1. fundur

Lögð fram tillaga að breytingu deiliskipulags Miðbæjar Garðabæjar, svæðis I og II, að lokinni auglýsingu. Athugasemdir og umsagnir sem borist hafa lagðar fram.

Vísað til úrvinnslu hjá umhverfissviði.

Lögð fram tillaga að deiliskipulagi Móa að lokinni auglýsingu. Athugasemdir og umsagnir sem borist hafa lagðar fram.

Vísað til úrvinnslu hjá umhverfissviði.

Lögð fram fyrirspurn lóðarhafa að Kumlamýri 25-27 um hljóðmanir og uppsöfnun vatns á svæðinu.

Vísað til skoðunar hjá Umhverfissviði og skipulagsráðgjafa.

Lögð fram fyrirspurn húseiganda að Krókamýri 14 um viðbyggingu við húsið til austurs. Húsið er parhús og liggur fyrir yfirlýsing meðeigenda að þau geri ekki athugasemd við útfærsluna.

Ekkert deiliskipulag telst í gildi í Mýrum.

Skipulagsnefnd vísar tillögunni sem fylgir fyrirspurn til grenndarkynningar sem umsókn um byggingarleyfi í samræmi við 44. gr. skipulagslaga nr. 123/2010. Grenndarkynna skal lóðarhöfum að Krókamýri 8, 10 og 12, Fífumýri 1, 2 og 14 sem og Löngumýri 9, 11, 13 og 15.

Lögð fram fyrirspurn um útfærslu breytinga að Teistunesi 1.

Vísað til skoðunar á umhverfissviði.

Lögð fram umsókn um breytingu á deiliskipulagi Akra sem nær til lóðarinnar Votakur 3. Gert er ráð fyrir stækkun ytri byggingarreits til vesturs þar sem heimilt yrði að stækka kjallara og útbúa svalir ofan á viðbyggingu.

Skipulagsnefnd metur tillöguna sem óverulega breytingu deiliskipulags í samræmi við 2. mgr. 43. gr. skipulagslaga og vísar henni til grenndarkynningar í samræmi við 44. gr. sömu laga. Grenndarkynna skal lóðarhöfum að Votakri 1 og 5 og Stórakri 2, 4, og 6.

Lögð fram tillaga að breytingu deiliskipulags Búða sem gerir ráð fyrir stækkun byggingarreits á baklóð að Gilsbúð 9 og niðurfellingu kvaðar um holræsi að lokinni grenndarkynningu ásamt athugasemd sem borist hefur.

Gerð er athugasemd við að byggingarreitur sé stækkaður í átt að lóðum við Smiðsbúð og að fjarlægð á milli byggingarreita sé minni en 8 metrar.

Skipulagsnefnd bendir á að í deiliskipulagi Búða eru dæmi þess að fjarlægð á milli byggingarreita er álíka mikil og tillagan gerir ráð fyrir. Við veitingu byggingarleyfis fyrir viðbyggingu verður að tryggja að fullt tillit sé tekið til nálægðar og kröfur um brunavarnir uppfylltar. Einnig er gerð athugasemd við neikvæð áhrif á ásýnd en skipulagsnefnd telur vel hægt að útfæra byggingu þannig að ásýnd sé sambærileg við aðrar atvinnubyggingar á sama skipulagssvæði.

Með vísan í ofangreint samþykkir skipulagsnefnd tillöguna sem óverulega breytingu deiliskipulags Búða í samræmi við 41.gr.skipulagslaga nr.123/2010.

Lögð fram fyrirspurn lóðarhafa um útfærslu einbýlishúss.

Vísað til umsagnar deiliskipulagshöfundar.

Lögð fram fyrirspurn lóðarhafa um útfærslu einbýlishúss.

Vísað til umsagnar deiliskipulagshöfundar.

Tekin fyrir staða deiliskipulag skóla-og íþróttasvæðis á Álftanesi sem samþykkt var og staðfest í bæjarstjórn sveitarfélagsins Álftaness árið 2008. Uppygging á svæðinu og aðliggjandi svæðum hefur verið umtalsverð síðan og þarfnast deiliskipulagið því endurskoðunar og aðlögunar að núverandi stöðu.

Formaður skipulagsnefndar leggur til að hafist verði handa við að endurskoða deiliskipulagið í heild sinni og móta tillögu að breytingu deiliskipulagsins í kjölfarið. Hafa skuli samráð við íbúa og aðra aðila sem nýta sér svæðið með ýmislegum hætti og kalla eftir hugmyndum og sjónarmiðum.

Skipulagsnefnd tekur undir tillögu formanns og vísar málinu til vinnslu á umhverfissviði.