14. fundur

Skipulagsstjóri gerði grein fyrir tillögu að endurskoðuðu deiliskipulagi fyrir Byggðir.

Vísað til áframhaldandi úrvinnslu hjá umhverfissviði.

Skipulagsstjóri gerði grein fyrir tillögu að endurskoðuðu deiliskipulagi fyrir Mýrar.

Vísað til áframhaldandi úrvinnslu hjá umhverfissviði.

Lögð fram umsókn um framkvæmdaleyfi til Garðabæjar vegna uppbyggingar nýs útivistarstígs og stofnstígs í gegnum Flatahraun í Urriðakotshrauni og grisjun skógar á því svæði. Framlögð gögn eru í samræmi við Deiliskipulag Urriðavatnsdala sem samþykkt var árið 2023.

Skipulagsnefnd vísar umsókn til kynningar í umhverfisnefnd.

Lögð fram fyrirspurn húsfélaga í Eskiási um hugsanlega fjölgun bílastæða í götu og innan lóða á kostnað gróðurbeða.

Skipulagsnefnd mælir ekki með því að ráðist yrði í breytingu deiliskipulags með útfellingu gróðurbeða en beinir því til umhverfissviðs að skoða breytingar á gróðurbeðum í götu sem kalli ekki á deiliskipulagsbreytingu með það fyrir augum að fjölga bílastæðum.

Skipulagsnefnd beinir því til umhverfissviðs að móta tillögu að breytingu deiliskipulags Ása og Grunda þar sem horft yrði til þess að fjölga bílastæðum svæðinu.

Skipulagsnefnd mælist til þess að tillagan verði hluti af tillögu að breytingu deiliskipulags Ása og Grunda þar sem skoðuð verður möguleg fjölgun bílastæða í nágrenni við Eskiás.

Fyrirspurn vísað til umhverfissviðs. Leita skal umsagnar Vegagerðarinnar og skoðað hvort gera megi ráð fyrir staðsetningu farsímasendis í tillögu að deiliskipulagi Arnarnesvegar sem er í mótun.

Lögð fram tillaga að breytingu deiliskipulags Akra sem gerir ráð fyrir nýtingu á gluggalausum kjallararýmum og útitröppu að Skeiðakri 2 að lokinni grenndarkynningu.

Engar athugasemdir bárust og skoðast tillagan því samþykkt.

Lögð fram umsókn um byggingarleyfi til að breyta gluggum á 2 hliðum húss, setja skyggni yfir glugga á sömu hliðum ásamt að klæða hluta veggja með álgrind, sorpskýli stækkað. Að öðru leyti er hús óbreytt, stærðir breytast ekki.

Umsókn kallar á breytingu deiliskipulags Akra sem skipulagsnefnd metur sem óverulega breytingu í samræmi við 2.mgr.43.gr.skipulagslaga nr.123/2010 og vísar til grenndarkynningar í samræmi við 44. gr. sömu laga. Grenndarkynna skal eigendum Kaldakurs 3, 4, 5, 7 og 8 sem og Hvannakurs 5 og 7. Í samræmi við 3. mg. 44. gr. sömu laga er skipulagsstjóra heimilt að stytta tíma grenndarkynningar þar sem að þeir sem grenndarkynning nær til hafa með áritun sinni á uppdrátt lýst því yfir að þeir geri ekki athugasemd við breytingartillöguna.

Lögð fram fyrirspurn lóðarhafa að Bæjargili 106-116 um mögulegar breytingar á lóðarmörkum að Hnoðraholtsbraut.

Fyrirspurn vísað til umsagnar hjá deiliskipulagshöfundi.

Lögð fram fyrirspurn eigenda Brekkubyggðar 50 um hugmynd að viðbyggingu. Fyrirspurn vísað til skoðunar hjá ráðgjafa sem vinnur að endurskoðun deiliskipulags Byggða.

Lögð fram tillaga að óverulegri breytingu deiliskipulags að lokinni grenndarkynningu. Engar athugasemdir bárust og skoðast tillagan því samþykkt.

Skipulagsnefnd telur að útfærslan sem lögð er til í fyrirspurn muni draga úr öryggi gangandi og hjólandi vegfarenda.

Að athuguðu máli koma til greina breytingar á útfærslunni sem geta bætt hana t.d. með því að fella niður göngustíg frá innkeyrslu að Vetrarbraut eða með útfærslu á miðeyju í innkeyrslu. Nefndin óskar eftir því að tillagan verði útfærð betur með öryggissjónarmið í huga og að henni fylgi úttekt samgönguverkfærðinga.

Lögð fram umsókn um deiliskipulagsbreytingu Hnoðraholts norður sem nær til svæðis í götu norðan við fjölbýlishúsalóðirnar Vorbraut 8, 10 og 12. Gert er ráð fyrir lóð fyrir djúpgáma við götu þar sem deiliskipulag gerir ráð fyrir tveimur bílastæðum samhliða götu. Tillagan gerir ráð fyrir því að tvö bílastæði verði innan lóðar fyrir þau stæði sem víkja við götu.

Skipulagsnefnd metur tillöguna sem óverulega breytingu deiliskipulags Hnoðraholts norður í samræmi við 2. mgr. 43. gr. skipulagslaga nr. 123/2010 og vísar henni til grenndarkynningar í samræmi við 44. gr. sömu laga. Grenndarkynna skal eigendum Vorbrautar 9, 11, 13, 14 og 15.

Skipulagsstjóri gerði grein fyrir stöðu vinnu við mótun deiliskipulags fyrir grunnskóla við rætur Hnoðraholts.

Vísað til áframhaldandi mótunar.

Lögð fram drög að tillögu að breytingu deiliskipulags Vetrarmýrar sem nær til lóðarinnar Vetrarbraut 11-13.

Vísað til skoðunar hjá umhverfissviði.