fyrir bílastæðum þvert á götu (90°). Við það færast gangstéttar inn á lóðir með þeim kröfum sem deiliskipulagið gerir í sambærilegum tilfellum.

Skipulagsnefnd vísar tillögunni til auglýsingar í samræmi við 41. gr. skipulagslaga nr. 123/2010.

Lögð fram tillaga að breytingu deiliskipulags Urriðaholts vesturhluta sem nær til lóðarinnar Víkurgata 29. Tillagan gerir ráð fyrir að afmarkaður sé byggingarreitur fyrir inngrafna geymslu norðan við núverandi byggingarreit.

Skipulagsnefnd metur tillöguna sem óverulega breytingu deiliskipulags Urriðaholts vesturhluta í samræmi við 2. mgr. 43. gr. skipulagslaga nr. 123/2010 og vísar henni til grenndarkynningar í samræmi við 44. gr. sömu laga.

Grenndarkynna skal eigendum Víkurgötu 20, 22 og 27 sem og Keldugötu 15.

Lögð fram tillaga að breytingu deiliskipulags Urriðaholts norðurhluta 3 og háholts að lokinni auglýsingu ásamt þeim athugasemdum sem borist hafa. Vísað til úrvinnslu hjá umhverfissviði og skipulagsráðgjöfum.

Lögð fram umsókn um framkvæmdaleyfi til Garðabæjar vegna uppbyggingar nýs útivistarstígs og stofnstígs í gegnum Flatahraun í Urriðakotshrauni og grisjun skógar á því svæði.

Lögð fram bókun umhverfisnefndar. Framlögð gögn eru í samræmi við Deiliskipulag Urriðavatnsdala sem samþykkt var árið 2023.

Skipulagsnefnd tekur undir bókun umhverfisnefndar og beinir því til framkvæmdaraðila og umhverfissviðs Garðabæjar að vel verði staðið að upplýsingagjöf vegna framkvæmdanna sem eru í viðkvæmu umhverfi. Samráð verður haft við Náttúruverndarstofnun vegna framkvæmdanna eins og fram kemur í umsókn.

Skipulagsnefnd veitir framkvæmdaleyfi í samræmi við 13. gr. skipulagslaga nr. 123/2010 sem er í samræmi við umsóknina og þau gögn sem henni fylgja.

Skipulagsnefnd Garðabæjar gerir ekki athugasemd við framlagða skipulags- og matslýsingu en áskilur sér rétt til að gera athugasemdir á síðari stigum ferlisins.

Skipulagsnefnd Garðabæjar gerir ekki athugasemd við framlagða skipulags- og matslýsingu en áskilur sér rétt til að gera athugasemdir á síðari stigum ferlisins.

lagt fram

lagt fram

lagt fram

lagt fram

lagt fram